Kisah Boko Rasul 20:22 - Porjanjian Boharu Torjomahan Baso Dilakng Soari-ari

²² Ni'inan, aku gola' ko Yerusalem obai Roh Allah udah monyiuh aku. Aku gola' monaati-Nyo biar pan aku co tohu la'apo inyo paca'an tojadi ko aku di su'utn.

Kisah Boko Rasul 20:22 ပူးပေါင်းရင်းမြစ်များ

Lukas 12:50

Aku gola' ija' moalapi ajab sonsaro inyo kotakan borat. Watu ni'in Aku kotakng salu'. Aku paca'an totap salu' sampai ajab sonsaro nantai jadi.

Lukas 9:51

Watu pakai' Yesus diangkat bobali' ko sorugo mongkitn dampikam. Jadi, Sio momutusan pakai' botula' ko kota Yerusalem.

Yohanes 13:1

Sobolupm Ari Rayo Paskah, Yesus udah tohu obai udah datakng watu-Nyo pakai' Sio moninggalan dunia ni'in lalu bobali' ko Allah Bopai. Yesus mongasihi kolompok urakng di dunia inyo monjadi umputn-Nyo. Sio hala mongasihi sia' sampai ari toahir Sio ado di dunia.

Yohanes 18:4

Apo, Yesus udah mongotohu'i boko hal inyo paca'an tojadi tohadap diri-Nyo. Jadi, Sio mohampiki sia', lalu botakutn, “Kaitn monggoyapi sopo?”

Kisah Boko Rasul 17:16

Jadi, Paulus monanti kodatakan Silas ongko Timotius di kota Atena. Pas io moniant di kota nantai ado banya' bondar lompatukng boko duato. Hal nantai mombulah hatinyo kotakan salu'.

Kisah Boko Rasul 19:21

Lopas nantai, obai bimbikan Roh Allah Paulus bulah hajat pakai' botula' ko Yerusalem. Dalapm pojalatan ko su'utn, io honda' molalu'i propinsi Makedonia huatan Akhaya oca' io ulih mondataki boko urakng pocayo di su'utn. Io pan honda' ko kota Roma. Katonyo, “Lopas jadi aku botula' ko Yerusalem, aku gola' mondataki Roma.”

Kisah Boko Rasul 20:16

Doi' pulau Samos ko kota Miletus, koi kinyo singgah di kota Efesus. Paulus udah momutusan nantai. Io co honda' tolalu manah di propinsi Asia obai io honda' hagar tuntukng ko Yerusalem. Aman ulih, io honda' ado di su'utn pado ari rayo Pentakosta.

2 Korintus 5:14

Apo alasan pakai' somuo porbuatan koi ia'an obai Kristus mongasihi koi. Obai koi tohu agatn ni'in: Aman siku' urakng udah mati pakai' somuo urakng, jadi somuo urakng nantai udah mati jam.

Yakobus 4:14

Padohal kaitn co tohu la'apo inyo paca'an tojadi hobu'. Hidup kaitn di dunia ni'in somontaromo. Samo sama'an ansap inyo ditiat sobontarmo, lalu lansukng hilakng.

2 Petrus 1:14

Tuhatn kito, Yesus Kristus udah momadahannyo ko aku obai co manah agi' aku tajahan mati.