Kisah Boko Rasul 20:26 - Porjanjian Boharu Torjomahan Baso Dilakng Soari-ari

^26-27 Agatn sotia, aku udah moajaran ko kaitn mongona'i la'apo inyo dikohonda'i Allah pakai' somuo monsio. Obai nantai, ari ni'in aku momandiran: Aman ado urakng di antaro kaitn inyo mondapat hukupan nononyo obai co pocayo agatn Yesus, nantai kinyo tanggukng-jawab aku agi'.

Kisah Boko Rasul 20:26 ပူးပေါင်းရင်းမြစ်များ

Yohanes 12:17

Ado banya' urakng inyo bosamo Yesus timpu Sio mombulah Lazarus bobali' hidup doi' komatian huatan moningkau io koluar doi' dalapm pasaran. Boko urakng inyo moniant nantai torus momboritoan hal nantai ko boko urakng bukai.

Yohanes 19:35

(Urakng inyo momboritoan mongona'i nantai udah moniantnyo agatn mato kopala'nyo siku'. Sio tohu kojadian nantai bondar-bondar tojadi. Io momboritoannyo agatn bondar oca' kaitn pan pocayo).

Kisah Boko Rasul 18:6

Apo boko urakng Yahudi nantai molawatn huatan mohayam Paulus. Jadi, io mongibasan dobu doi' pakai'annyo pakai' tando poringant'an. Kato Paulus ko sia', “Aku udah botanggukng jawab momboritoan Kabar Boi' ko kaitn somuo. Apo kaitn totap co pocayo agatn Yesus. Nononyo aman kaitn dihukupm Allah, nantai kosalahan kaitn siku'. Aku co botanggukng jawab agi'. Jadi, mula'i watu ni'in, aku paca'an botula' momboritoan Kabar Boi' ko boko banso inyo bukainyo banso Yahudi.”

Roma 10:2

Obai, aku tohu sia' bobondar bousaha monaati Allah, apo sia' kinyo bobondar mongoroti.

2 Korintus 1:23

Jadi, aku moningkau Allah sobagai sasi inyo mongonal isi hatiku. Sio tohu obai ni'in bondar: Alasan ku co datakng ko Korintus obai aku co honda' bulah kaitn sakit hati agatn monogur kaitn.

2 Korintus 7:2

Sokali agi' aku muhun, tunju'anbo obai kaitn mongasihi koi. Koi co kalo bulah salah agatn sopo pan di antaro kaitn. Koi co kalo morugian kaitn damo monipu-mongolakar kaitn pakai' mondapat'an kountukan.

2 Korintus 8:3

Aku siku' bosasi obai sia' moonji'i sosuai agatn pongulihan sia', malahan lobih agi' doi' nantai.

1 Timotius 5:22

Jangan tolalu copat momilih urakng monjadi ponotua' lalu molota'an jari ko io pakai' monsahannyo. Aman ado urakng bukai bulah dosa, kolai pan jangan sonjumpat'an bulah dosa. Kolai gola' monjago diri oca' kolai hidup co bulah bodosa