Kisah Boko Rasul 25:25 - Porjanjian Boharu Torjomahan Baso Dilakng Soari-ari

²⁵ Apo aku udah boriso'i io. Aku co monomuan sobuti' kosalahan pan sampai io gola' dihukupm mati. Io siku' mominto oca' pokaronyo ditorusan ko Kaisar negara Roma. Jadi, aku momutusan pakai' mongiripm io ko rajo kito di su'utn.

Kisah Boko Rasul 25:25 ပူးပေါင်းရင်းမြစ်များ

Lukas 23:14

lalu bopandir ko sia', “Kaitn mombaba' Urakng ni'in ko aku ongko monuduh obai Io monyosat'an boko urakng. Dinga'anbo, aku udah boriso'i Io di hadapan kaitn, apo aku samo sokali co bodapat sobuti' pan kojahatan inyo kaitn tuduhan ko Io.

Lukas 23:4

Lalu Pilatus bopandir agatn boko imam kopala' huatan boko urakng bukai inyo udah bokumpul, “Aku co monomuan kosalahan Urakng ni'in. Conyiant alasan sampai Io gola' dihukupm.”

Kisah Boko Rasul 23:29

Ruponyo mosalahnyo bayo mongona'i boko poraturan agama sia' mo. Jadi, sia' co nyiant alasan sampai io dihukupm mati damo dimansu'an ko dalapm ponjara.

Kisah Boko Rasul 23:9

Sia' monjadi kotakan camuh. Ongko, boboropo guru agama doi' kolompok Farisi bodiritn. Sia' molawatn boko urakng Saduki agatn koras. Sia' bopandir, “Monurut koi, urakng ni'in samo sokali kinyo bosalah! Mungkitn ado molekat damo roh inyo bopandir ko io.”

Kisah Boko Rasul 25:26

Aku gola' monulis surat mongona'i io ni'in ko rajo kito. Apo co nyiant alasan inyo mansu' akal pakai' aku tulis dalapm surat nantai. Monurut pondapat aku, kinyo boi' aman mombaba' siku' urakng tahatan ko rajo kito aman co monjolasan boko tuduhan tohadap io. Obai nantai, aku mohadapan io ko kaitn, toutamo ko duatn, Rajo Agripa. Aku boharap lopas io diporiso, aku ado alasan inyo jolas pakai' ku tulisan dalapm surat ko Kaisar kito di Roma.”

Kisah Boko Rasul 26:31

Sia' somuo koluar doi' ruakan nantai. Kali udah koluar, sia' bopandir ko siku'-monyiku', “Urakng ni'in kinyo molabuhan porbuatan jahat sampai io gola' dihukupm mati. Io pan soharusnyo kinyo dimansu'an ko dalapm ponjara.”

Kisah Boko Rasul 27:1

Jadi, gubernur Festus momutusan obai Paulus gola' bolayar ko kota Roma di propinsi Italia. Festus monyorahan Paulus huatan boboropo urakng bukai inyo ditahatn ko siku' urakng powira. Damonyo Yulius. Io anggota doi' pasukan husus Kaisar negara Roma.

Kisah Boko Rasul 28:18

Boko pojabat pomorintah Romawi nantai udah boriso'iku. Sia' monomuan obai co nyiant alasan pakai' mohukupm mati aku. Jadi, sia' honda' mombebasan aku.