Kisah Boko Rasul 25:12 - Porjanjian Boharu Torjomahan Baso Dilakng Soari-ari

¹² Jadi, gubernur Festus bohoupm agatn boko ponosihatnyo. Ongko io bopandir, “Boi'am! Kolai udah minto oca' pokaro kolai ditorusan ko Kaisar negara Roma. Jadi, kolai paca'an diadili ulih io di su'utn.”

Kisah Boko Rasul 25:12 ပူးပေါင်းရင်းမြစ်များ

Matius 22:17

Monurut Duatn, apobai poraturan Allah inyo ditulis Musa dalapm Hukupm Torat moijitan kito mombayar pajak ko Rajo Roma kata'an cadoai?”

Kisah Boko Rasul 19:21

Lopas nantai, obai bimbikan Roh Allah Paulus bulah hajat pakai' botula' ko Yerusalem. Dalapm pojalatan ko su'utn, io honda' molalu'i propinsi Makedonia huatan Akhaya oca' io ulih mondataki boko urakng pocayo di su'utn. Io pan honda' ko kota Roma. Katonyo, “Lopas jadi aku botula' ko Yerusalem, aku gola' mondataki Roma.”

Kisah Boko Rasul 23:11

Pas malapm nantai Tuhatn Yesus bodiritn di sopia' Paulus ongko bopandir ko io, “Jangan gola'. Kolai udah borani momboritoan mongona'i Aku di Yerusalem. Nononyo kolai gola' borani jam momboritoan mongona'i Aku di Roma.”

Kisah Boko Rasul 25:11

Aman aku bondar-bondar udah molabuhan kojahatan ulihmo aku dihukupm mati, aku monorima' hukupan nantai. Apo aman tuduhan sia' tohadap aku kinyo bondar, co nyiant urakng inyo ulih monyorahan aku ko sia'. Socaro resmi ni'inan aku minto oca' pokaroku ditorusan ko Kaisar negara Roma.”

Kisah Boko Rasul 25:13

Boboropo ari lopas nian, rajo urakng Yahudi inyo bodamo Agripa huatan adikng botina'nyo inyo bodamo Bernike datakng di Kaisarea. Sia' datakng pakai' moonji'i ucapan solamant ko Festus obai hoyu' monjadi gubernur.

Kisah Boko Rasul 25:21

Apo Paulus minto ditahatn sampai Kaisar negara Roma ulih moadili pokaronyo. Jadi, aku monyiuh oca' io totap ditahatn sampai aku ulih mombaba' io ko rajo kito di su'utn.”

Kisah Boko Rasul 26:32

Rajo Agripa bopandir ko gubernur Festus, “Urakng ni'in sobondarnyo udah ulih dibebasan. Apo io udah minto oca' io ulih diadili Kaisar negara Roma. Jadi, nanam inyo gola' tojadi.”

Kisah Boko Rasul 27:1

Jadi, gubernur Festus momutusan obai Paulus gola' bolayar ko kota Roma di propinsi Italia. Festus monyorahan Paulus huatan boboropo urakng bukai inyo ditahatn ko siku' urakng powira. Damonyo Yulius. Io anggota doi' pasukan husus Kaisar negara Roma.

Kisah Boko Rasul 28:16

Doi' duo laman nantai koi tuntukng di kota Roma. Di santai, boko pomimpitn pomorintah Romawi moonji'i ijitn oca' Paulus ulih bodiapm di rumah topisah siku'nyo. Apo gola' ado projurit inyo monjago io.

Filipi 1:20

Aku kotakng honda' ongko moharap'an obai aku co bulah boko-lapo inyo bulah ku monjadi malu di hadapan Tuhatn. Apo aku boharap aku tajahan monjadi borani watu ni'in samo sama'an aku hala borani sobolupmnyo. Agatn ubo nantai, aman aku mati damo hidup, Kristus tajahan dimuliaan agatn lapo ja' inyo tojadi ko bukakng-tubuhku.