Kisah Boko Rasul 20:21 - Porjanjian Boharu Torjomahan Baso Dilakng Soari-ari

²¹ Aku hala mongajar agatn torus torakng, boi' ko boko urakng Yahudi huatan ko boko urakng Yunani oca' sia' botongga' bulah dosa huatan hidup monyonangan hati Allah. Sia' gola' pocayo ko Yesus, Tuhatn inyo bokuaso pucu' kito.

Kisah Boko Rasul 20:21 ပူးပေါင်းရင်းမြစ်များ

Matius 3:2

“Koraja'an Sorugo udah dampikam! Jadi, botongga'cam kaitn bulah dosa ongko kaitn monyonangan hati Allah.”

Matius 4:17

Doi' watu nantai, Yesus mula'i momboritoan. Kato Sio, “Koraja'an Sorugo udah dampikam! Jadi, botongga'cam kaitn bulah dosa ongko monyonangan Allah.”

Markus 1:15

Kato-Nyo, “Watu inyo ditontuan Allah udah datakam. Koraja'an Allah udah dampikam. Jadi, tinggalancam boko dosa kaitn ongko pocayocam agatn Kabar Boi' ni'in!”

Markus 6:12

Jadi, koduo bolas murid Yesus botula' momboritoan obai urakng gola' moninggalan dosa sia' ongko monyonangan hati Allah.

Lukas 13:3

Pomikiran kaitn nantai kotakng kinyo bondar. Dinga'anbo aman kaitn co tongga' bulah dosa huatan co hidup monyonangan Allah, kaitn tajahan bonaso ubo sia' jam.

Lukas 13:5

Pomikiran kaitn nantai kotakng kinyo bondar. Dinga'anbo aman kaitn co botongga' bulah dosa huatan co hidup monyonangan hati Allah, kaitn tajahan bonaso ubo sia' jam.”

Lukas 15:10

Nah, porotiancam ni'in: samo sama'an nantai jam, Allah huatan boko molekat di sorugo kotakng rindakng aman siku' urakng botongga' bulah dosa lalu hidup monyonangan Allah.”

Lukas 15:7

Nah, porotiancam ni'in: samo ubo nantai jam, Allah huatan boko molekat di sorugo kotakng rindakng aman siku' urakng tongga' bulah dosa lalu hidup monyonangan Allah, daripado sombilatn puluh sombilatn urakng inyo kinyo tohu tongga' bulah dosa.”

Lukas 16:28

Aku bisi lima' urakng somadikan inyo ija' hidup di dunia. Siuh Lazarus momporingant'i sia' pakai' botongga' bulah dosa huatan hidup monyonangan hati Allah oca' nononyo lopas jadi mati, sia' co mansu' ko tompat ajab sonsaro ni'in jam.’

Lukas 24:47

Lalu agatn kuaso-Nyo tajahan diboritoan kabar obai urakng gola' tongga' bulah dosa lalu monyonangan hati Allah, ongko dosa sia' tajahan diamputi. Borito ni'in gola' disampaian, mula'i doi' kota Yerusalem lalu ko somuo banso bukai di dunia.

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

Yohanes 3:36

Boko urakng inyo pocayo ko Ana' Allah, mondapat'an kohidupan somanah-manahnyo. Apo boko urakng inyo kinyo monaati Ana' Allah, co mondapat'an kohidupan nantai. Sia' ija' kona' hukupan doi' Allah.”

Kisah Boko Rasul 10:43

Pado joman komai, boko nabi jam momadahan mongona'i Sio obai sia' monulis mongona'i Sio, ia'an Rajo Inyo Dijanjian Allah. Sia' monulis obai Sio ado kuaso pakai' moamputi boko dosa somuo urakng inyo pocayo agatn Sio.”

Kisah Boko Rasul 11:18

Niannam inyo dikisahan Petrus di Yerusalem ko boko urakng Yahudi inyo pocayo. Jadi, sia' tongga'am monyalahan Petrus. Sobali'nyo, sia' momuji Allah. Kato sia', “Wah! Ruponyo, Allah monorima' urakng bukainyo Yahudi jam. Allah udah moonji'i kosompatan ko sia' pakai' sia' botongga' bulah dosa ongko monuruti Sio. Agatn caro nantai, sia' jam ulih mondapat'an hidup inyo somanah-manahnyo di sorugo.”

Kisah Boko Rasul 16:31

Kato sia', “Pocayocam ko Tuhatn Yesus, ongko kolai paca'an disolamant'an. Ubo nian jam soharusnyo dilabuhan ulih somuo urakng inyo tinggal di dalapm rumah kolai.”

