Kisah Boko Rasul 24:25 - Porjanjian Boharu Torjomahan Baso Dilakng Soari-ari

²⁵ Paulus pan monjolasan mongona'i boko hal ni'in: Urakng inyo pocayo gola' molabuhan porbuatan inyo bondar di hadapan Allah. Urakng inyo pocayo pan gola' mongondalian diri. Paulus pan monjolasan obai suatu ari nononyo somuo urakng paca'an dihakipi. Watu Feliks mondinga' mongona'i caro hidup sama'an nantai, io kotakan gola' bondar. Ongko io bopandir, “Jadiam! Botula' cam. Nononyo aman ado watu, aku moningkau kolai agi'.”

Kisah Boko Rasul 24:25 ပူးပေါင်းရင်းမြစ်များ

Matius 22:5

Apo boko urakng inyo dihundakng nantai totap co moolikannyo. Ado inyo botula' ko lakaunyo. Ado inyo botula' mourus usahanyo.

Yohanes 16:8

Watu Sio datakng, Sio paca'an bulah boko urakng di dunia sadar mongona'i boko hal ni'in: mongona'i dosa, huatan mongona'i la'apo inyo bondar, huatan mongona'i hukupan.

Kisah Boko Rasul 10:42

Jadi, Yesus monyiuh koi pakai' momboritoan ko boko urakng. Koi disiuh monyampaian obai Allah udah momilih Yesus monjadi hakipm pakai' somuo urakng inyo hidup agatn urakng inyo mati.

Kisah Boko Rasul 17:13

Apo boko urakng Yahudi di Tesalonika mondinga' mongona'i Paulus di Berea. Sia' mondinga' obai Paulus tongahan monyampaian borito doi' Allah mongona'i Yesus di kota nantai jam. Jadi, sia' pan botula' ko su'utn huatan monjahai'an Paulus.

Kisah Boko Rasul 17:2

Sama'an biaso, Paulus botula' ko rumah sombayakng nantai holu'ai. Di santai, io mongajar doi' Buku Suci. Somanah tigo minggu bojojurut, sotiap Ari Sabat Paulus agatn sia' bopandir mombahas Buku Suci di santai.

Kisah Boko Rasul 17:32

Timpu boko urakng nantai mondinga' Paulus bopandir obai ado Urakng inyo kalo bobali' hidup doi' komatian, ado di antaro sia' inyo boulu'an Paulus. Apo inyo bukai bopandir, “Hobu'-luso cam, koi mondinga'an kolai bopandir agi' mongona'i hal ni'in.”

Kisah Boko Rasul 2:37

Timpu urakng banya' mondinga' hal nantai, hati sia' sangant monyosal. Sia' botakutn ko Petrus ongko boko rasul bukai, “Boko somadikan, la'apo inyo gola' koi labuhan?”

Kisah Boko Rasul 24:15

Samo sama'an sia', aku pan yakitn obai suatu ari nono Allah paca'an bulah urakng bobali' hidup doi' komatian, boi' urakng bondar honda' pan urakng jahat.

Kisah Boko Rasul 24:26

Watu nantai, Feliks boharap Paulus paca'an moonji'i duit suap ko io. Jadi Feliks opat monyiuh oca' Paulus dibaba' pakai' bopandir agatn io.

Kisah Boko Rasul 26:28

Ongko Agripa bopandir, “Jangan bopikir kolai ulih mongkongkanti'iku monjadi urakng Kristen dalapm watu socopat ni'in.”

Kisah Boko Rasul 9:6

Ni'inan bodiritncam. Mansu' ko kota nantai. Di su'utn paca'an ado urakng inyo momadahan la'apo inyo gola' kolai labuhan.”

Roma 12:1

Obai somuonyo nantai, boko somadikan, ni'in aku kotakan muhun ko kaitn: Obai Allah monunju'an kasih-Nyo ko kaitn, jadi kaitn gola' monyorahan diri kaitn ko Sio samo sama'an kurbatn posombahan inyo hidup. Kaitn gola' hidup agatn caro inyo borosih doi' dosa ongko monyonangan Sio. Nianam caro inyo bondar pakai' monyombah Sio.

Roma 14:12

Jadi, sotiap kito gola' mompotanggukng-jawaban somuo porbuatan kito ko Allah.

Roma 2:16

Nononyo hal nantai monjadi kotiat'an. Ia'an, timpu Allah molalu'i Kristus Yesus pakai' mohakipi somuo hal inyo tosimpatn dalapm hati monsio. Nantai sosuai agatn Kabar Boi' inyo aku boritoan.

