Kisah Boko Rasul 23:6 - Porjanjian Boharu Torjomahan Baso Dilakng Soari-ari

^6-8 Paulus udah mongotohu'i di antaro boko pomimpitn inyo hadir, ado inyo doi' kolompok Saduki huatan ado jam inyo doi' kolompok Farisi. Io udah mongotohu'i urakng Saduki kinyo pocayo aman urakng mati paca'an hidup agi'. Sia' jam kinyo pocayo ado boko molekat damo boko roh. Apo urakng Farisi pocayo somuo hal nantai. Obai nantaiam, io mondorah, “Boko somadikan, aku ni'in urakng Farisi. Bopaiku pan urakng Farisi. Aku pocayo obai urakng mati paca'an hidup agi'. Nanam alasan aku diadili ari ni'in!” Pomandiran Paulus bunyi nantai pakai' bulah boko urakng Farisi huatan boko urakng Saduki di santai botikakng. Potomuan sia' nantai monjadi tobagi-bagi.

Kisah Boko Rasul 23:6 ပူးပေါင်းရင်းမြစ်များ

Matius 10:16

“Dinga'anbo ni'in! Aku moutus kaitn samo sama'an boko ana' domba ko boko bonatakng ganas. Obai nantai, kaitn gola' corodi' sama'an ular. Apo kaitn pan gola' tulus hati sama'an burukng daro.

Matius 22:23

Timpu ari nantai jam, boboropo pomimpitn agama Yahudi inyo bukai datakng ko Yesus. Sia' doi' kolompok Saduki inyo co pocayo obai urakng paca'an bobali' hidup agi' lopas jadi mati. Jadi, sia' honda' monjebak Yesus agatn potakutan mongona'i nantai. Kato sia',

Matius 3:7

Apo banya' jam pomimpitn agama Yahudi pan datakng pakai' dibaptis. Ado doi' kolompok Farisi huatan kolompok Saduki. Watu Yohanes moniant sia', io bopandir, “Oi kaitn inyo jahat huatan licik sama'an ular biso! Jangan bopikir kaitn ulih morarian diri doi' hukupan Allah nononyo.

Kisah Boko Rasul 22:3

“Aku urakng Yahudi samo sama'an kaitn jam. Aku dilahiran di kota Tarsus di propinsi Kilikia. Apo aku dibosaran di kota Yerusalem ni'in. Tangga'i kocit, aku bolajar boko porintah huatan poraturan Allah inyo ditulis Musa dalapm Hukupm Torat. Guru Bosar Gamaliel inyo mongajar huatan mondidik aku agatn toliti. Ongko, aku sobobondarnyo taat molayati Allah, samo sama'an somuo kaitn ari ni'in jam.

Kisah Boko Rasul 22:30

Apo komandatn pasukan nantai honda' tohu socaro jolas ma'apo Paulus dituduh ulih boko urakng Yahudi nantai. Jadi, kohobu'annyo io monyiuh oca' Paulus dikoluaran doi' ponjara. Ongko, io mongumpulan somuo pomimpitn Yahudi. Ado boko imam kopala' huatan boko pomimpitn Yahudi inyo kotakan bokuaso di santai. Io monyiuh oca' Paulus dibaba' doi' markas ongko bodiritn di pohadapan sia'.

Kisah Boko Rasul 22:5

Imam Agukng huatan somuo kolompok pomimpitn agama inyo kotakan bokuaso ulih momadahan obai hal nantai bondar. Obai aku mondapat'an boko surat doi' sia' inyo ditujuan ko boko pomimpitn boko rumah sombayakng agama Yahudi di kota Damsyik. Di kota nantai ado jam boko urakng inyo jumpat boko ajaran Tuhatn Yesus. Boko surat nantai moonji'i hak oca' aku ulih monangkap sia'. Hajatku honda' mombaba' sia' bobali' ko kota Yerusalem ni'in, oca' sia' dihukupm.

Kisah Boko Rasul 23:1

Paulus moncorona'i lansukng ko boko pomimpitn Yahudi nantai. Katonyo, “Boko somadikan, sampai ari ni'in aku totap hidup agatn hati nurani inyo borosih di hadapan Allah.”

Kisah Boko Rasul 23:15

Ni'inan koi muhun oca' boko pombopaian mongopal ko somuo Kolompok pomimpitn inyo kotakan bokuaso doi' banso kito urakng Yahudi. Samoan agatn sia', mintocam ko komandatn pasukan Romawi oca' Paulus dibaba' doi' markas pakai' mohadap kaitn. Kaitn pompadah honda' boriso'i pokaronyo lobih toliti. Apo watu io dalapm pojalatan, koi udah siap pakai' mombunuh io.”

Kisah Boko Rasul 23:20

Komana'an Paulus nantai bopandir, “Boko urakng Yahudi udah bulah hajat. Sia' paca'an mominto ko duatn oca' hobu' Paulus dibaba' doi' markas ni'in. Sia' jam paca'an bopandir ko duatn obai sia' honda' Paulus mohadap kolompok pomimpitn urakng Yahudi inyo palikng bokuaso. Sia' jam paca'an bopandir obai sia' honda' mondapat'an kotorakan inyo lobih jolas doi' Paulus. Apo sia' bayo pompadah mo.

Kisah Boko Rasul 24:15

Samo sama'an sia', aku pan yakitn obai suatu ari nono Allah paca'an bulah urakng bobali' hidup doi' komatian, boi' urakng bondar honda' pan urakng jahat.

Kisah Boko Rasul 24:21

Aku bayo mongatoan sobuti' hal inyo mungkitn sia' anggap salah. Pado watu nantai, aku bodiritn di tongah-tongah sia' ongko mondorah, ‘Aku pocayo urakng paca'an bobali' hidup lopas jadi mati. Nanam alasan aku diadili ari ni'in!’ ”

Kisah Boko Rasul 28:20

Nanam obainyo, aku minto pakai' botomu agatn kaitn, oca' aku ulih monjolasan alasan aku monjadi tahatan di si'itn. Aku ditangkap obai aku pocayo ko Rajo Inyo Allah janjian ko urakng Israel.”

Filipi 3:5

Aku disunant watu ku lahir boumur kodolapatn ari. Aku urakng Israel doi' suku Benyamin. Aku bondar-bondar urakng Ibrani asli. Aman urakng bukai honda' momuji diri obai sia' mongotohu'i Hukupm Torat, aku doi' kolompok Farisi inyo mongotohu'i somuonyo.

Kolose 1:5

Kaitn pocayo huatan mongasihi obai kaitn yakitn moharap'an somuo inyo disodiaan pakai' kaitn di sorugo. Kaitn udah mondinga' mongona'i nantai dalapm Kabar Boi' inyo bondar

Ibrani 6:19

Harapan nantai samo sama'an jangkar inyo mombulah jiwa kito aman ongko totap kuat pocayo. Harapan nantai monombus tidikng ruakan maho suci di rumah Allah di sorugo. Yesus udah mombuka' jalatn pakai' kito ko tompat nantai, ongko mansu' ko santai monjadi Imam Agukng pakai' somanah-manahnyo samo sama'an, Melkisedek monjadi imam ija' joman komai.