Kisah Boko Rasul 21:39 - Porjanjian Boharu Torjomahan Baso Dilakng Soari-ari

³⁹ Paulus bopandir, “Aku ni'in bukainyo pomborontak nantai. Aku ni'in urakng Yahudi. Aku boasal doi' Tarsus, kota inyo pontikng di propinsi Kilikia. Aku ni'in warga doi' kota nantai. Jadi, ulih cado aku bopandir ko urakng banya' ni'in?”

Kisah Boko Rasul 21:39 ပူးပေါင်းရင်းမြစ်များ

Kisah Boko Rasul 22:3

“Aku urakng Yahudi samo sama'an kaitn jam. Aku dilahiran di kota Tarsus di propinsi Kilikia. Apo aku dibosaran di kota Yerusalem ni'in. Tangga'i kocit, aku bolajar boko porintah huatan poraturan Allah inyo ditulis Musa dalapm Hukupm Torat. Guru Bosar Gamaliel inyo mongajar huatan mondidik aku agatn toliti. Ongko, aku sobobondarnyo taat molayati Allah, samo sama'an somuo kaitn ari ni'in jam.

Kisah Boko Rasul 9:11

Tuhatn bopandir ko io, “Bososiapcam! Botula' ko rumah Yudas di Jalatn Lurus. Pandiran ko urakng di rumah nantai obai kolai monggoyapi Saulus doi' kota Tarsus. Saulus ni'inan tongahan bodoa.

Kisah Boko Rasul 6:9

Apo ado kolompok urakng Yahudi inyo molawatn io. Sia' doi' kolompok urakng inyo dibebasan. Anggota kolompok nantai ia'an pondudu' Yerusalem inyo datakng doi' kota Kirene, kota Aleksandria, propinsi Kilikia, ongko propinsi Asia. Sia' botikakng agatn Stefanus,

1 Petrus 3:15

Apo dalapm hati kaitn hormaticam Kristus sobagai Tuhatn inyo bokuaso pakai' kaitn. Kaitn gola' hala siap monjolasan alasan kaitn boharap ko Kristus. Kaitn gola' monjolasan nantai ko sotiap urakng inyo botakutn mongona'i hal nantai.

Kisah Boko Rasul 23:34

Jadi, gubernur mombaco surat nantai. Ongko, io botakutn ko Paulus, “Kolai boasal doi' propinsi mono?” Paulus monimbas, “Aku doi' propinsi Kilikia.”

Kisah Boko Rasul 23:27

Bosamo agatn surat ni'in, aku mongiripm siku' urakng tahatan. Urakng ni'in udah ditangkap ulih boko urakng Yahudi. Sia' bomasud mombunuh io. Apo aku mondinga' obai io warga negara Roma. Jadi, aku datakng agatn boko projurit pakai' monyolamant'an io.

Kisah Boko Rasul 21:37

Timpu boko projurit nantai honda' mombaba' Paulus ko dalapm markas, Paulus botakutn ko komandatn pasukan nantai. Katonyo, “Bopai, ulih cado bopandir sobontar agatn duatn?” Komandatn pasukan monimbas, “Kolai ulih bobaso Yunani!

Kisah Boko Rasul 16:37

Apo Paulus bopandir ko boko potugas inyo datakng, “Boko pojabat kota ni'in udah monyiuh oca' koi dipoduda'an di muka' umum. Sia' momansu'an koi ko dalapm ponjara. Apo, sia' co moadili koi doholu, obai koi warga negara Roma! Ni'inan sia' honda' koi botula' socaro bototapu'. Co mungkitn! Biar sia' siku' datakng ko si'itn ongko mongoluaran koi koluar doi' ponjara!”

Kisah Boko Rasul 15:41

Paulus ongko Silas botula' mondataki boko kota di propinsi Siria huatan Kilikia. Di su'utn, sia' duo monulukng boko somadikan oca' pocayo agatn Yesus lobih kuat.

Kisah Boko Rasul 9:30

Apo hajat sia' nantai dikotohu'i boko urakng inyo pocayo Yesus. Jadi, sia' moonju'an Saulus ko polabuhan di kota Kaisarea. Doi' santai sia' monula'an io ko kota Tarsus, tompat asalnyo.