Kisah Boko Rasul 26:11 - Porjanjian Boharu Torjomahan Baso Dilakng Soari-ari

¹¹ Aku pan opat mondorako'i sia' inyo kotomuanku dalapm boko rumah sombayakng. Aku bousaha momoso sia' pakai' co pocayo agi' agatn Yesus. Aku kotakan godi agatn sia' sampai aku monyasah sia'. Aku monyasah sia' ko boko kota bukai jam oca' aku dapat mondorako'i sia'.

Kisah Boko Rasul 26:11 ပူးပေါင်းရင်းမြစ်များ

Kisah Boko Rasul 22:19

Apo aku monimbasi, ‘Tuhatn, sia' tohu obai doholu aku ninam inyo molawatn boko urakng inyo pocayo agatn Duatn. Aku ninam inyo udah mansu' ko boko rumah sombayakng pakai' monangkap sia'. Aku bodularan ongko momansu'an sia' ko dalapm ponjara.

Kisah Boko Rasul 13:45

Apo watu boko urakng Yahudi moniant urakng banya' nantai, sia' monjadi kotakan tungi. Sia' mohayam Paulus. Sia' jam monikaki la'apo inyo diajarannyo.

Matius 10:17

Boboi'cam! Obai ado boko urakng inyo paca'an monangkap kaitn ongko mombaba' kaitn ko hadapan boko majelis agama pakai' diadili. Sia' paca'an moncambuk kaitn di boko rumah sombayakng.

Kisah Boko Rasul 22:5

Imam Agukng huatan somuo kolompok pomimpitn agama inyo kotakan bokuaso ulih momadahan obai hal nantai bondar. Obai aku mondapat'an boko surat doi' sia' inyo ditujuan ko boko pomimpitn boko rumah sombayakng agama Yahudi di kota Damsyik. Di kota nantai ado jam boko urakng inyo jumpat boko ajaran Tuhatn Yesus. Boko surat nantai moonji'i hak oca' aku ulih monangkap sia'. Hajatku honda' mombaba' sia' bobali' ko kota Yerusalem ni'in, oca' sia' dihukupm.

Kisah Boko Rasul 9:1

Somontaro boko rasul momboritoan Kabar Boi', Saulus kotakan godi bondar. Io moancapm boko murid Tuhatn Yesus. Katonyo io paca'an mombunuh sia'. Jadi, io botula' ko Imam Agukng.

2 Petrus 2:16

Apo, Allah monogur io obai io honda' bulah kojahatan nantai. Allah mombulah koledainyo lansukng bopandir agatn saro monsio. Agatn caro nantai, nabi Bileam ditongga'an oca' kinyo molabuhan porbuatannyo inyo gogilo nantai.

Yakobus 2:7

Kaitn monjadi umputn Yesus. Apo sia' nam inyo bojahat damo boi' Yesus.

Kisah Boko Rasul 18:6

Apo boko urakng Yahudi nantai molawatn huatan mohayam Paulus. Jadi, io mongibasan dobu doi' pakai'annyo pakai' tando poringant'an. Kato Paulus ko sia', “Aku udah botanggukng jawab momboritoan Kabar Boi' ko kaitn somuo. Apo kaitn totap co pocayo agatn Yesus. Nononyo aman kaitn dihukupm Allah, nantai kosalahan kaitn siku'. Aku co botanggukng jawab agi'. Jadi, mula'i watu ni'in, aku paca'an botula' momboritoan Kabar Boi' ko boko banso inyo bukainyo banso Yahudi.”

Lukas 21:12

Apo, sobolupm somuo nantai tojadi, kaitn paca'an ditangkap ongko didorako'i obai kaitn nantai murid-Ku. Kaitn paca'an diadili di boko rumah sombayakng ongko ditamoan ko dalapm ponjara. Kaitn tajahan dibaba' ko boko rajo huatan ko boko ponguaso pakai' diadili jam.

Lukas 15:17

Koponsuahannyo io sadar kolaku'annyo kotakng salah nantai. Io bopandir, ‘Boko urakng inyo bokorojo ko bopaiku botuyu' pomakatnnyo, apo aku di si'itn honda' mati longkapam!

Lukas 6:11

Moniant kojadian nantai boko guru agama Yahudi ongko urakng Farisi kotakan godi. Ongko sia' bohoupm la'apo inyo gola' sia' labuhan ko Yesus.

Markus 13:9

Kaitn gola' boboi' obai kaitn tajahan ditangkap lalu dibaba' ko sidakng pomimpitn agama pakai' dipokaroan. Kaitn tajahan dipoduda'an diboko rumah sombayakng. Obai kaitn nantai murid-Ku, obai nianam kaitn tajahan dibaba' ko boko ponguaso huatan ko boko rajo pakai' dipokaroan jam. Apo, nianam watunyo pakai' kaitn bosasi mongona'i Aku.

Markus 3:28

Dinga'ancam! Sotiap urakng inyo bodosa damo mohanyam, urakng nantai ulih diamputi.