Kisah Boko Rasul 25:9 - Porjanjian Boharu Torjomahan Baso Dilakng Soari-ari

⁹ Apo Festus honda' monyonangan boko urakng Yahudi. Jadi, io botakutn ko Paulus, “Apobai kolai honda' botula' ko Yerusalem? Aku ulih moadili kolai di su'utn, ongko bulah koputusan dalapm pokaro ni'in.”

Kisah Boko Rasul 25:9 ပူးပေါင်းရင်းမြစ်များ

Kisah Boko Rasul 24:27

Lopas udah laluam duo tohutn, Feliks digonti'i ulih Perkius Festus. Pado watu nantai pan, Feliks kinyo honda' monyolosaian pokaro Paulus doholu komai. Io totap mombiaran Paulus di ponjara obai io honda' monyonangan hati boko pomimpitn Yahudi.

Kisah Boko Rasul 25:20

Aku bingung ubo apo aku gola' monyolidiki mosalah ni'in. Obai nantai, aku monakutan io aman io honda' botula' ko Yerusalem. Aku ulih moadili io di su'utn, ongko bulah koputusan dalapm pokaro nantai.

Kisah Boko Rasul 12:3

Pombunuhan Yakobus monyonangan boko pomimpitn urakng Yahudi. Jadi, watu Herodes mongotohu'i nantai, io pan monyiuh oca' Petrus ditangkap. (Nantai tojadi timpu poraya'an Ari Rayo Roti co boragi kohobu'annyo, lopas jadi Paskah dirayoan.)

Markus 15:15

Obai Pilatus honda' monyonangan urakng banya' nantai, jadi io molopasan Barabas obai porminta'an sia'. Apo Yesus dicambuk. Lalu Pilatus monyorahan Yesus ko boko projuritnyo oca' dihukupm mati di kayu salib.

Kisah Boko Rasul 25:3

Sia' minto potulukan doi' gubernur Festus nantai. Sia' sangant muhun oca' Paulus dibaba' ko Yerusalem. Apo sia' ado hajat pakai' mombunuh Paulus di dalapm pojalatan.