Kisah Boko Rasul 25:23 - Porjanjian Boharu Torjomahan Baso Dilakng Soari-ari

²³ Jadi, kohobu'annyo, rajo Agripa bosamo Bernike datakng. Sia' dihalu agatn upacara ponghormatan inyo kotakan ramai. Sia' mansu' ko dalapm ruakan tompat pokaro bososamo agatn boko komandatn pasukan huatan boko urakng pontikng inyo bukai doi' kota nantai. Ongko Festus monyiuh oca' Paulus dibaba' mansu'.

Kisah Boko Rasul 25:23 ပူးပေါင်းရင်းမြစ်များ

Kisah Boko Rasul 26:30

Lopas jadi pomandiran Paulus nantai, rajo Agripa bodiritn. Gubernur Festus, Bernike, huatan somuo urakng inyo dudu' bosamo sia' angkat bodiritn jam.

Kisah Boko Rasul 25:13

Boboropo ari lopas nian, rajo urakng Yahudi inyo bodamo Agripa huatan adikng botina'nyo inyo bodamo Bernike datakng di Kaisarea. Sia' datakng pakai' moonji'i ucapan solamant ko Festus obai hoyu' monjadi gubernur.

1 Yohanes 2:16

Boko lapopan inyo ado di dalapm dunia ni'in, ia'an kohonda' monsio, boko hal inyo ditiat lalu dikohonda'i, somuo hal lapo pan inyo monjadian urakng buhau. Somuo nantai kinyo boasal doi' Allah Bopai, apo doi' dunia.

1 Petrus 1:24

Ubo ni'inan inyo totulis di Buku Suci: “Somuo monsio inyo hidup samo sama'an rumput. Rumput nantai monjadi rangkai lalu mati. Somuo hal inyo bulah monsio hebat samo sama'an kombakng rumput, kombakng nantai jatu'.

Yakobus 1:11

Pas matoari mongkitn tinggi di langit, podi'nyo bulah padakng rumput monjadi layu. Boko kombakng luruh. Kinyo boi' agi'. Ubo nian jam inyo paca'an tojadi ko urakng dampu. Io paca'an mati watu io tongahan camuh agatn usahanyo.

1 Korintus 7:31

Jadi, sotiap urakng inyo bourusan agatn kodampuan la'apo ja' gola' bolaku ubonyo io co nyiant urusan agatn kodampuan dunia nantai. Obai, co manah agi' dunia inyo kito konal ni'in paca'an boahir.

Kisah Boko Rasul 12:21

Jadi, sia' dapat bantu'an doi' Blastus. Lopas nantai, Herodes monontuan ari pakai' botomu agatn boko utusan nantai. Pado ari nantai, Herodes momakai jubah husus rajo, dudu' di pucu' tahta rajo, ongko bopodatu ko sia'.

Kisah Boko Rasul 9:15

Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam.

Markus 6:21

Ahirnyo, Herodias mondapat'an kosompatan pas ari ulakng tohutn Herodes. Herodes bulah pogai pakai' somuo pojabat tinggi, boko powira, ongko boko tokoh masrakat Galilea.