Kisah Boko Rasul 21:13 - Porjanjian Boharu Torjomahan Baso Dilakng Soari-ari

¹³ Apo Paulus monimbas, “Jangan kaitn monangis, obai nantai bulah hatiku salu'! Aku udah siap ditangkap di Yerusalem. Malahan, aku udah siap mati sobagai murid Tuhatn Yesus.”

Kisah Boko Rasul 21:13 ပူးပေါင်းရင်းမြစ်များ

Kisah Boko Rasul 20:24

Apo aku co poduli. Biar pan aku dibunuh, aku totap co poduli. Tuhatn Yesus udah moonji'i tugas ko aku pakai' momboritoan Kabar Boi' obai Allah udah monyatoan koboi'an-Nyo ko monsio. Aku gola' monyolosaian tugasku nantai. Nianam inyo pontikng, bukainyo hidup aku.

Kisah Boko Rasul 20:37

Sia' somuo monangis kapikng mongolu'i huatan monciupm-ngomomah io, sobagai tando sia' bopisah huatan sia' mongidah io.

Kisah Boko Rasul 5:41

Boko rasul nantai botula' doi' santai tomaho rindakng, obai Allah moanggap sia' cucu' moalapi ajab sonsaro samo sama'an Yesus. Nanam caro Allah morogo'i sia'.

Kisah Boko Rasul 9:16

Obai io momboritoan mongona'i Aku, io paca'an moalapi banya' ajab sonsaro. Aku siku' paca'an monunju'an ko io mongona'i ajab sonsaro nantai.”

1 Korintus 15:31

Bondar, boko somadikan! Sotiap ari aku ajab sonsaro mohadapi komatian. Aku bosumpah obai nantai bondar, samo sama'an oso bompangkakanku ko kaitn pan bondar. Aku bopangkakng agatn kaitn di dalapm Kristus Yesus. Kristus Yesus nantai Tuhatn inyo bokuaso di pucu' kito.

Filipi 2:17

Apo, aku tajahan totap sonang-nyamanam aman aku dibunuh. Obai, kaitn pocayo ko Kristus ongko hidup molayati-Nyo. Kaitn monjadi samo sama'an kurbatn posombahan ko Allah. Aman aku dibunuh, rotinyo darahku ditumpahan di pucu' posombahan kaitn nantai. Jadi, aku sonang-nyamanam ongko aku tuyut sonang-nyamanam jam agatn kaitn.

Filipi 2:26

Apo io togonangan kaitn somuo. Hatinyo golisah obai io mongotohu'i kaitn udah mondinga' obai io boponyakit di si'itn.

Kolose 1:24

Ni'in, aku rindakng-rigah obai aku ulih ajab sonsaro pakai' monulukng kaitn. Aku mooso'i ajab sonsaro Kristus inyo ija' gola' dioso'i. Aku ajab sonsaro dibukakng-tubuhku pakai' monulukng bukakng-tubuh Kristus, ia'an somuo urakng inyo pocayo ko Sio.

2 Timotius 1:4

Aku togonangan tangis kolai watu kito bopisah komai. Jadi, aku kotakng rindu honda' botomu kolai agi' oca' hatiku rindakng.

2 Timotius 4:6

Aku moonji'i boko potunju' nantai ko kolai obai kinyo manah agi' aku paca'an mati. Ni'in, aku siap monyorahan hidupku samo sama'an urakng monyorahan kurbatn posombahan ko Allah.

2 Petrus 1:14

Tuhatn kito, Yesus Kristus udah momadahannyo ko aku obai co manah agi' aku tajahan mati.

Wahyu 12:11

Boko somadikan kito udah mongalahannyo agatn darah Ana' Domba nantai, huatan agatn borito inyo bondar doi' Allah inyo sia' boritoan. Sia' sanggup mongurbatan diri sia' sampai mati.

Wahyu 3:10

Kaitn udah monaati porintah-Ku pakai' botahatn dalapm mohadapi ajab sonsaro. Obai niannam, Aku paca'an molinduki kaitn doi' masa kosusahan inyo paca'an monimpa soluruh dunia. Hal nantai tojadi pakai' mouji somuo monsio inyo bodiapm di bumi.