Kisah Boko Rasul 25:19 - Porjanjian Boharu Torjomahan Baso Dilakng Soari-ari

¹⁹ Mosalahnyo bayo mongona'i ajaran agama sia' mo. Ado jam mosalah agatn siku' urakng inyo bodamo Yesus. Io udah mati. Apo Paulus bopandir agatn togas obai Yesus hidup.

Kisah Boko Rasul 25:19 ပူးပေါင်းရင်းမြစ်များ

Kisah Boko Rasul 17:31

Kito gola' moninggalan dosa obai Allah paca'an mohakipi somuo urakng agatn adil. Sio udah monontuan sombilo ponghakipan nantai paca'an tojadi. Sio jam udah momilih siku' Urakng pakai' monjadi Hakipm. Allah mombutian somuo nantai agatn caro mombulah Urakng nantai bobali' hidup doi' komatian.”

Kisah Boko Rasul 18:15

Apo ni'in bayo mosalah pomandiran, kata'an mosalah namo, kata'an mosalah hukupm kaitn ja'. Biar kaitn mourus siku' mosalah ni'in. Aku co honda' moadili mosalah sama'an ni'in.”

Kisah Boko Rasul 18:19

Pas sia' datakng di kota Efesus, Paulus mansu' ko rumah sombayakng. Io agatn boko urakng Yahudi di santai bopandir mongona'i Yesus. Sia' mominto io pakai' monotap lobih manah di su'utn. Apo io monula'. Katonyo, “Aman Allah moijitan, aku paca'an datakng agi' ko si'itn.” Jadi, io botula' noi' kapal, apo Priskila ongko Akwila totap tinggal di kota Efesus nantai.

Kisah Boko Rasul 2:32

Boko somadikan, Yesus nanam Rajo nantai! Lopas Yesus mati, Allah bulah Sio hidup agi' doi' komatian. Koi somuo udah moniant Sio. Koi moniant agatn mato kopala' koi siku'.

Kisah Boko Rasul 23:29

Ruponyo mosalahnyo bayo mongona'i boko poraturan agama sia' mo. Jadi, sia' co nyiant alasan sampai io dihukupm mati damo dimansu'an ko dalapm ponjara.

Kisah Boko Rasul 25:18

Lopas nian, somuo urakng inyo monuduh io bodiritn mongoliliki io. Aku monyangko tuduhan sia' paca'an ado hubukan agatn porbuatan inyo jahat bondar. Apo tuduhan sia' kinyo samo sama'an nantai.

Kisah Boko Rasul 25:7

Lopas jadi Paulus dibaba' mansu' ko ruakan nantai, somuo urakng Yahudi inyo datakng doi' Yerusalem bodiritn mongoliliki io. Sia' moajuan banya' tuduhan inyo borat tohadap io. Apo sia' kinyo ulih mombutiannyo.

Kisah Boko Rasul 26:3

Aku sonang toutamo obai Habakng udah mongotohu'i sobobondarnyo mongona'i somuo adat baso urakng Yahudi. Habakng pan mongotohu'i mongona'i boko hal inyo monimbulan songkayo pondapat di antaro urakng Yahudi. Obai nantai, aku minto oca' duatn mondinga'an aku agatn sabar.

Wahyu 1:18

Aku ninam inyo Hidup. Aku udah mati, apo porotiancam, Aku hidup pakai' somanah-manahnyo. Aku monjujut kunci huatan bokuaso tohadap komatian ongko dunia urakng mati