Kisah Boko Rasul 23:12 - Porjanjian Boharu Torjomahan Baso Dilakng Soari-ari

^12-13 Kohobu'annyo, ado lobih doi' ompat puluh urakng Yahudi inyo bulah hajat pakai' mombunuh Paulus. Sia' bulah hajat nantai socaro rahasia. Sia' somuo bosumpah ko Allah obai sia' co paca'an makatn damo minum sobolupm sia' bohasil mombunuh Paulus.

Kisah Boko Rasul 23:12 ပူးပေါင်းရင်းမြစ်များ

Matius 26:4

Sia' mohoupan poroncana'an oca' ulih monangkap Yesus socaro diapm-diapm lalu mombunuh Sio.

Matius 26:74

Lalu Petrus mula'i bosumpah ongko bopandir, “Aku bondar-bondar co konal agatn urakng nantai!” Watu nantai jam, manu' bokuku'.

Matius 27:25

Timbas somuo urakng banya' nantai, “Biaram koi huatan boko bobia' koi botanggukng jawab mongona'i komatian-Nyo!”

Kisah Boko Rasul 23:14

Jadi, sia' botula' ko boko imam kopala' huatan boko pomimpitn Yahudi inyo bukai. Sia' momadahan hajat sia' nantai. Kato sia', “Koi udah bosumpah ko Allah obai koi co paca'an makatn damo minum sobolupm koi bohasil mombunuh Paulus.

Kisah Boko Rasul 23:21

Jadi, padohan Duatn mondinga'an sia', obai ado lobih doi' ompat puluh urakng udah siap monyorakng io dalapm pojalatan. Sia' udah bosumpah obai sia' co paca'an makatn damo minum sobolupm sia' bohasil mombunuh Paulus. Ni'in sia' udah siap agatn hajat sia' nantai. Sia' bayo ija' monanti Duatn bulah koputusan oca' Paulus dibaba' doi' si'itn.”

Kisah Boko Rasul 23:30

Apo ari ni'in jam aku udah dipadahan ado kolompok urakng Yahudi inyo bohajat pakai' mombunuh io. Ongko, aku lansukng monyiuh boko projurit pakai' mombaba' io ko duatn. Aku pan udah monyiuh sia' inyo monuduh io oca' sia' cam monyampaian tuduhan sia' di hadapan duatn. Ni'innam surat doi' aku.”

Kisah Boko Rasul 25:3

Sia' minto potulukan doi' gubernur Festus nantai. Sia' sangant muhun oca' Paulus dibaba' ko Yerusalem. Apo sia' ado hajat pakai' mombunuh Paulus di dalapm pojalatan.

Kisah Boko Rasul 9:23

Lopas watunyo udah cukup manah, boko urakng Yahudi inyo kinyo pocayo borito Saulus nantai bohajat pakai' mombunuh Saulus.

Kisah Boko Rasul 9:24

Apo hajat sia' nantai dikotohu'i Saulus. Siakng malapm sia' monjago boko pintu gerbakng kota nantai. Hajat sia', aman Saulus ado di santai, paca'an dibunuh.

1 Korintus 16:22

Biaram somuo urakng inyo kinyo mongasihi Tuhatn Yesus monorima' hukupan! Datakngcam, Tuhatn!

2 Korintus 11:26

Dalapm banya' pojalatan, aku mohadapi bomacapm bohayo: bohayo doi' sungai, bohayo doi' porampok, bohayo doi' bansoku siku' urakng Yahudi, bohayo doi' boko urakng bukainyo urakng Yahudi, bohayo di kota, bohayo di padakng pasir, bohayo di lout, bohayo doi' boko urakng inyo pompadah sia' pocayo, apo sobondarnyo cado.

Galatia 3:13

Sobondarnyo, kito somuo gola' dihukupm obai kito kinyo hala ulih monaati somuo porintah huatan poraturan Allah inyo ditulis Musa dalapm buku Hukupm Torat. Apo Kristus monyolamant'an kito doi' hukupan nantai. Sio inyo monanggukng hukupan nantai pakai' kito. Watu Sio mati di kayu salib. Obai ado totulis dalapm Buku Suci, “Urakng inyo dipaku di kayu salib ia'an urakng inyo dihukupm Allah.”

1 Tesalonika 2:16

obai sia' bousaha monongga'an koi oca' co momboritoan Kabar Boi' ko urakng inyo bukainyo urakng Yahudi. Sia' kinyo honda' kaitn inyo bukainyo urakng Yahudi disolamant'an! Agatn boko porbuatan nantai, sia' torus-monorus monambah dosa sia' udah langkukng-lalu ongko. Ni'in, koponsuahannyo Allah pan godi. Pasti sia' paca'an dihukupm kotakng borat.