Kisah Boko Rasul 20:35 - Porjanjian Boharu Torjomahan Baso Dilakng Soari-ari

³⁵ Dalapm somuo inyo aku labuhan nantai, aku monjadi contoh pakai' kaitn. Kaitn pan gola' bokorojo koras ongko monulukng boko urakng inyo jaro. Jangan tongkolupatn pomandiran Tuhatn Yesus, ‘Allah lobih momborokati urakng inyo moonji'i bantu'an daripado urakng inyo monorima' bantu'an.’ ”

Kisah Boko Rasul 20:35 ပူးပေါင်းရင်းမြစ်များ

Matius 10:8

Nyamanicam urakng sakit. Pulahcam urakng mati bobali' hidup. Nyamanicam urakng inyo boponyakit kulit inyo bogola'i. Tundukngcam boko roh jahat. Kaitn udah monorima' borokat apo co bobayar. Ongko kaitn pan gola' moonji'i ko urakng bukai agatn co dibayar.

Kisah Boko Rasul 20:20

Biar pan ubo nian, aku totap momboritoan mongona'i Yesus. Aku co kalo monahan sobuti' ajaran pan inyo boguno pakai' kaitn. Aku mongajar di muka' umum honda' pan doi' rumah ko rumah.

Kisah Boko Rasul 20:34

Kaitn siku' tohu obai aku bokorojo pakai' momonuhi somuo kopontikan aku. Aku bokorojo bulah kemah agatn bokorojo siku'. Doi' pokoroja'an nantai, aku mondapat'an cukup pakai' boko kawal inyo molayati bosamo agatn aku jam.

Kisah Boko Rasul 20:36

Lopas jadi Paulus momandiran somuo nantai, io molota'an kopututnyo ongko bodoa bosamo somuo ponotua' doi' Efesus nantai.

Roma 15:1

Kito inyo kuat gola' monulukng urakng inyo kurakng kuat. Kito gola' momporhatian lapo inyo boi' pakai' monulukng urakng bukai monjadi lobih kuat pocayo. Kito gola' bousaha monyonangan siku'-monyiku'. Jangan kito bayo monyonangan diri kito siku'.

1 Korintus 9:12

Aman urakng bukai bohak mondapat'an kopontikan hidup nantai doi' kaitn, sobondarnyo koi lobih bohak agi' mondapat'an kopontikan hidup nantai doi' kaitn. Apo koi co kalo monuntut hak nantai. Koi totap monanggukng la'apo pan. Obai, koi co honda' bulah sosuatu inyo ulih mohalaki urakng mondinga' Kabar Boi' mongona'i Kristus.

2 Korintus 11:12

Apo ninam alasan ku co kalo minto duit doi' kaitn samo sama'an boko urakng totontu nantai: Ia'an nantai, oca' sia' conyiant kosompatan pakai' momuji diri agatn bopandir sia' samo sama'an koi.

2 Korintus 11:9

Timpu aku bosamo agatn kaitn, pas aku ado kokurakan, aku co morepotan kaitn. Obai, watu nantai, somuo inyo ku pontikan disodiaan boko urakng pocayo inyo datakng doi' Makedonia. Dalapm somuo hal, aku monjago oca' aku co kalo mombebat'i kaitn. Aku paca'an hala sama'an nian pakai' sotorusnyo!

2 Korintus 12:13

Kata'an ado lou' inyo ku labuhan pakai' jomaat inyo bukai inyo kinyo ku labuhan pakai' kaitn? Conyiant jam, ongkah ado sobuti' hal ni'in: Ia'an aku co kalo monjadi bobatn pakai' kaitn. Aman kaitn moanggap hal nantai kinyo adil, amputi ku cam!

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.

Efesus 4:28

Urakng inyo komainyo pongolit jangan mongolit agi'. Apo io gola' bokorojo koras agatn jarinyo siku', mombulah boko hal inyo boi', oca' io ulih monulukng urakng bukai inyo ado kopontikannyo.

1 Tesalonika 4:11

Koi udah kalo momadahi kaitn mongona'i boko hal ni'in, apo ni'in koi moingant'an kaitn agi'. Bousahacam hidup damai agatn urakng bukai. Jangan sonjumpat'an urusan urakng bukai apo urus ja'am diri kaitn siku'. Rajitncam bokorojo pakai' momonuhi kopontikan kaitn masikng-masikng.

1 Tesalonika 5:14

Boko somadikan, koi pan momadahi kaitn oca' moolikan boko urakng inyo lola' bokorojo. Kuatan hati sia' inyo mooso gola'. Tulukngcam urakng inyo uyuh. Sabarcam tohadap somuo urakng.

Ibrani 13:16

Jangan kolupatn bulah koboi'an ongko monulukng urakng bukai, obai boko hal nantai samo sama'an kurbatn posombahan jam inyo monyonangan hati Allah.

Ibrani 13:3

Ingantcam boko urakng inyo di dalapm ponjara sama'an kaitn pan ado di dalapm ponjara bosamo agatn sia'. Ingantcam boko urakng inyo disiksa sama'an kaitn disiksa sama'an nantai jam.

3 Yohanes 1:7

Obai, sia' botula' momboritoan mongona'i Kristus ko boko urakng inyo bolupm pocayo, huatan sia' co minto lapopan doi' boko urakng nantai.