Kisah Boko Rasul 21:1 - Porjanjian Boharu Torjomahan Baso Dilakng Soari-ari

¹ Osonyo borat hati koi bopisah agatn boko ponotua' jomaat Efesus. Koi botula' bolayar doi' Miletus lansukng ko pulau Kos. Kohobu'annyo, koi ko kota Rodos. Doi' santai, koi molajuan pojalatan sampai ko kota Patara.

Kisah Boko Rasul 21:1 ပူးပေါင်းရင်းမြစ်များ

Lukas 5:4

Kali udah mongajar, Sio bopandir ko Simon, “Kayuhcam ko tompat inyo dalapm. Huatan tibaran jalo kolai ko siatan pakai' monangkap ikatn.”

Lukas 8:22

Pas ari nantai, Yesus agatn boko murid-Nyo ado di Danau Galilea. Yesus bopandir ko sia', “Mara kito botula' ko soborakng danau.” Jadi, sia' jumpat ko porohu, ongko botula'am.

Kisah Boko Rasul 27:2

Timpu koi ado di polabuhan di kota Kaisarea, ado kapal inyo datakng doi' kota Adramitium. Kapal nantai paca'an bobali' ko Adramitium agi' kapikng singgahi diboboropo polabuhan di sopanjakng pantai propinsi Asia. Ongko, koi jumpat kapal nantai ongko botula'. Aristarkhus pan tuyut samoan koi. Io nantai somadikan koi inyo boasal doi' kota Tesalonika di propinsi Makedonia.

Kisah Boko Rasul 27:4

Timpu koi botula' doi' Sidon, ado bonakau muput doi' arah koholuan kapal. Jadi, kapal koi monyusur pinggir lout dampikng pulau Siprus oca' tolindukng doi' bonakau nantai.

1 Tesalonika 2:17

Boko somadikan, koi toposo moninggalan kaitn pakai' somontaro. Kaitn jouh di mato apo kinyo jouh di hati koi. Obai nantai koi kotakng togonang agatn kaitn, ongko koi udah boulakng kali bousaha koras pakai' ulih botomu agatn kaitn agi'.