Kisah Boko Rasul 20:4 - Porjanjian Boharu Torjomahan Baso Dilakng Soari-ari

⁴ Ado boko urakng inyo monyoroto'i io dalapm pojalatan nantai, ia'an: Timotius, Sopater (ana' Pirus doi' kota Berea), Aristarkhus ongko Sekundus (koduo urakng nantai doi' kota Tesalonika), Gayus (doi' kota Derbe), huatan Tikhikus ongko Trofimus (koduonyo doi' propinsi Asia).

Kisah Boko Rasul 20:4 ပူးပေါင်းရင်းမြစ်များ

Kisah Boko Rasul 14:20

Apo ado boko urakng di kota Listra inyo udah mula'i pocayo ko Yesus. Sia' datakng huatan bodiritn mongoliliki Paulus. Watu nantai, Paulus bodiritn ongko mansu' agi' ko kota. Kohobu'annyo, io botula' ko kota Derbe bosamo Barnabas.

Kisah Boko Rasul 14:6

Apo sia' duo mondinga' mongona'i hajat nantai. Jadi, sia' morarian diri ko doerah inyo bukai. Sia' botula' ko doerah sokitar kota Listra huatan Derbe di doerah Likaonia.

Kisah Boko Rasul 16:1

Paulus ongko Silas botula' ko kota Derbe ongko ko kota Listra. Di Listra ado Timotius. Io udah pocayo agatn Yesus. Indainyo urakng Yahudi inyo udah pocayo agatn Yesus, apo bopainyo urakng Yunani.

Kisah Boko Rasul 16:6

Lopas nantai, Paulus, Silas ongko Timotius botula' ko doerah Frigia huatan doerah Galatia. Sobondarnyo sia' honda' momboritoan Kabar Boi' ko doerah Asia. Apo Roh Allah morarakng sia'.

Kisah Boko Rasul 17:1

Doi' kota Filipi, Paulus ongko Silas bojalatn molalu'i kota Amfipolis huatan kota Apolonia. Ongko, sia' tuntukam ko Tesalonika, ibu kota propinsi Makedonia. Di kota nantai ado rumah sombayakng urakng Yahudi.

Kisah Boko Rasul 17:13

Apo boko urakng Yahudi di Tesalonika mondinga' mongona'i Paulus di Berea. Sia' mondinga' obai Paulus tongahan monyampaian borito doi' Allah mongona'i Yesus di kota nantai jam. Jadi, sia' pan botula' ko su'utn huatan monjahai'an Paulus.

Kisah Boko Rasul 19:29

Banya' urakng bukai monjadi tolibat. Soluruh kota nantai monjadi kacau. Urakng banya' borindakng-ramai bonggidi'an momansu'i lapakan umum inyo bosar. Duo kawal Paulus ditangkap ongko dibaba' ko su'utn jam. Damo sia' Gayus ongko Aristarkhus. Sia' duo doi' Makedonia apo tuyut Paulus dalapm polayatannyo.

Kisah Boko Rasul 2:9

tomansu' Partia, Media, Elam, huatan pondudu' Mesopotamia, Yudea, Kapadokia, Pontus, ongko Asia.

Kisah Boko Rasul 20:16

Doi' pulau Samos ko kota Miletus, koi kinyo singgah di kota Efesus. Paulus udah momutusan nantai. Io co honda' tolalu manah di propinsi Asia obai io honda' hagar tuntukng ko Yerusalem. Aman ulih, io honda' ado di su'utn pado ari rayo Pentakosta.

Kisah Boko Rasul 20:18

Jadi, sia' datakng. Ongko, Paulus bopandir ko sia', “Kaitn tohu caro aku hidup somanah aku tinggal di antaro kaitn. Doi' ari potamo aku datakng di Asia sampai watu ni'in, kaitn udah tohu somuonyo.

Kisah Boko Rasul 21:29

(Sia' bopandir ubo nantai obai pado ari bukai, sia' moniant Paulus bosamo Trofimus. Io siku' urakng bukai Yahudi doi' kota Efesus. Sia' monyangko obai Paulus udah mombaba' io ko tongahlamanan Rumah Allah).

Kisah Boko Rasul 27:2

Timpu koi ado di polabuhan di kota Kaisarea, ado kapal inyo datakng doi' kota Adramitium. Kapal nantai paca'an bobali' ko Adramitium agi' kapikng singgahi diboboropo polabuhan di sopanjakng pantai propinsi Asia. Ongko, koi jumpat kapal nantai ongko botula'. Aristarkhus pan tuyut samoan koi. Io nantai somadikan koi inyo boasal doi' kota Tesalonika di propinsi Makedonia.

