Kisah Boko Rasul 22:1 - Porjanjian Boharu Torjomahan Baso Dilakng Soari-ari

¹ Kato Paulus, “Boko somadikan huatan boko pombopaian, dinga'anku bo. Aku honda' bopandir ko kaitn pakai' mombela diri siku'.”

Kisah Boko Rasul 22:1 ပူးပေါင်းရင်းမြစ်များ

Lukas 12:11

Aman kaitn dibaba' ko boko rumah sombayakng pakai' diadili di pohadapan pomorintah damo ponguaso, jangan gola' mongonaꞌi caro kaitn gola' mombela diri. Jangan gola' mongonaꞌi la'apo inyo gola' kaitn pandiran.

Lukas 21:14

Jadi, sobolupm nantai, kuat cam di dalapm hati oca' co kuatir mongonaꞌi pomandiran inyo paca'an kaitn pandiran pakai' mombela diri.

Kisah Boko Rasul 13:26

Boko somadikan koturutan Abrahapm, huatan boko urakng bukainyo urakng Yahudi udah pocayo agatn Allah: Yesus mombuka' jalatn oca' urakng ulih disolamant'an doi' hukupan dosa. Borito nantai udah disampaian ko kito somuo!

Kisah Boko Rasul 19:33

Boko urakng agama Yahudi monyurukan siku' urakng ko muka'. Damonyo Aleksander. Jadi, ado boko urakng bopikir io inyo bosalah. Aleksander moonji'i kode agatn jarinyo oca' urakng banya' langunt. Io honda' monjolasan obai mosalah ni'in kinyo disobaban ulih urakng Yahudi.

Kisah Boko Rasul 23:1

Paulus moncorona'i lansukng ko boko pomimpitn Yahudi nantai. Katonyo, “Boko somadikan, sampai ari ni'in aku totap hidup agatn hati nurani inyo borosih di hadapan Allah.”

Kisah Boko Rasul 23:6

Paulus udah mongotohu'i di antaro boko pomimpitn inyo hadir, ado inyo doi' kolompok Saduki huatan ado jam inyo doi' kolompok Farisi. Io udah mongotohu'i urakng Saduki kinyo pocayo aman urakng mati paca'an hidup agi'. Sia' jam kinyo pocayo ado boko molekat damo boko roh. Apo urakng Farisi pocayo somuo hal nantai. Obai nantaiam, io mondorah, “Boko somadikan, aku ni'in urakng Farisi. Bopaiku pan urakng Farisi. Aku pocayo obai urakng mati paca'an hidup agi'. Nanam alasan aku diadili ari ni'in!” Pomandiran Paulus bunyi nantai pakai' bulah boko urakng Farisi huatan boko urakng Saduki di santai botikakng. Potomuan sia' nantai monjadi tobagi-bagi.

Kisah Boko Rasul 24:10

Lopas nian, gubernur moanggu' sobagai tando oca' Paulus bopandir. Ongko, Paulus bopandir, “Bopai Gubernur, aku tohu obai duatn udah botohutn-tohutn manahnyo moadili boko pokaro banso koi urakng Yahudi. Obai nantai, aku sonang mombela diri siku' di hadapan duatn.

Kisah Boko Rasul 25:16

Apo aku monimbas obai hukupm pomorintah Romawi kinyo moijitan nantai. Siku' urakng inyo dituduh, kinyo ulih lansukng disorahan ko boko urakng inyo monuduh io. Io gola' diporiso doholu. Di santai io mohadap boko urakng inyo monuduh io. Io gola' dionji'i kosompatan pakai' mombela diri tohadap tuduhan nantai.

Kisah Boko Rasul 25:8

Lopas nian, Paulus mombela diri. Katonyo, “Aku co kalo molanggar boko poraturan urakng Yahudi inyo ditulis Musa dalapm Hukupm Torat. Aku co molanggar poraturan mongona'i Rumah Allah. Aku pan co molawatn Kaisar negara Roma.”

