Kisah Boko Rasul 25:17 - Porjanjian Boharu Torjomahan Baso Dilakng Soari-ari

¹⁷ Jadi, sia' datakng ko si'itn samoan aku. Soari lopas aku datakng di Kaisarea, aku moadoan pokaro bosar. Jadi, aku monyiuh oca' Paulus dibaba' doi' ponjara.

Kisah Boko Rasul 25:17 ပူးပေါင်းရင်းမြစ်များ

Matius 27:19

Pilatus tongahan dudu' di krosi tompat io moadili pokaro. Watu nantai, bininyo mongiripm posatn ko io, “Sari ni'in, obai pokaro Urakng nantai mombulah aku bomimpi inyo bogola'i. Mimpi nantai bulahku mondorita'. Obai nianam, jangan kolai sonjumpat'an pokaro Urakng inyo kinyo bosalah nantai.”

Kisah Boko Rasul 25:10

Apo Paulus monimbas, “Ni'inan aku ado di si'itn. Ni'in ia'an tompat pongadilan resmi di pomorintahan Romawi. Jadi, aku gola' diadili di si'itn ja'am kinyo di Yerusalem. Aku kinyo bosalah tohadap urakng Yahudi. Kolai siku' udah mongotohu'i nantai.

Kisah Boko Rasul 25:18

Lopas nian, somuo urakng inyo monuduh io bodiritn mongoliliki io. Aku monyangko tuduhan sia' paca'an ado hubukan agatn porbuatan inyo jahat bondar. Apo tuduhan sia' kinyo samo sama'an nantai.

Kisah Boko Rasul 25:6

Festus bodiapm di Yerusalem kurakng lobih dolapatn sampai sopuluh ari. Ongko, io bobali' ko Kaisarea bosamo boko pomimpitn urakng Yahudi nantai. Soari lopas io datakng di Kaisarea, Festus moadoan sidakng pongadilan. Jadi, io monyiuh oca' Paulus dibaba' doi' ponjara.