Roma 16:21

Salapm ko kaitn doi' Timotius inyo bokorojo molayati bosamoku. Salapm jam doi' Lukius, Yason, ongko Sosipater, boko somadikan doi' banso Yahudi samo sama'an aku.

Roma 16:23

Salapm ko kaitn doi' Gayus, inyo monorima'ku bodiapm di rumahnyo. Io pan monorima' somuo jomaat di rumahnyo. Salapm ko kaitn doi' Erastus, bendahara kota. Salapm jam doi' Kwartus, urakng inyo pocayo samo sama'an kito. [

2 Korintus 1:1

Surat ni'in doi' ku, Paulus. Aku dipilih pakai' monjadi rasul Kristus Yesus obai nantai kohonda' Allah. Salapm jam doi' Timotius, somadikan kito. Surat ni'in pakai' jomaat Allah di kota Korintus ongko somuo urakng inyo husus umputn Allah di somuo propinsi Akhaya.

2 Korintus 1:19

Obai, Ana' Allah, Yesus Kristus, pan kinyo gangga'-gua'an di antaro ‘Au’ ongko ‘Cado’. Aku, Silas ongko Timotius udah momboritoan ko kaitn mongona'i Kristus, ia'an Rajo Inyo Dijanjian Allah. Molalu'i Sio, somuo janji Allah monjadi nyata, samo sama'an ado jawaban ‘Au’ doi' Allah. Jadi, di dalapm Kristus bayo ado ‘Au’. Nianam sobabnyo, watu kito mongatoan ‘Amin’ pakai' momuji Allah, kito mongatoan ‘Amin’ dalapm damo Kristus.

Efesus 6:21

Aku moutus Tikhikus ko kaitn. Io ia'an somadikan kito inyo tokasih. Io sotia molayati Tuhatn. Aku moutus io oca' kaitn mongotohu'i borito mongona'i aku ongko boko somadikan inyo ado bosamoku. Io paca'an momadahan somuonyo ko kaitn. Agatn sama'an nantai, io paca'an monguat'an hati kaitn.

Filipi 2:19

Aku boharap Tuhatn Yesus tajahan mombulah oca' aku ulih hagar moutus Timotius ko kaitn. Agatn ubo nantai, hati ku tajahan tenang mondinga' borito mongona'i kaitn doi' io.

Kolose 4:10

Salapm doi' Aristarkhus, inyo ado dalapm ponjara bosamo agatn aku. Salapm jam doi' Markus, io sana'-tuho Barnabas. Kaitn udah monorima' posatn mongona'i Markus; aman io datakng, torima' io agatn boi'.

Kolose 4:7

Aku moutus somadikan inyo ku kasihi, Tikhikus, ko kaitn. Io paca'an momadahan ko kaitn somuo kabar mongona'i aku. Io nantai kawal boi' dalapm pokoroja'an molayati Tuhatn. Io molayati agatn sotia.

1 Timotius 1:1

Ko Timotius: inyo bondar-bondar sama'an ana'ku dalapm Yesus. Salapm doi' aku, Paulus. Kristus Yesus ongko Allah moutus aku monjadi rasul-Nyo pakai' momboritoan mongona'i Sio. Allah nanam Ponyolamant kito huatan Kristus Yesus tompat kito boharap. Aku bodoa oca' kasih karunia ongko sonang-asau doi' Allah, Bopai kito, huatan Tuhatn Yesus Kristus monyoroto'i kolai.

2 Timotius 4:12

Tikhikus pan udah aku utusam ko kota Efesus.

2 Timotius 4:20

Erastus ija' ado di kota Korintus. Trofimus tongahan sakit, watu aku moninggalan io di kota Miletus.

Titus 3:12

Aku paca'an moutus Artemas damo Tikhikus ko kolai pakai' molayati di pulau Kreta di su'utn. Pas salah siku' doi' sia' datakng, kohonda'ku kolai copat datakng ko aku di kota Nikopolis. Aku udah momutusan pakai' bodiapm di su'utn somanah musipm dingin ni'in.

Filemon 1:24

Salapm jam doi' Markus, Aristarkhus, Demas huatan Lukas, ia'an boko kawal inyo bokorojosamo agatn ku pakai' momboritoan Kabar Boi'.

3 Yohanes 1:1

Surat ni'in doi'ku, inyo momimpitn jomaat. Ko inyo tohormat: Gayus inyo tokasih. Inyo ku kasihi obai kito sosamo pocayo agatn ajaran inyo bondar.