Kisah Boko Rasul 21:9 - Porjanjian Boharu Torjomahan Baso Dilakng Soari-ari

⁹ (Io bisi ompat urakng ana' botina' inyo bolupm kawitn. Tuhatn moonji'i komampuan ko koompat urakng botina' nantai pakai' monyampaian posatn-Nyo).

Kisah Boko Rasul 21:9 ပူးပေါင်းရင်းမြစ်များ

Lukas 2:36

Di tongahlamanan Rumah Allah nantai pan ado siku' urakng nabi botina' inyo udah kotakng tuho. Damonyo Hana. Io ana' Fenuel doi' suku Asyer. Io kalo kawitn somanahan tujuh tohutn, apo lopas nian lakinyo mati ongko monjadi balu. Io boumur dolapatn puluh ompat tohutn. Io hala di Rumah Allah. Siakng-malapm sombayakng agatn hala bopuaso ongko bodoa.

Kisah Boko Rasul 13:1

Di antaro boko urakng inyo pocayo Yesus di Antiokhia, ado boko nabi inyo monyampaian posatn Allah huatan boko pongajar inyo mongajar mongona'i Yesus. Sia' nantai Barnabas, Simeon (inyo jam disobut ‘Urakng Hitapm’), Lukius (inyo boasal doi' kota Kirene), Manahem (inyo dibosaran bososamo agatn Gubernur Herodes), ongko Saulus.

Kisah Boko Rasul 2:17

Allah bopandir, ‘Watu ahir joman, Aku paca'an moonji'i Roh-Ku ko somuo urakng. Ongko boko ana' kaitn, lolaki huatan botina' tajahan monyampaian posatn-Ku ko boko urakng. Boko bujakng muda' kaitn paca'an bodapat boko poniant'an, Boko urakng tuho kaitn paca'an bodapat boko mimpi husus.

1 Korintus 7:38

Jadi, urakng bukai inyo kawitn agatn tunangannyo bulah koboi'an. Apo urakng inyo kinyo kawitn agatn tunangannyo nantai bulah lobih boi' agi'.

Wahyu 2:20

Apo, Aku moolikan kaitn mongona'i hal ni'in: Kaitn mombiaran botina' nantai, Izebel, monyosat'an umant-Ku. Io mongaku' dirinyo nabi, apo io udah monipu boko hulutn-Ku. Io mongajar oca' sia' bulah dosa bomporajoan, ongko oca' sia' makatn dagikng doi' bonatakng inyo diposombahan ko songiang-duato.