Kisah Boko Rasul 23:9 - Porjanjian Boharu Torjomahan Baso Dilakng Soari-ari

⁹ Sia' monjadi kotakan camuh. Ongko, boboropo guru agama doi' kolompok Farisi bodiritn. Sia' molawatn boko urakng Saduki agatn koras. Sia' bopandir, “Monurut koi, urakng ni'in samo sokali kinyo bosalah! Mungkitn ado molekat damo roh inyo bopandir ko io.”

Kisah Boko Rasul 23:9 ပူးပေါင်းရင်းမြစ်များ

Markus 2:16

Apo watu boko pomimpitn agama Yahudi doi' kolompok Farisi ongko boko guru agama Yahudi moniant Yesus makatn agatn ponagih pajak ongko boko urakng bodosa. Sia' bopandir ko boko murid Yesus, “Mapo Sio makatn bosamo agatn ponagih pajak ongko boko urakng bodosa?”

Lukas 23:22

Lalu pongontigo kalinyo Pilatus bopandir ko sia', “Urakng ni'in kinyo bosalah! Io kinyo molabuhan kojahatan la'apo pan sampai ulih mondapat hukupan mati. Aku paca'an monyiuh Io dipodularan ja'am, lalu molopasan-Nyo.”

Lukas 23:4

Lalu Pilatus bopandir agatn boko imam kopala' huatan boko urakng bukai inyo udah bokumpul, “Aku co monomuan kosalahan Urakng ni'in. Conyiant alasan sampai Io gola' dihukupm.”

Lukas 5:30

Apo boko urakng Farisi ongko boko guru agama Yahudi botuta'-bomamai. Sia' bopandir ko murid Yesus, “Ma'apo kaitn makatn-minum bokawal agatn ponagih pajak ongko boko urakng bukai inyo bodosa? Nian salah!”

Yohanes 12:29

Urakng banya' inyo ado di santai mondinga' saro nantai. Ado inyo bopandir, “Nantai bunyi guntur!” Apo ado jam inyo bopandir, “Nantai saro molekat inyo bopandir agatn Sio.”

Kisah Boko Rasul 11:17

Watu kito udah pocayo ko Tuhatn Yesus Kristus, ongko Allah moonji'i Roh-Nyo ko kito. Ubo nian jam watu urakng inyo bukainyo Yahudi nantai pocayo, Allah jam moonji'i Roh-Nyo ko sia'. Aman Allah monorima' urakng bukai Yahudi sama'an nantai, co mungkitn aku ulih monula' sia'. Co mungkitn aku molawatn Allah!”

Kisah Boko Rasul 22:6

Apo, dalapm pojalatan aku ko su'utn ado sosuatu inyo tojadi. Watu tongah ari aku udah dampikng kota Damsyik nantai. Sopongirap ado cohayo doi' langit. Cohayo nantai momanjah sokolilikng aku.

Kisah Boko Rasul 22:7

Lansukng aku tokorobah ko tanah. Aku mondinga' ado saro inyo bopandir, ‘Saulus, Saulus, tongga'ancam kolai mondorako'i Aku!’

Kisah Boko Rasul 23:29

Ruponyo mosalahnyo bayo mongona'i boko poraturan agama sia' mo. Jadi, sia' co nyiant alasan sampai io dihukupm mati damo dimansu'an ko dalapm ponjara.

Kisah Boko Rasul 25:25

Apo aku udah boriso'i io. Aku co monomuan sobuti' kosalahan pan sampai io gola' dihukupm mati. Io siku' mominto oca' pokaronyo ditorusan ko Kaisar negara Roma. Jadi, aku momutusan pakai' mongiripm io ko rajo kito di su'utn.

Kisah Boko Rasul 26:31

Sia' somuo koluar doi' ruakan nantai. Kali udah koluar, sia' bopandir ko siku'-monyiku', “Urakng ni'in kinyo molabuhan porbuatan jahat sampai io gola' dihukupm mati. Io pan soharusnyo kinyo dimansu'an ko dalapm ponjara.”

Kisah Boko Rasul 27:23

Aku bopandir ubo nantai obai malapm mantai ado molekat datakng ko aku. Molekat nantai diutus Allahku, Allah inyo aku sombah, Allah inyo aku layati. Molekat doi' Allah nantai bodiritn di sopia' aku.

Kisah Boko Rasul 5:39

Apo amannyo bondar pokoroja'an sia' nantai boasal doi' Allah, co ulih kito monongga'an sia'. Malahan monjadi nyata obai kito inyo molawatn Allah.” Boko pomimpitn sotuju agatn pomandiran Gamaliel nantai.

Kisah Boko Rasul 9:4

Lansukng io jatu' ko tanah. Ado saro inyo bopandir, “Saulus, Saulus, tongga' cam mondorako'i Aku!”

1 Korintus 10:22

Jangan bulah Tuhatn mongomburu! Ingant cam, kito co lobih kuat doi' Tuhatn.