Kisah Boko Rasul 21:40 - Porjanjian Boharu Torjomahan Baso Dilakng Soari-ari

⁴⁰ Ongko, kopala' pasukan moijitan Paulus. Paulus bodiritn di pucu' tanggo ongko moonji'i kode agatn jarinyo ko urakng banya' nantai oca' sia' langunt. Pas sia' langunt, io bopandir ko sia' dalapm baso urakng Yahudi, ia'an baso Ibrani.

Kisah Boko Rasul 21:40 ပူးပေါင်းရင်းမြစ်များ

Kisah Boko Rasul 12:17

Apo Petrus mombori' tando agatn jarinyo oca' sia' langunt holu'ai. Io mongisahan ko sia' sama'an apo caro Tuhatn udah mongoluaran io doi' ponjara. Ongko, io bopandir ko sia', “Padahancam mongona'i hal ni'in ko Yakobus ongko boko urakng pocayo inyo bukai.” Lopas nantai, io botula' ko kota bukai.

Kisah Boko Rasul 26:14

Lansukng koi somuo tokorobah ko tanah. Ongko, aku mondinga' saro urakng inyo bopandir ko aku dalapm baso Ibrani. Kato-Nyo, ‘Saulus, Saulus, botongga'cam kolai mondorako'i Aku! Kolai bayo momodihi diri kolai siku' mo, aman kolai molawatn Allah.’

Kisah Boko Rasul 22:2

Urakng banya' nantai monjadi lobih langunt obai io bopandir dalapm baso Ibrani. Paulus molajuan bopandir,

Yohanes 5:2

Di Yerusalem ado sobuah pintu gerbakng mansu' kota, damonyo Pintu Gerbakng Domba. Dampikng di siatn tai ado sobuah kolapm. Dalapm baso Ibrani kolapm nantai disobut ‘Betesda’. Kolapm nantai ado lima' polantaran.

Kisah Boko Rasul 21:35

Jadi, sia' mombaba' Paulus ko su'utn. Apo, urakng banya' tuyut sia' sampai ko tanggo batu inyo monuju ko markas nantai. Urakng banya' nantai kotakan nyosahan sia' kapikng mondongkakng-mondorah, “Bunuhcam io! Bunuhcam io!” ongko, boko projurit toposo mongipa' Paulus.

Kisah Boko Rasul 19:33

Boko urakng agama Yahudi monyurukan siku' urakng ko muka'. Damonyo Aleksander. Jadi, ado boko urakng bopikir io inyo bosalah. Aleksander moonji'i kode agatn jarinyo oca' urakng banya' langunt. Io honda' monjolasan obai mosalah ni'in kinyo disobaban ulih urakng Yahudi.

Wahyu 9:11

Rajo inyo momorintah sia' ia'an molekat Jurakng Maut. Damonyo dalapm baso Ibrani ia'an ‘Abadon’, dalapm baso Yunani ia'an ‘Apolion’. Rotinyo ‘urakng inyo mombonasoan.’

Kisah Boko Rasul 13:16

Jadi, Paulus bodiritn ongko moonji'i kode agatn jarinyo obai io honda' bopandir. Katonyo, “Boko urakng Yahudi huatan boko urakng bukainyo urakng Yahudi udah pocayo ko Allah. Dinga'anbo!

Kisah Boko Rasul 6:1

Mongkitn manah, mongkitn banya' urakng Yahudi inyo pocayo agatn Yesus. Ado urakng Yahudi inyo pocayo agatn Yesus inyo bobaso Ibrani. Ado jam inyo bobaso Yunani. Inyo bobaso Yunani tungi obai inyo bobaso Ibrani mombagi'i pomakatn sotiap ari ko boko urakng botina' balu kinyo adil. Boko urakng balu inyo bobaso Yunani hala kinyo dionji'i.

Yohanes 19:20

Banya' urakng Yahudi inyo mombaco tulisan nantai obai tompat Yesus disaliban dampikng kota mo. Solaitn nantai, pomandiran nantai ditulis dalapm baso Ibrani, baso Latin ongko baso Yunani.

Yohanes 19:17

Yesus siku' mo momikul kayu salib-Nyo ko tompat inyo disobut “Tompat Tongkorak”. (Dalapm baso Ibrani tompat nantai disobut “Golgota”.)

Yohanes 19:13

Pas Pilatus mondinga' pandir nantai, io monyiuh oca' Yesus dibaba' ko luar. Pilatus dudu' di krosi tompat io moadili pokaro inyo tolota' di tompat inyo bodamoan ‘Lantai Batu’. (Damo tompat nantai dalapm baso Ibrani Gabata.)

Lukas 23:38

Ado jam tulisan dipasakng dibuai pucu' kayu salib. Tulisan nantai bobunyi, “Ninam Rajo Urakng Yahudi.”