Kisah Boko Rasul 26:24

Pontongahan Paulus momandiran boko hal nantai pakai' mombela dirinyo, Festus bopandir agatn saro borakng, “Paulus, kolai udah gogilo! Kolai udah tolalu banya' bolajar sampai kolai monjadi gogilo.”

Kisah Boko Rasul 28:17

Lopas jadi tigo ari, Paulus mohundakng boko pomimpitn urakng Yahudi di Roma pakai' monomu'i io. Lopas jadi sia' bokumpul, io bopandir ko sia', “Boko somadikan, aku co bulah salah molawatn banso kito. Aku pan co molanggar adat baso angki-bayatn kito. Apo, di kota Yerusalem boko urakng Yahudi monangkap aku. Ongko sia' monyorahan aku ko boko urakng Romawi.

Kisah Boko Rasul 7:2

Stefanus monimbasi, “Pombopaian boko poadikng-poanci'an dinga'anku bo! Bopai kito komai, Abrahapm bodiapm di doerah Mesopotamia, apo watu sio ija' di doerah Mesopotamia nantai, Allah inyo Maho Bosar udah moniant'an diri-Nyo ko sio.

Roma 2:15

Sia' udah mongoroti isi Hukupm Torat nantai dalapm hati sia' sikuꞌ. Jadi, pikiran dalapm hati sia' monyalahan sia' aman sia' bulah kojahatan, huatan mombela sia' aman sia' bulah koboi'an.

1 Korintus 9:3

Ko boko urakng inyo honda' monakutan aman aku ni'in sobondarnyo rasul kata'an cado, aku honda' monimbasinyo:

2 Korintus 12:19

Somanahan ni'in, kaitn bopikir obai koi bousaha mombela diri tohadap kaitn. Apo, boko somadikan inyo ku kasihi, sobondarnyo ninam tujuan koi: (Koi mongatoan ni'in di hadapan Allah ongko sobagai urakng inyo hidup di dalapm Kristus.) Somuo inyo koi labuhan ia'an pakai' monulukng kaitn somongkitn kuat pocayo agatn Tuhatn.

2 Korintus 7:11

Tiatbo somuo hasil doi' porasa'an salu' nantai inyo sosuai agatn kohonda' Allah! Watu ni'in kaitn lobih bobondar monuruti Tuhatn. Kaitn bousaha oca' kosalahan kaitn nantai disolosaian. Kaitn godi agatn dosa huatan lobih gola' agatn Allah. Kaitn rindu agatn aku. Kaitn lobih bosomangant bulah koboi'an. Kaitn mohukupm urakng inyo bosalah. Jadi, lopas jadi monorima' suratku nantai, kaitn mombutian obai kaitn mourus boko mosalah nantai agatn caro inyo bondar.

Filipi 1:17

Apo boko urakng inyo tungi nantai, conyiant ado tujuan inyo boi'. Sia' ongkah momontikan diri sia' siku'. Sia' monyangko porbuatan sia' nantai tajahan mombulah koadaan ku dalapm ponjara lobih susah.

Filipi 1:7

Memang pantas aku bopikir ubo nian mongona'i somuo kaitn obai aku kotakan mongasihi kaitn. Obai, kaitn hala monulukng ku dalapm polayatan ku, ia'an nantai polayatan inyo Tuhatn onju' ko aku obai Sio honda' monunju'an kasih karunia-Nyo ko aku. Timpu aku ado di dalapm ponjara, timpu ku mombela Kabar Boi' tohadap urakng inyo molawatnnyo, timpu ku mombutian Kabar Boi' nantai bondar, kaitn hala monulukng ku dalapm polayatan nantai.

2 Timotius 4:16

Potamo kali aku mombela diri di pongadilan, co nyiant siku' urakng pan inyo monulukng aku. Somuonyo udah moninggalanku. Aku bodoa oca' Tuhatn moamputi sia' nantai.

1 Petrus 3:15

Apo dalapm hati kaitn hormaticam Kristus sobagai Tuhatn inyo bokuaso pakai' kaitn. Kaitn gola' hala siap monjolasan alasan kaitn boharap ko Kristus. Kaitn gola' monjolasan nantai ko sotiap urakng inyo botakutn mongona'i hal nantai.