Kisah Boko Rasul 22:28 - Porjanjian Boharu Torjomahan Baso Dilakng Soari-ari

²⁸ Komandatn pasukan bopandir, “Aku gola' mombayar rogo mahal pakai' monjadi warga negara Roma.” Paulus bopandir, “Aku kinyo gola' bayar. Aku mondapat'an hak nantai obai aku lahir sobagai warga negara Roma.”

Kisah Boko Rasul 22:28 ပူးပေါင်းရင်းမြစ်များ

Kisah Boko Rasul 22:27

Ongko, komandatn pasukan nantai datakng ko Paulus. Io botakutn, “Apobai kolai bondar-bondar warga negara Roma? Pandiranbo ko aku.” Paulus monimbas, “Au bondaram.”

Kisah Boko Rasul 22:29

Watu mondinga' obai Paulus bondar-bondar siku' urakng warga negara Roma, sia' somuo monjadi kotakan gola'. Boko projurit inyo disiuh pakai' bodularan io, sia' lansukng mundur. Komandatn pasukan nantai pan monjadi gola' obai io monyiuh oca' Paulus dikobat.

Efesus 2:12

Watu nantai, kaitn bolupm mongonal Kristus. Kaitn ia'an urakng asikng, bukainyo warga banso Israel inyo dipilih Allah. Kaitn bukainyo urakng inyo bodapat la'apo pan inyo dijanjian Allah. Jadi, kaitn co nyiant harapan. Kaitn hidup di dunia ni'in kinyo mongonal Allah.

Efesus 2:19

Obai nantai, kaitn bukainyo urakng asikng agi'. Kaitn bukainyo urakng inyo jouh doi' Allah. Apo kaitn monjadi satu umant bosamo agatn boko urakng bukainyo inyo husus umputn Allah. Kaitn monjadi boko anggota koluarga Allah.