Kisah Boko Rasul 22:16 - Porjanjian Boharu Torjomahan Baso Dilakng Soari-ari

¹⁶ Jadi ni'in, jangan monanti agi'. Bodiritn huatan bosodiacam pakai' dibaptis. Bodoacam ko Tuhatn Yesus oca' boko dosa kolai diamputi.’

Kisah Boko Rasul 22:16 ပူးပေါင်းရင်းမြစ်များ

Yohanes 13:8

“Jangan, Tuhatn!” kato Petrus ko Sio, “Jangan sokali-kali Duatn mombasu'i kakiku!” Apo, Yesus monimbas, “Aman Aku co mombasu'i kaki kolai, rotinyo kolai kinyo ado hubukan agatn Aku.”

Kisah Boko Rasul 2:21

Watu ari nantai, somuo urakng inyo mondorah mominto potulukan-Nyo, sia' paca'an disolamant'an.’

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Kisah Boko Rasul 7:59

Timpu boko urakng monikapi Stefanus agatn batu, io bodoa, “Tuhatn Yesus, torima'cam rohku.”

Kisah Boko Rasul 9:14

Ni'inan io datakng ko si'itn. Io ado surat kuaso doi' boko imam kopala' pakai' monangkap somuo urakng inyo moningkau damo Duatn.”

Kisah Boko Rasul 9:18

Timpu nian jam, ado sosuatu inyo jatu' doi' mato Saulus, ruponyo sama'an sisi' ikatn. Lansukng io ulih moniant agi'. Lopas nantai, io bodiritn, ongko dibaptis.

1 Korintus 6:11

Ija' komainyo ado boko urakng di antaro kaitn inyo hidup sama'an nian. Apo kaitn udah diborosihi doi' boko dosa. Kaitn udah monjadi umant husus umputn Allah. Kaitn udah dianggap bondar di hadapan Allah. Somuo nian tojadi obai kuaso Tuhatn Yesus Kristus huatan kuaso Roh Allah kito.

Galatia 3:27

Kaitn somuo inyo udah dibaptis dalapm damo Kristus. Kaitn udah monorima' Yesus samo sama'an sikuꞌ urakng inyo mongona'an pakai'an inyo boharu

Efesus 5:26

oca' sia' monjadi borosih doi' dosa sia'. Sio momakai ara'i huatan Pomandiran Allah pakai' mombulah sia' borosih.

Titus 3:5

Nantai tojadi bukainyo obai boko porbuatan boi' kito, apo obai kasih sayang-Nyo ko kito. Allah molabuhan nantai molalu'i Yesus Kristus, Ponyolamant kito. Yesus moonji'i Roh Allah inyo monulukng kito oca' kito hidup agatn caro inyo boharu.

Ibrani 10:22

Obai nantai, mara kito datakng dampikng ko Allah agatn hati inyo boi' ongko bondar-bondar kuat pocayo. Obai, hati kito udah diborosihi doi' pikiran jahat, ongko bukakng-tubuh kito udah diborosihi agatn ara'i inyo murni.

1 Petrus 3:21

Hal nantai monggambaran baptisan inyo watu ni'in monyolamant'an kaitn. Baptisan ni'in bukainyo upacara pakai' mombulah bukakng kaitn borosih doi' kotoran. Baptisan ia'an upacara pakai' momuhun ko Allah oca' Sio mombulah hati kaitn borosih. Baptisan nantai monyolamant'an kaitn obai Yesus Kristus udah hidup agi' doi' komatian,