Kisah Boko Rasul 23:19 - Porjanjian Boharu Torjomahan Baso Dilakng Soari-ari

¹⁹ Komandatn pasukan nantai moncanggapm longan bobia' muda' nantai ongko mombaba' io aga' jojouh ko sopia'. Io botakutn, “La'apo inyo honda' kolai padahan ko aku?”

Kisah Boko Rasul 23:19 ပူးပေါင်းရင်းမြစ်များ

Markus 10:51

Yesus botakutn ko io, “La'apo inyo kulo kohonda'i Aku labuhan pakai' kulo?” Timbas io, “Guru, aku honda' moniant!”

Markus 9:27

Apo Yesus moncanggapm longannyo, monulukng io angkat. Lopasnyo, bobia' nantai bodiritn.

Markus 8:23

Yesus moncanggapm longan urakng buto nantai ongko moirikannyo ko luar kota. Yesus moigahi mato urakng nantai, lalu molota'an jari-Nyo ko mato urakng nantai. Yesus botakutn ko io, “Apo bai watu ni'in ado inyo kulo tiat?”

Yohanes 18:12

Lopas nian, komandatn pasukan bosamo agatn somuo rombokan nantai monangkap Yesus lalu mongobat longan-Nyo.

Kisah Boko Rasul 17:19

Ongko boko guru agama doi' Yunani nantai mombaba' Paulus mohadap ko potomuan boko pojabat kota nantai. Damo kolompok pojabat kota nantai disobut Areopagus. Di santai sia' bopandir, “Tulukng jolasan ko koi mongona'i ajaran boharu inyo kolai sampaian nantai.

Kisah Boko Rasul 23:18

Ongko powira nantai mombaba' ana' somadikan Paulus ko komandatn pasukan. Katonyo, “Urakng tahatan nantai, Paulus, moningkau aku. Io minto oca' bobia' muda' ni'in dionju'an ko kolai. Ado sosuatu inyo honda' io padahan ko kolai.”

Kisah Boko Rasul 23:20

Komana'an Paulus nantai bopandir, “Boko urakng Yahudi udah bulah hajat. Sia' paca'an mominto ko duatn oca' hobu' Paulus dibaba' doi' markas ni'in. Sia' jam paca'an bopandir ko duatn obai sia' honda' Paulus mohadap kolompok pomimpitn urakng Yahudi inyo palikng bokuaso. Sia' jam paca'an bopandir obai sia' honda' mondapat'an kotorakan inyo lobih jolas doi' Paulus. Apo sia' bayo pompadah mo.