Kisah Boko Rasul 22:20 - Porjanjian Boharu Torjomahan Baso Dilakng Soari-ari

²⁰ Boko urakng Yahudi di si'itn pan ingant, timpu Stefanus dibunuh obai momboritoan mongona'i Duatn, aku ado di santai. Apo watu nantai, aku pan sotuju aman io dibunuh. Aku bodiritn di santai monjago jubah boko pombunuh nantai.’

Kisah Boko Rasul 22:20 ပူးပေါင်းရင်းမြစ်များ

Kisah Boko Rasul 7:58

Sia' mondudus io koluar kota, ongko mula'i monikapi io agatn batu pakai' mombunuh io. Boko urakng inyo bosasi molawatn Stefanus nantai molopasan jubah sia'. Sia' moninggalan boko jubah nantai di kaki siku' urakng pomuda' oca' io monjago'inyo. Pomuda' nantai bodamo Saulus.

Wahyu 2:13

Aku tohu obai kota kaitn ia'an tompat tahta Rajo Sitatn. Apo kaitn totap sotia ko aku. Somadikan Antipas momboritoan mongona'i Aku agatn sotia. Sio dibunuh di kota kaitn, ia'an nantai kota tompat kodiapan Rajo Sitatn. Biar pan ubo nantai, watu nantai kaitn totap moaku'i obai kaitn pocayo ko Aku.

Roma 1:32

Monurut porintah Allah, somuo urakng inyo hidup sama'an nantai paca'an dihukupm mati. Biar pan sia' udah mongotohu'i nantai, sia' totap molabuhan boko hal inyo jahat nantai. Kinyo haja' ongkah nantai apo sia' jam sotuju aman urakng bukai molabuhannyo.

Wahyu 17:6

Aku moniant botina' nantai komabu'an obai minum darah boko urakng kudus, ia'an boko urakng inyo dibunuh obai sia' momboritoan mongona'i Yesus. Pas aku moniant botina' nantai, aku kotakan hiratn.

Kisah Boko Rasul 26:10

Jadi pado watu aku bodiapm di Yerusalem, aku molawatn boko urakng inyo pocayo agatn Yesus. Aku dapat hak doi' boko imam kopala' pakai' momansu'an banya' doi' sia' ko dalapm ponjara. Aku kotakan sotuju bondar aman sia' dihukupm mati.

Lukas 11:48

Jadi boroti kaitn sotuju agatn porbuatan angki-bayatn kaitn. Angki-bayatn kaitn mombunuh boko nabi nantai, ongko kaitn moninjakan tugu poringant'an porbuatan nantai.

Kisah Boko Rasul 6:5

Somuo urakng inyo hadir sotuju agatn usulan nantai. Sia' momilih Stefanus. (Io kotakan pocayo agatn Yesus. Roh Allah monguaso'i Stefanus jam). Sia' nantai jam momilih Filipus, Prokhorus, Nikanor, Timon, Parmenas, ongko Nikolaus. (Io doi' Antiokhia. Io bukainyo urakng Yahudi asli apo kalo tuyut agama Yahudi sobolupm io pocayo agatn Yesus.)