Kisah Boko Rasul 20:6 - Porjanjian Boharu Torjomahan Baso Dilakng Soari-ari

⁶ Koi singgah di kota Filipi. Lopas jadi ari rayo Roti Co Boragi, koi bolayar ko Troas. Lopas jadi lima' ari pojalatan, koi duo datakng. Di santai koi botomu agatn sia' inyo mondoholu'i koi. Koi somuo tinggal di su'utn somanah tujuh ari.

Kisah Boko Rasul 20:6 ပူးပေါင်းရင်းမြစ်များ

Kisah Boko Rasul 12:3

Pombunuhan Yakobus monyonangan boko pomimpitn urakng Yahudi. Jadi, watu Herodes mongotohu'i nantai, io pan monyiuh oca' Petrus ditangkap. (Nantai tojadi timpu poraya'an Ari Rayo Roti co boragi kohobu'annyo, lopas jadi Paskah dirayoan.)

Kisah Boko Rasul 16:10

Doi' poniant'an nantai, koi monyimpulan obai Allah moningkau koi pakai' momboritoan Kabar Boi' ko boko urakng Makedonia. Jadi, koi lansukng bogoyap tumpakan inyo botula' ko su'utan.

Kisah Boko Rasul 16:12

Doi' su'utn, koi ko kota Filipi. Kota Filipi nantai tomansu' kota inyo pontikng di doerah Makedonia. Kota nantai jajahan urakng Roma. Koi tinggal di su'utn boboropo ari.

Kisah Boko Rasul 16:8

Jadi, sia' bojalatn torus molalu'i doerah Misia tuntukng di kota Troas.

Kisah Boko Rasul 20:16

Doi' pulau Samos ko kota Miletus, koi kinyo singgah di kota Efesus. Paulus udah momutusan nantai. Io co honda' tolalu manah di propinsi Asia obai io honda' hagar tuntukng ko Yerusalem. Aman ulih, io honda' ado di su'utn pado ari rayo Pentakosta.

Kisah Boko Rasul 20:5

Sia' botula' lobih doholu doi' koi. Jadi, sia' monanti koi di kota Troas.

Kisah Boko Rasul 21:4

Jadi, koi monjongu' boko urakng inyo pocayo agatn Yesus di santai. Koi monotap bosamo agatn sia' somanah tujuh ari. Roh Allah momadahan ko sia' obai Paulus paca'an ajab sonsaro di Yerusalem. Jadi, sia' monosihat'i Paulus oca' co botula' ko su'utn.

Kisah Boko Rasul 21:8

Kohobu'annyo, koi botula' ko kota Kaisarea. Di santai koi bodiapm di rumah Filipus. Io nantai urakng inyo momboritoan Kabar Boi'. Io jam salah siku' doi' kotujuh urakng inyo komai di Yerusalem dipilih pakai' molayati boko botina' balu.

Kisah Boko Rasul 28:14

Di kota nantai, koi botomu agatn boko urakng pocayo agatn Yesus. Sia' mominto koi monoluntukng samoan agatn sia' somanah tujuh ari. Lopas nian, koi molajuan pojalatan ko Roma molalu'i jalatn darat.

Filipi 1:1

Surat ni'in doi' ku, Paulus bosamo agatn Timotius. Koi urakng inyo bokorojo molayati Kristus Yesus. Surat ni'in pakai' somuo urakng husus umputn Allah di kota Filipi inyo bosatu dalapm Kristus Yesus, tomansu' agatn somuo ponotua' ongko diakon jomaat.

2 Timotius 4:13

Dalapm pojalatan ko si'itn, timpu kolai molalu'i kota Troas, kuti'cam baju tobal inyo aku tinggalan ko Karpus di santai. Baba' jam somuo bukuku, hususnyo boko buku inyo pontikng.