Kisah Boko Rasul 17:30

Timpu joman komai, ado boko banso inyo kinyo mongotohu'i caro pakai' monyombah Allah. Jadi, Allah kinyo lansukng mohukupm sia' obai boko kosalahannyo. Apo ni'in Sio porintahan somuo urakng di mono-mono gola' moninggalan dosa huatan monyonangan hati Sio.

Kisah Boko Rasul 19:17

Borito mongona'i kojadian nantai didinga' somuo urakng inyo tinggal di Efesus, boi' urakng Yahudi huatan urakng Yunani. Ongko, sia' somuo monjadi gola'. Sia' momuji damo Tuhatn Yesus obai sia' sadar Sio kotakan bokuaso.

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Kisah Boko Rasul 2:40

Petrus bisi banya' pomandiran inyo bukai agi' pakai' monguat'an hati sia' huatan moingant'an sia'. Katonyo, “Allah tajahan monjatu'an hukupan ko boko urakng joman ni'in inyo jahat. Culih hala sonjumpat'an sia' oca' kaitn disolamant'an doi' hukupan nantai.”

Kisah Boko Rasul 20:23

Aku bayo tohu ni'in. Timpu aku botula' doi' kota ko kota, Roh Allah udah momadahan ko aku, nononyo aku paca'an dimansu'an ko dalapm ponjara. Aku pan paca'an moalapi ajab sonsaro.

Kisah Boko Rasul 20:24

Apo aku co poduli. Biar pan aku dibunuh, aku totap co poduli. Tuhatn Yesus udah moonji'i tugas ko aku pakai' momboritoan Kabar Boi' obai Allah udah monyatoan koboi'an-Nyo ko monsio. Aku gola' monyolosaian tugasku nantai. Nianam inyo pontikng, bukainyo hidup aku.

Kisah Boko Rasul 24:24

Boboropo ari lopas nantai, Feliks datakng agi' agatn bininyo. Bininyo bodamo Drusila. Io urakng Yahudi. Timpu sia' udah datakng, Feliks monyiuh oca' Paulus dibaba' di hadapan sia' duo. Sia' mondinga'an pomandiran Paulus. Paulus monjolasan sama'an apo io pocayo obai Yesus, Rajo Inyo Dijanjian Allah.

Kisah Boko Rasul 26:18

Kolai paca'an monulukng sia' oca' mongoroti jadi sia' co hidup dalapm kopocaya'an inyo salah, apo bobali' pocayo inyo bondar. Kolai paca'an monulukng sia' oca' mongoroti jadi sia' kinyo hidup dibabah kuaso Iblis agi', apo bobali' ongko hidup di babah kuaso Allah. Agatn ubo nian, aman sia' pocayo agatn Aku, ongko boko dosa sia' paca'an diamputi. Sia' mondapat tompat di antaro umant Allah.’ Nanam pomandiran Yesus ko Aku.

Kisah Boko Rasul 26:20

Mulonyo, aku momboritoan mongona'i Yesus ko boko urakng di Damsyik, ongko di Yerusalem, ongko di soluruh doerah propinsi Yudea. Lopas nantai, aku momboritoan mongona'i Yesus ko boko banso inyo bukainyo banso Yahudi. Aku momboritoan obai sia' gola' botongga' bulah dosa huatan hidup monyonangan hati Allah. Aku momboritoan, sia' gola' molabuhan porbuatan inyo monunju'an obai sia' memang bondar-bondar botongga' bulah dosa.

Kisah Boko Rasul 28:23

Ongko, sia' monontuan watu pakai' botomu agi' agatn Paulus. Pas ari nantai lobih banya' urakng datakng bokumpul di rumah tompat io monoluntukng. Doi' sunsukng tuntukng ko malapm Paulus monjolasan ko sia' mongona'i Koraja'an Allah. Io moingant'an sia' mongona'i boko hal inyo ditulis Musa huatan boko nabi watu joman komai. Agatn caro nantai, io bousaha moyakit'an sia' pakai' pocayo ko Yesus.

Kisah Boko Rasul 3:19

Obai nantai am, tongga'ancam kaitn bulah dosa huatan bobali' taat agatn Allah. Labuhancam nantai oca' boko dosa kaitn diamputi.

Kisah Boko Rasul 8:25

Lopas nantai, koduo rasul nantai monyampaian borito doi' Tuhatn. Sia' momboritoan mongona'i pongalapan sia' siku' bosamo Yesus. Ongko, sia' bobali' ko Yerusalem. Dalapm pojalatan pulakng, sia' momboritoan Kabar Boi' mongona'i Yesus di banya' laman bukai di doerah Samaria nantai.

