Kisah Boko Rasul 25:1 - Porjanjian Boharu Torjomahan Baso Dilakng Soari-ari

¹ Jadi, Festus monjadi gubernur di propinsi Yudea nantai. Io datakng di Kaisarea, ibu kotanyo. Lopas tigo ari, io botula' ko Yerusalem.

Kisah Boko Rasul 25:1 ပူးပေါင်းရင်းမြစ်များ

Kisah Boko Rasul 18:22

Paulus turutn doi' kapal di kota Kaisarea. Ongko, io botula' ko Yerusalem. Io mombori' salapm ko jomaat di su'utn. Ongko, io molajuan pojalatan ko Antiokhia.

Kisah Boko Rasul 21:15

Lopas boboropo ari di Kaisarea, koi bososiap pakai' botula' ko Yerusalem.

Kisah Boko Rasul 23:34

Jadi, gubernur mombaco surat nantai. Ongko, io botakutn ko Paulus, “Kolai boasal doi' propinsi mono?” Paulus monimbas, “Aku doi' propinsi Kilikia.”

Kisah Boko Rasul 24:27

Lopas udah laluam duo tohutn, Feliks digonti'i ulih Perkius Festus. Pado watu nantai pan, Feliks kinyo honda' monyolosaian pokaro Paulus doholu komai. Io totap mombiaran Paulus di ponjara obai io honda' monyonangan hati boko pomimpitn Yahudi.

Kisah Boko Rasul 25:13

Boboropo ari lopas nian, rajo urakng Yahudi inyo bodamo Agripa huatan adikng botina'nyo inyo bodamo Bernike datakng di Kaisarea. Sia' datakng pakai' moonji'i ucapan solamant ko Festus obai hoyu' monjadi gubernur.

Kisah Boko Rasul 25:4

Gubernur Festus monimbas, “Paulus ija' ditahatn di Kaisarea. Dalapm boboropo ari aku paca'an ko su'utn.

Kisah Boko Rasul 25:5

Jadi, soboi'nyo boko pomimpitn kaitn botula' samoan aku. Aman Paulus memang bulah kosalahan, tuduhan kaitn ulih disampaian di su'utn.”

Kisah Boko Rasul 25:6

Festus bodiapm di Yerusalem kurakng lobih dolapatn sampai sopuluh ari. Ongko, io bobali' ko Kaisarea bosamo boko pomimpitn urakng Yahudi nantai. Soari lopas io datakng di Kaisarea, Festus moadoan sidakng pongadilan. Jadi, io monyiuh oca' Paulus dibaba' doi' ponjara.

Kisah Boko Rasul 8:40

Apo Roh Allah mombaba' Filipus doi' tompat nantai ko kota inyo bodamo Asdod. Tangga'i santai io bojalatn ko kota Kaisarea. Io momboritoan Kabar Boi' di somuo kota di sopanjakng pojalatannyo.