Kisah Boko Rasul 21:32 - Porjanjian Boharu Torjomahan Baso Dilakng Soari-ari

³² Io bosamo boko powira huatan boko projurit lansukng botindak. Sia' maju ko tompat urakng banya' nantai. Timpu boko urakng Yahudi moniant komandatn pasukan huatan tontaranyo datakng, sia' botongga' bodularan Paulus.

Kisah Boko Rasul 21:32 ပူးပေါင်းရင်းမြစ်များ

Yohanes 18:12

Lopas nian, komandatn pasukan bosamo agatn somuo rombokan nantai monangkap Yesus lalu mongobat longan-Nyo.

Kisah Boko Rasul 18:17

Watu nantai, sia' somuo monangkap kopala' rumah sombayakng agama Yahudi. Damonyo Sostenes. Io dipodularan di tongah-tongah ruakan pongadilan nantai. Apo Galio samo sokali kinyo poduli.

Kisah Boko Rasul 22:19

Apo aku monimbasi, ‘Tuhatn, sia' tohu obai doholu aku ninam inyo molawatn boko urakng inyo pocayo agatn Duatn. Aku ninam inyo udah mansu' ko boko rumah sombayakng pakai' monangkap sia'. Aku bodularan ongko momansu'an sia' ko dalapm ponjara.

Kisah Boko Rasul 23:27

Bosamo agatn surat ni'in, aku mongiripm siku' urakng tahatan. Urakng ni'in udah ditangkap ulih boko urakng Yahudi. Sia' bomasud mombunuh io. Apo aku mondinga' obai io warga negara Roma. Jadi, aku datakng agatn boko projurit pakai' monyolamant'an io.

Kisah Boko Rasul 24:6

Apotolagi' io udah moncubo monyalahi poraturan mongona'i kosucian Rumah Allah. Obai nantai, koi monangkap io. Koi honda' moadili io monurut hukupm agama koi.

Kisah Boko Rasul 5:40

Sia' monyiuh oca' boko rasul nantai dibaba' bobali' mansu' ongko dipodularan. Lopas nantai, sia' morarakng boko rasul nantai pakai' moajaran ajaran inyo Yesus sampaian ko sia'. Ongko boko rasul nantai dilopasan.