Kisah Boko Rasul 23:35 - Porjanjian Boharu Torjomahan Baso Dilakng Soari-ari

³⁵ Kato gubernur, “Aku paca'an moadili pokaro kolai watu boko urakng inyo monuduh kolai udah datakng ko si'itn.” Jadi, io monyiuh oca' Paulus dibaba' ko istana Rajo Herodes pakai' ditahatn di santai.

Kisah Boko Rasul 23:35 ပူးပေါင်းရင်းမြစ်များ

Kisah Boko Rasul 23:30

Apo ari ni'in jam aku udah dipadahan ado kolompok urakng Yahudi inyo bohajat pakai' mombunuh io. Ongko, aku lansukng monyiuh boko projurit pakai' mombaba' io ko duatn. Aku pan udah monyiuh sia' inyo monuduh io oca' sia' cam monyampaian tuduhan sia' di hadapan duatn. Ni'innam surat doi' aku.”

Kisah Boko Rasul 25:16

Apo aku monimbas obai hukupm pomorintah Romawi kinyo moijitan nantai. Siku' urakng inyo dituduh, kinyo ulih lansukng disorahan ko boko urakng inyo monuduh io. Io gola' diporiso doholu. Di santai io mohadap boko urakng inyo monuduh io. Io gola' dionji'i kosompatan pakai' mombela diri tohadap tuduhan nantai.

Matius 27:27

Lopas nian boko projurit Pilatus nantai mombaba' Yesus ko istana gubernur. Sia' moningkau soluruh pasukan pakai' bokumpul mongoliliki Yesus.

Kisah Boko Rasul 24:22

Kobotulan gubernur Feliks udah tohu banya' mongona'i boko ajaran Tuhatn. Io monunda' pokaro sia' nantai. Katonyo, “Nono, Lisias, komandatn pasukan, paca'an datakng. Watu nantai, aku paca'an bulah koputusan dalapm pokaro ni'in.”

Kisah Boko Rasul 24:19

Sia' nantaiam soharusnyo ado di si'itn. Sojikanyo sia' ado mosalah agatn aku, biar sia' siku' monyampaian tuduhan sia' ko duatn.

Kisah Boko Rasul 24:10

Lopas nian, gubernur moanggu' sobagai tando oca' Paulus bopandir. Ongko, Paulus bopandir, “Bopai Gubernur, aku tohu obai duatn udah botohutn-tohutn manahnyo moadili boko pokaro banso koi urakng Yahudi. Obai nantai, aku sonang mombela diri siku' di hadapan duatn.

Kisah Boko Rasul 24:1

Lima' ari lopas nantai, boboropo pomimpitn urakng Yahudi datakng, tomansu' Ananias. Io nantai Imam Agukng. Sia' datakng ko Kaisarea mombaba' siku' urakng tukakng bopandir, damonyo Tertulus. Sia' mohadap gubernur Feliks ongko monjolasan boko tuduhan tohadap Paulus.

Yohanes 18:28

Sunsukng pukau, boko sia' urakng Yahudi nantai mombaba' Yesus doi' rumah Kayafas ko istana gubernur, pomorintahan Romawi. Sia' co mansu' ko dalapm istana nantai. Sia' co honda' monjadi kotor socaro agama obai sia' honda' jumpat makatn pas Ari Rayo Paskah.

Matius 2:16

Timpu Herodes tohu obai boko urakng majus nantai udah mongontumbukinyo, io kotakng godi. Lalu, io monyiuh oca' somuo bobia' lolaki di kota Betlehem ongko sokitarnyo dibunuhi, ia'an boko bobia' inyo boumur di babah duo tohutn. Io mompokiroan umur Bobia' nantai doi' kotorakan boko urakng majus nantai, doi' watu sia' moniant bintakng inyo timbul nantai.

Matius 2:3

Timpu Rajo Herodes mondinga' borito mongona'i bobia' nantai inyo paca'an monjadi rajo, ongko io monjadi kotakng golisah. Ubo nian jam somuo urakng di Yerusalem.

Matius 2:1

Pas, Yesus lahir di Betlehem, di doerah Yudea, timpu Rajo Herodes momorintah doerah nantai. Lopas Yesus lahir, ado boko urakng majus datakng ko kota Yerusalem. Sia' datakng doi' nogori inyo jouh di doerah Timur.

Kisah Boko Rasul 24:23

Ongko io monyiuh powiranyo oca' Paulus totap ditahatn, apo kinyo dijago sobobondarnyo. Aman boko pokawalan Paulus datakng, sia' ulih diijitan pakai' monulukng Paulus.