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

2 Korintus 5:10

Obai, nononyo kito somuo gola' mohadap tahta Kristus pakai' diadili. Sotiap urakng tajahan monorima' balasan sotimpal agatn porbuatannyo di dunia ni'in, ia'an porbuatannyo inyo boi' damo inyo jahat.

2 Korintus 6:2

Obai, di dalapm Buku Suci, Allah bopandir, “Watu Aku sotuju, Aku mondinga'an kolai. Watu ari kosolamant'an, Aku monyolamant'an kolai.” Dinga'ancam, boko somadikan! Watu ni'inan ia'an watu inyo sotuju nantai. Ari ni'in ia'an ari kosolamant'an nantai!

Galatia 3:22

Apo di dalapm Buku Suci totulis obai somuo urakng di dunia dikuaso'i dosa. Agatn ubo nian, la'apo inyo Allah janjian molalu'i kopocaya'an ko Yesus Kristus nantai, Sio onju' ko boko urakng inyo pocayo.

Galatia 5:23

onsi' ngoroti, monguaso'i diri. Co nyiant poraturan mono pan inyo morarakng urakng honda' hidup sama'an nantai!

2 Timotius 4:1

Dinga'anbo! Kristus Yesus momorintah dalapm Koraja'an Allah somanah-manahnyo. Sio paca'an datakng bobali' agi' ko dunia ni'in. Watu nantai, Sio paca'an mohakipi somuo urakng, boi' urakng inyo ija' hidup honda' pan urakng inyo udah mati. Obai nantai dihadapan Kristus Yesus huatan Allah moonji'i boko potunju' ni'in ko kolai:

Titus 1:8

Apo, io agatn coraca'an ulih moonji'i tumpakan ongko gala' bulah koboi'an. Io gola' pintar-corodi', hidup bondar di hadapan Allah, co bulah dosa, ongko ulih mongondalian dirinyo.

Ibrani 12:21

Kojadian inyo sia' tiat nantai kotakng bogola'i sampai Musa pan bopandir, “Aku gola' huatan bogogora'!”

Ibrani 3:13

Apo kaitn gola' hala monguat'an inyo bukainyo sotiap ari, somanah ija' ado kosompatan timpu joman ni'in inyo disobut ‘Sari ni'in’. Labuhan nantai oca' kinyo ado di antaro kaitn inyo ditipu ulih dosa lalu monjadi korikng hati monula' Allah.

Ibrani 4:1

Obai nantai, boko somadikan, kito gola' boboi'. Allah udah bojanji obai somuo urakng inyo pocayo ulih mansu' ko dalapmtompat torahat inyo Sio siap'an. Janji Allah nantai ija' bolaku pakai' kito watu joman ni'in. Apo, kaitn gola' boboi' oca' conyiant di antaro kaitn inyo culih mansu'.

Ibrani 6:2

ajaran mongona'i bomacapm baptisan, ajaran mongona'i molota'an jari ko urakng, ajaran obai boko urakng paca'an bobali' hidup agi' doi' komatian, huatan ajaran mongona'i hukupan inyo somanah-manahnyo.

Ibrani 9:27

Allah udah monontuan monsio mati sokali mo. Lopas nantai, sia' dihakipi.

Yakobus 2:19

Kolai mongatoan obai kolai pocayo ongkah ado siku' Allaham. Nian boi'! Apo cubo bopikir. Boko roh jahat pan pocayo sama'an kolai jam! Huatan hal nian bulah boko roh jahat nantai bogogora'.

1 Petrus 3:15

Apo dalapm hati kaitn hormaticam Kristus sobagai Tuhatn inyo bokuaso pakai' kaitn. Kaitn gola' hala siap monjolasan alasan kaitn boharap ko Kristus. Kaitn gola' monjolasan nantai ko sotiap urakng inyo botakutn mongona'i hal nantai.

2 Petrus 1:6

Lopas nian, kaitn gola' bousaha kondalian diri. Lopas nantai, kaitn totap kuat dalapm mohadapi pondorita'an. Lopas nian, kaitn hidup monyonangan Allah.

1 Yohanes 3:10

Doi' tando ni'in kito mongotohu'i sopo poana'an Allah huatan sopo poana'an Rajo Sitatn: Urakng inyo co hidup bondar di hadapan Allah, urakng nianan bukainyo ana' Allah. Ubo nian jam, urakng inyo co mongasihi somadikannyo. Urakng nantai bukainyo ana' Allah.

1 Yohanes 3:7

Boko poana'anku! Jangan pocayo agatn ajarannyo salah doi' sopo pan. Urakng inyo hidup bondar di hadapan Allah nianam urakng inyo bondar, samo sama'an Kristus ia'an bondar.