Kisah Boko Rasul 21:19 - Porjanjian Boharu Torjomahan Baso Dilakng Soari-ari

¹⁹ Paulus bosonsalapan agatn sia'. Ongko io mongisahan agatn jolas mongona'i boko hal inyo dilabuhan Allah dalapm polayatannyo ko boko banso inyo bukainyo banso Yahudi nantai.

Kisah Boko Rasul 21:19 ပူးပေါင်းရင်းမြစ်များ

Matius 23:7

Di pasar, sia' gala' urakng bukai monyalapi agatn hormat ko sia'. Sia' jam gala' urakng mohormati agatn moningkau sia' ‘Guru’.

Kisah Boko Rasul 14:27

Jadi, watu sia' tuntukng di Antiokhia, sia' mongumpulan boko urakng pocayo ko Yesus. Sia' duo mongisahan somuo inyo udah Allah labuhan dalapm polayatan sia'. Hususnyo, sia' mongisahan mongona'i Allah inyo moonji'i caro oca' banya' urakng inyo bukainyo urakng Yahudi monjadi pocayo ko Yesus.

Kisah Boko Rasul 15:12

Somuo urakng di santai pan kotakan langunt ongko mondinga'an Paulus ongko Barnabas bopandir. Paulus ongko Barnabas mongisahan somuo mujisat inyo udah Allah labuhan dalapm polayatan sia' ko boko urakng inyo bukainyo urakng Yahudi.

Kisah Boko Rasul 15:4

Lopas nantai, Paulus ongko Barnabas huatan kolompok urakng doi' Antiokhia tuntukng ko Yerusalem. Sia' duo ditorima' agatn boi' ulih somuo jomaat tomansu' boko ponotua' jomaat huatan boko rasul. Paulus ongko Barnabas mongisahan somuo inyo udah Allah labuhan dalapm polayatan sia' ko boko urakng bukainyo Yahudi.

Kisah Boko Rasul 20:24

Apo aku co poduli. Biar pan aku dibunuh, aku totap co poduli. Tuhatn Yesus udah moonji'i tugas ko aku pakai' momboritoan Kabar Boi' obai Allah udah monyatoan koboi'an-Nyo ko monsio. Aku gola' monyolosaian tugasku nantai. Nianam inyo pontikng, bukainyo hidup aku.

1 Korintus 15:10

Apo obai koboi'an hati Allah, Sio udah bulah aku monjadi sama'an watu ni'in. Koboi'an hati inyo Allah udah labuhan nantai kinyo bopasal. Malahan, aku bokorojo koras momboritoan Kabar Boi', lobih koras daripado somuo rasul inyo bukai. Apo sobondarnyo aku kinyo molabuhan nantai agatn kokuatan siku'. Aku mampu molabuhan nantai bayo obai koboi'an hati Allah monyoroto'i aku.

2 Korintus 12:12

Timpu aku bosamo agatn kaitn, aku mombutiannyo ko kaitn obai aku ninam rasul inyo bondar. Agatn sabar aku molabuhan somuo macapm mujisat, boko porbuatan luar biaso inyo monunju'an kuaso Tuhatn.

2 Korintus 6:1

Sobagai urakng inyo bokorojo samo agatn Allah, jadi koi muhun ko kaitn: Jangannam bulah koboi'an Allah nantai monjadi sia-sia.

Kolose 1:29

Pakai' nantaiam aku bousaha koras. Aku bousaha agatn sokuat dayo doi' Kristus inyo bokorojo dalapm diriku agatn ponuh kuaso.