Kisah Boko Rasul 22:8 - Porjanjian Boharu Torjomahan Baso Dilakng Soari-ari

⁸ Ongko aku botakutn, ‘Sopo Duatn, Tuhatn?’ Timbas-Nyo, ‘Aku ninam Yesus, urakng Nazaret, inyo kolai dorako'i nantai!’

Kisah Boko Rasul 22:8 ပူးပေါင်းရင်းမြစ်များ

Matius 2:23

Sia' botula' ko laman inyo bodamo Nazaret ongko bodiapm di su'utn. Kojadian nantai tojadi oca' pomandiran Tuhatn Allah monjadi nyata. Timpu joman komai boko nabi monulis obai Rajo Inyo Dijanjian Allah paca'an disobut ‘Urakng Nazaret.’

Matius 25:40

Rajo nantai, paca'an monimbas sia', ‘Pondinga'ancam! Watu kaitn molabuhan boko hal sama'an nantai pakai' salah siku' urakng doi' somadikan-Ku inyo kotakan jaro ni'in, nantai samo sama'an kaitn molabuhan boko hal nantai pakai' Aku.’

Matius 25:45

Rajo nantai paca'an monimbas sia', ‘Dinga'an cam! Timpu kaitn co molabuhan boko hal sama'an nantai pakai' salah siku' urakng doi' somadikan-Ku inyo kotakng jaro ni'in, nantai samo sama'an kaitn co molabuhan boko hal nantai pakai' Aku jam.’

Kisah Boko Rasul 10:14

Petrus bopandir, “Cado, Tuhatn! Aku co kalo mua'i dagikng doi' bonatakng sama'an nian. Obai dalapm poraturan agama Yahudi boko bonatakng nantai purih.”

Kisah Boko Rasul 22:7

Lansukng aku tokorobah ko tanah. Aku mondinga' ado saro inyo bopandir, ‘Saulus, Saulus, tongga'ancam kolai mondorako'i Aku!’

Kisah Boko Rasul 26:9

Komai aku pan bopikir obai aku gola' molawatn agatn koras somuo urakng inyo pocayo agatn Yesus doi' Nazaret.

Kisah Boko Rasul 3:6

Apo Petrus bopandir, “Aku co nyiant duit omas ongko pira' pakai' monulukng kolai. Apo ado caro bukai aku ulih monulukng kolai: Agatn kuaso Yesus Kristus, doi' laman Nazaret, bojalatncam!”

Kisah Boko Rasul 4:10

Jadi oca' kaitn somuo tohu. Somuo urakng banso kito Yahudi gola' tohu jam! Urakng ni'in bodiritn sehat di hadapan kaitn sokarakng obai io nyamanam agatn kuaso Yesus Kristus doi' Nazaret. Kaitn udah monula' Sio sampai Sio dihukupm mati di kayu salib. Apo Allah udah bulah Sio hidup agi' doi' komatian.

Kisah Boko Rasul 6:14

Obai koi udah mondinga' pomandirannyo. Io mongatoan aman Yesus doi' Nazaret tajahan mohancuran tompat ni'in. Io pan mongatoan Yesus paca'an morubah adat baso inyo disampaian Musa ko angki-bayatn kito.”

1 Korintus 12:12

Ado banya' urakng inyo bukai-mombukai pocayo ko Kristus. Ado boko urakng Yahudi inyo pocayo ko Kristus. Ado jam boko urakng inyo bukainyo urakng Yahudi. Ado hulutn inyo udah pocayo. Ado jam urakng bebas. Apo kito totap sokolompok mo obai kito somuo dibaptis agatn Roh inyo samo. Apo kito somuo pan monorima' Roh inyo samo dalapm hati kito. Obai nantai, kito inyo udah pocayo samo sama'an sobukakng-sotubuh. Bukakng-tubuh nantai sobuti' apo ado banya' bagiannyo.