Kisah Boko Rasul 23:10 - Porjanjian Boharu Torjomahan Baso Dilakng Soari-ari

¹⁰ Ongko, posolisihan monjadi mongkitn monjadi. Komandatn pasukan gola' aman Paulus paca'an dibunuh sia'. Jadi io monyiuh boko projuritnyo oca' turutn doi' markas ongko monyolamant'an Paulus doi' tongah-tongah sia'. Sia' mombaba' io ko dalapm markas agi'.

Kisah Boko Rasul 23:10 ပူးပေါင်းရင်းမြစ်များ

Kisah Boko Rasul 21:37

Timpu boko projurit nantai honda' mombaba' Paulus ko dalapm markas, Paulus botakutn ko komandatn pasukan nantai. Katonyo, “Bopai, ulih cado bopandir sobontar agatn duatn?” Komandatn pasukan monimbas, “Kolai ulih bobaso Yunani!

Kisah Boko Rasul 22:24

Ongko, komandatn pasukan nantai lansukng monyiuh oca' Paulus dibaba' mansu' ko dalapm markas. Io moonji'i porintah oca' Paulus diporiso kapikng dipodularan. Io honda' tohu ma'apo boko urakng banya' nantai mondorah kotakan godi agatn Paulus sama'an nantai.

Kisah Boko Rasul 23:16

Apo ana' somadikan Paulus mondinga' mongona'i hajat nantai. (Io nantai ana' lolaki doi' somadikan botina' Paulus). Lopas jadi mondinga' mongona'i hajat nantai, io botula' ko markas ongko momadahannyo ko Paulus.

Kisah Boko Rasul 23:27

Bosamo agatn surat ni'in, aku mongiripm siku' urakng tahatan. Urakng ni'in udah ditangkap ulih boko urakng Yahudi. Sia' bomasud mombunuh io. Apo aku mondinga' obai io warga negara Roma. Jadi, aku datakng agatn boko projurit pakai' monyolamant'an io.

Kisah Boko Rasul 23:28

Aku honda' mongotohu'i hibo io dituduh ulih sia'. Jadi, aku mongumpulan boko pomimpitn sia' urakng Yahudi inyo kotakan bokuaso. Aku mombaba' io mohadap sia'.

Kisah Boko Rasul 23:32

Kohobu'annyo somuo ompat ratus projurit inyo bojalatn kaki pulakng ko markas di Yerusalem. Sia' mombiaran tujuh puluh pasukan bokuda molajuan pojalatan agatn Paulus ko Kaisarea.

Kisah Boko Rasul 24:7

Apo, Lisias, komandatn pasukan, datakng agatn boko projuritnyo. Koi toposo monyorahan Paulus ko io.

2 Korintus 11:26

Dalapm banya' pojalatan, aku mohadapi bomacapm bohayo: bohayo doi' sungai, bohayo doi' porampok, bohayo doi' bansoku siku' urakng Yahudi, bohayo doi' boko urakng bukainyo urakng Yahudi, bohayo di kota, bohayo di padakng pasir, bohayo di lout, bohayo doi' boko urakng inyo pompadah sia' pocayo, apo sobondarnyo cado.

Yakobus 1:19

Boko somadikan inyo ku kasihi, pohatiancam ni'in: Somuo kaitn gola' copat mondinga', apo jangan copat bopandir. Jangan ponggodian.

Yakobus 3:14

Apo aman kaitn tungi hati huatan ado kohonda' dalapm hati pakai' monjadi lobih hebat daripado urakng bukai, jangan kaitn buhau huatan jangan momutarbali'an borito inyo bondar doi' Allah.