Kisah Boko Rasul 20:9 - Porjanjian Boharu Torjomahan Baso Dilakng Soari-ari

⁹ Di santai, ado siku' bobia' muda' dudu' di jondela. Damonyo Eutikhus. Pontongahan Paulus ija' bopandir, Eutikhus kotakan ngantu' bondar. Ponsuahannyo io co ulihnyo monahan kantu'nyo. Io pan toidu' ngindo, ongko togoligap jatu' doi' tingkat tigo tuntukng ko tanah. Samo-jatu' jam ado urakng turutn mongatut io. Ruponyo, io udah mati.

Kisah Boko Rasul 20:9 ပူးပေါင်းရင်းမြစ်များ

Markus 9:26

Roh jahat nantai mondorah, mombulah bukakng bobia' nantai bogogora', lalu koluar doi' io. Bobia' nantai kotiat'an sama'an urakng mati. Somuo urakng bopandir, “Io udah mati am!”

Kisah Boko Rasul 14:19

Lopas nian boboropo urakng Yahudi doi' Antiokhia huatan Ikonium datakng ko santai. Sia' moyakit'an banya' urakng di kota Listra nantai oca' kinyo pocayo agatn pomandiran Paulus. Ongko sia' monikapm Paulus agatn batu pakai' mombunuh io. Watu sia' bopikir Paulus udah mati, sia' mombuakan bukakngnyo ko luar kota nantai.

Kisah Boko Rasul 20:10

Apo Paulus turutn, morobahan diri ko pucu' bukakng bobia' muda' nantai, ongko mongolu'inyo. Biar pan sia' tohu bobia' muda' nantai udah mati, apo Paulus bopandir ko somuo urakng di santai, “Jangan sosa', obai io ija' hidup.”

Kisah Boko Rasul 20:7

Pado ari potamo dalapm minggu nantai, koi huatan boko urakng pocayo di Troas bokumpul. Koi somuo honda' morayaan Porjamuan Kudus. Paulus huatan koi kawal sopojalatannyo bohajat pakai' botula' doi' Troas sunsukng hobu'nyo. Ongko, Paulus mongajar sia' manah bondar, sampai tongah malapm.

Kisah Boko Rasul 20:8

Koi somuo bokumpul di ruakan di tingkat pucu', lantai tigo. Ado banya' pompolitoan inyo bonyalo.