Kisah Boko Rasul 24:27 - Porjanjian Boharu Torjomahan Baso Dilakng Soari-ari

²⁷ Lopas udah laluam duo tohutn, Feliks digonti'i ulih Perkius Festus. Pado watu nantai pan, Feliks kinyo honda' monyolosaian pokaro Paulus doholu komai. Io totap mombiaran Paulus di ponjara obai io honda' monyonangan hati boko pomimpitn Yahudi.

Kisah Boko Rasul 24:27 ပူးပေါင်းရင်းမြစ်များ

Markus 15:15

Obai Pilatus honda' monyonangan urakng banya' nantai, jadi io molopasan Barabas obai porminta'an sia'. Apo Yesus dicambuk. Lalu Pilatus monyorahan Yesus ko boko projuritnyo oca' dihukupm mati di kayu salib.

Kisah Boko Rasul 12:3

Pombunuhan Yakobus monyonangan boko pomimpitn urakng Yahudi. Jadi, watu Herodes mongotohu'i nantai, io pan monyiuh oca' Petrus ditangkap. (Nantai tojadi timpu poraya'an Ari Rayo Roti co boragi kohobu'annyo, lopas jadi Paskah dirayoan.)

Kisah Boko Rasul 23:35

Kato gubernur, “Aku paca'an moadili pokaro kolai watu boko urakng inyo monuduh kolai udah datakng ko si'itn.” Jadi, io monyiuh oca' Paulus dibaba' ko istana Rajo Herodes pakai' ditahatn di santai.

Kisah Boko Rasul 25:1

Jadi, Festus monjadi gubernur di propinsi Yudea nantai. Io datakng di Kaisarea, ibu kotanyo. Lopas tigo ari, io botula' ko Yerusalem.

Kisah Boko Rasul 25:14

Sia' monotap di su'utn boboropo ari. Ongko, watu nantai, Festus monjolasan mongona'i pokaro Paulus oca' bodapat nosihat doi' rajo Agripa. Katonyo, “Ado siku' urakng tahatan di si'itn. Damonyo Paulus. Timpu Feliks tongga' jadi gubernur, io kinyo monyolosaian pokaro Paulus nantai.

Kisah Boko Rasul 25:4

Gubernur Festus monimbas, “Paulus ija' ditahatn di Kaisarea. Dalapm boboropo ari aku paca'an ko su'utn.

Kisah Boko Rasul 25:9

Apo Festus honda' monyonangan boko urakng Yahudi. Jadi, io botakutn ko Paulus, “Apobai kolai honda' botula' ko Yerusalem? Aku ulih moadili kolai di su'utn, ongko bulah koputusan dalapm pokaro ni'in.”

Kisah Boko Rasul 26:32

Rajo Agripa bopandir ko gubernur Festus, “Urakng ni'in sobondarnyo udah ulih dibebasan. Apo io udah minto oca' io ulih diadili Kaisar negara Roma. Jadi, nanam inyo gola' tojadi.”

Kisah Boko Rasul 28:30

Paulus monotap di Roma somanah duo tohutn ponuh. Io totap bodiapm di rumah inyo io sewa. Io monorima' agatn boi' somuo urakng inyo datakng ko io.

Galatia 1:10

Agatn pomandiran nantai, udah jolas aku kinyo bousaha monyonangan monsio. Aku bayo bousaha monyonangan hati Allah mo! Soandainyo aku bousaha monyonangan monsio, nantai paca'an bulah aku co agi' monjadi hulutn umputn Rajo Inyo Dijanjian Allah.