Kisah Boko Rasul 22:18 - Porjanjian Boharu Torjomahan Baso Dilakng Soari-ari

¹⁸ Dalapm poniant'an nantai Tuhatn bopandir ko aku, ‘Boko urakng Yahudi di si'itn kinyo paca'an pocayo pomandiran kolai mongona'i Aku. Jadi, kolai gola' hagar botula' doi' Yerusalem ni'in.’

Kisah Boko Rasul 22:18 ပူးပေါင်းရင်းမြစ်များ

Matius 10:14

Aman ado urakng inyo kinyo monorima' kaitn damo kinyo honda' mondinga' pomandiran kaitn mongona'i Kabar Boi', koluarcam doi' rumah damo kota nantai. Tinggalancam sia'. Tata'cam dobu doi' kaki kaitn sobagai poringant'an hukupan pakai' sia'.

Matius 10:23

Aman kaitn didorako'i di sobuah kota, raricam ko kota inyo bukai. Dinga'anbo! Kaitn co paca'an jadi mondataki somuo kota di tanah Israel nantai sobolupm Ana' Monsio datakng.

Lukas 21:21

Jadi timpu nantai, boko urakng inyo ado di kota soharusnyo koluar. Boko urakng inyo udah di luar kota soharusnyo jangan mansu' ko dalapm kota. Boko urakng disomuo doerah Yudea soharusnyo morarian diri ko boko bukit.

Kisah Boko Rasul 3:19

Obai nantai am, tongga'ancam kaitn bulah dosa huatan bobali' taat agatn Allah. Labuhancam nantai oca' boko dosa kaitn diamputi.

Kisah Boko Rasul 9:29

Saulus opat jam botikakng agatn boko urakng agama Yahudi inyo bobaso Yunani. Apo sia' kinyo pocayo ko Yesus. Sia' bogoyap caro pakai' mombunuhnyo.

1 Korintus 9:1

Allah udah mombebasan aku. Malahan aku udah moniant Yesus, Tuhatn kito. Aku bondar-bondar rasul inyo diutus Tuhatn. Malahan, kaitn pan ia'an hasil pokoroja'an inyo ku labuhan bagi Tuhatn.