Roma 1:14

Aku mooso wajib molayati somuo urakng, ia'an urakng Yunani damo urakng doi' boko banso inyo bukainyo Yunani, urakng inyo bopondidikan damo urakng inyo co bopondidikan.

Roma 1:16

Aku co malu momboritoan Kabar Boi' nantai obai Kabar Boi' ia'an kuaso Allah pakai' monyolamant'an somuo urakng inyo pocayo, potamo-tamo urakng Yahudi, apo jam urakng bukainyo Yahudi.

Roma 10:9

Obai, aman kolai mongaku' agatn mulut obai “Yesus nam Tuhatn” inyo bokuaso ongko pocayo dalapm hati kolai obai Allah mombulah Sio hidup agi' doi' komatian, jadi kolai tajahan disolamant'an.

Roma 2:4

Allah kotakan boi' huatan sabar ko kaitn. Sio kinyo lansukng mohukupm kaitn. Jangan moanggap koboi'an-Nyo nantai kinyo borogo? Kaitn gola' mongoroti obai Allah monunju'an koboi'an-Nyo ko kaitn obai Sio honda' oca' kaitn moninggalan boko dosa kaitn.

Roma 4:24

Pomandiran nantai ditulis pakai' kito jam. Obai, kito pan monjadi bondar di hadapan Allah obai kito pocayo ko Sio. Kito pocayo Sio inyo mombulah Yesus, Tuhatn kito, bobali' hidup agi' doi' komatian.

Roma 5:1

Watu ni'in, kito udah monjadi bondar obai kito pocayo ko Yesus. Jadi, kito ado damai agatn Allah. Nantai tojadi obai apo inyo Tuhatn Yesus Kristus labuhan pakai' kito.

1 Korintus 1:22

Banya' urakng Yahudi bayo honda' moniant mujisat. Banya' urakng Yunani bayo bogoyap kopintar-corodi'an monsio.

2 Korintus 7:10

Obai, aman urakng mooso salu' agatn caro inyo Allah kohonda'i, akibatnyo urakng nian moninggalan dosanyo. Jadi, urakng nian disolamant'an. Jadi, io co monyosal obai porasa'an salu' nantai. Apo, aman salu' nantai boasal doi' dunia, moakibat'an komatian.

Galatia 2:16

Sokomai koi bopikir sama'an nantai jam. Apo ni'in koi udah mongotohu'i obai co nyiant urakng dipohitukan bondar di hadapan Allah obai sia' monaati Hukupm Torat. Urakng dipohitukan bondar di hadapan Allah bayo obai sia' pocayo agatn Yesus. Nanam alasan koi udah pocayo agatn Kristus Yesus. Koi dipohitukan bondar di hadapan Allah obai koi pocayo agatn Kristus, bukainyo obai koi monaati Hukupm Torat. Hal nantai udah totulis dalapm Buku Suci, “Jadi co nyiant siku' urakng pan inyo dipohitukan bondar dihadapan Allah” agatn caro monaati Hukupm Torat.

Galatia 2:20

Obai aku kinyo hidup agi' agatn caro sama'an komai. Ni'in, Kristus monontuan caro hidupku. Aku hidup di dunia ni'in agatn caro boharu obai aku pocayo ko Sio. Sio nantai Ana' Allah inyo kotakan mongasihi aku. Sio monyorahan diri-Nyo sampai mati sobagai kurbatn inyo monggonti'i aku.

Galatia 3:22

Apo di dalapm Buku Suci totulis obai somuo urakng di dunia dikuaso'i dosa. Agatn ubo nian, la'apo inyo Allah janjian molalu'i kopocaya'an ko Yesus Kristus nantai, Sio onju' ko boko urakng inyo pocayo.

Efesus 1:15

Obai nantai, doi' mulo aku mondinga' obai kaitn pocayo ko Tuhatn Yesus ongko kaitn mongasihi somuo umant husus umputn Allah,

Kolose 2:5

Biar pan aku co nyiant bosamo agatn kaitn, apo hatiku ado di antaro kaitn. Aku sonang mondinga' obai kaitn hidup agatn toatur huatan kuat pocayo ko Kristus.

Filemon 1:5

Aku bosukur obai aku mondinga' obai kolai bondar-bondar pocayo ko Tuhatn Yesus huatan kolai pan mongasihi somuo urakng inyo husus umputn Allah.

1 Yohanes 5:1

Urakng inyo pocayo obai Yesus nam Kristus, Rajo Inyo Dijanjian Allah, urakng nantai am ana' Allah. Urakng inyo mongasihi Allah Bopai, mongasihi poana'an Allah jam.

1 Yohanes 5:5

Sopo pan inyo ulih mongalahan dunia? Ongkah urakng inyo pocayo am obai Yesus nam Ana' Allah.