Kisah Boko Rasul 24:23 - Porjanjian Boharu Torjomahan Baso Dilakng Soari-ari

²³ Ongko io monyiuh powiranyo oca' Paulus totap ditahatn, apo kinyo dijago sobobondarnyo. Aman boko pokawalan Paulus datakng, sia' ulih diijitan pakai' monulukng Paulus.

Kisah Boko Rasul 24:23 ပူးပေါင်းရင်းမြစ်များ

Kisah Boko Rasul 28:16

Doi' duo laman nantai koi tuntukng di kota Roma. Di santai, boko pomimpitn pomorintah Romawi moonji'i ijitn oca' Paulus ulih bodiapm di rumah topisah siku'nyo. Apo gola' ado projurit inyo monjago io.

Kisah Boko Rasul 27:3

Kohobu'annyo, koi tuntukng di Sidon. Yulius komandatn pasukan nantai boi' hati agatn Paulus. Io moijitan Paulus turutn pakai' monjongu' boko kawalnyo di Sidon. Sia' ulih moonji'i la'apo inyo io pontikan.

Kisah Boko Rasul 28:31

Io momboritoan mongona'i Koraja'an Allah. Io mongajar mongona'i Tuhatn Yesus, Rajo Inyo Dijanjian Allah nantai. Io momboritoan nantai agatn borani. Co nyiant inyo mohalaki io.

Kisah Boko Rasul 24:26

Watu nantai, Feliks boharap Paulus paca'an moonji'i duit suap ko io. Jadi Feliks opat monyiuh oca' Paulus dibaba' pakai' bopandir agatn io.

Kisah Boko Rasul 23:35

Kato gubernur, “Aku paca'an moadili pokaro kolai watu boko urakng inyo monuduh kolai udah datakng ko si'itn.” Jadi, io monyiuh oca' Paulus dibaba' ko istana Rajo Herodes pakai' ditahatn di santai.

Kisah Boko Rasul 23:16

Apo ana' somadikan Paulus mondinga' mongona'i hajat nantai. (Io nantai ana' lolaki doi' somadikan botina' Paulus). Lopas jadi mondinga' mongona'i hajat nantai, io botula' ko markas ongko momadahannyo ko Paulus.

Kisah Boko Rasul 25:4

Gubernur Festus monimbas, “Paulus ija' ditahatn di Kaisarea. Dalapm boboropo ari aku paca'an ko su'utn.