Kisah Boko Rasul 20:19 - Porjanjian Boharu Torjomahan Baso Dilakng Soari-ari

¹⁹ Aku molayati Tuhatn agatn rondah hati. Dalapm polayatan nantai, opat aku sampai monangis. Aku moalapi banya' ajab sonsaro obai urakng Yahudi inyo kinyo pocayo agatn Yesus opat bulah kojahatan ko aku.

Kisah Boko Rasul 20:19 ပူးပေါင်းရင်းမြစ်များ

Lukas 19:41

Yesus mongkitn dampikng agatn kota Yerusalem. Watu Sio moniant kota nantai, Sio salu' bondar obai boko urakng di su'utn.

Yohanes 12:26

Aman ado urakng inyo honda' molayati-Ku, io gola' tuyut-Ku. Io paca'an ado di tompat inyo samo agatn Aku. Allah Bopai paca'an mohormati sotiap urakng inyo molayati-Ku.

Kisah Boko Rasul 17:13

Apo boko urakng Yahudi di Tesalonika mondinga' mongona'i Paulus di Berea. Sia' mondinga' obai Paulus tongahan monyampaian borito doi' Allah mongona'i Yesus di kota nantai jam. Jadi, sia' pan botula' ko su'utn huatan monjahai'an Paulus.

Kisah Boko Rasul 17:5

Apo ado boko urakng Yahudi bukainyo monjadi tungian obai banya' doi' sia' bopihak ko Paulus agatn Silas daripado ko sia'. Jadi, sia' mongumpulan boko golandakan jahat inyo co bogota'-bokorojo di pasar. Bosamo gorombolan nantai, sia' bulah korusuhan bosar di kota nantai. Sia' monggoyapi Paulus agatn Silas oca' boko urakng molawatn sia' duo nantai. Jadi, sia' monyorakng rumah Yason, obai Paulus agatn Silas bujakan di rumahnyo.

Kisah Boko Rasul 20:3

Io monotap di su'utn somanah tigo bulatn. Lopas nantai, io bososiap pakai' bolayar ko propinsi Siria. Apo io mondinga' ado boko urakng Yahudi tongahan bohajat pakai' mombunuh io dalapm pojalatan nantai. Obai nantai, io momutusan pakai' bobali' ko Yerusalem molalu'i Makedonia.

Kisah Boko Rasul 20:31

Obai nantai, bojago-jagocam! Ingantcam somanah tigo tohutn, siakng ongko malapm aku co botongga' mongajar kaitn masikng-masikng. Aku monosihat'i kaitn agatn banya' ara'i mato oca' kaitn totap pocayo agatn Yesus.

Kisah Boko Rasul 21:27

Watu tujuh ari nantai hampir habisam, Paulus ado di tongahlamanan Rumah Allah. Ado boboropo urakng Yahudi doi' propinsi Asia moniant Paulus di santai. Obai nantai sia' mohadu urakng banya' pakai' monangkap Paulus

Kisah Boko Rasul 27:23

Aku bopandir ubo nantai obai malapm mantai ado molekat datakng ko aku. Molekat nantai diutus Allahku, Allah inyo aku sombah, Allah inyo aku layati. Molekat doi' Allah nantai bodiritn di sopia' aku.

Roma 1:1

Surat ni'in doi' aku, Paulus, urakng inyo molayati Kristus Yesus. Aku ditingkau pakai' monjadi rasul, huatan dihususan pakai' momboritoan Kabar Boi' doi' Allah.

Roma 1:9

Allah ia'an sasiku obai aku hala moingant kaitn dalapm doaku. Sionam Allah inyo aku layati agatn soponuh hati pakai' momboritoan Kabar Boi' mongona'i Ana'-Nyo.

Roma 12:11

Jangan losa' apo gola' hala bosomangant bokorojo molayati Tuhatn.

2 Korintus 2:4

Memang aku monulis surat nantai agatn hati inyo hancur ongko podih, ongko pan banya' moncucuran ara'i mato. Apo aku co honda' bulah kaitn monjadi salu'. Kohonda'ku oca' kaitn tohu kotakan bosar kasihku ko kaitn somuo.

2 Korintus 3:5

Aku co bomasud obai koi ado komampuan siku' inyo bulah koi sanggup molabuhan polayatan ni'in. Apo, koi sanggup obai kuaso Allah.

2 Korintus 7:5

Pas watu koi datakng di propinsi Makedonia, koi co sampat torahat. Koi mohadapi pondorita'an di mono-mono. Di luar ado urakng inyo molawatn koi. Di dalapm hati koi ado jam kokuatiran.

Galatia 1:10

Agatn pomandiran nantai, udah jolas aku kinyo bousaha monyonangan monsio. Aku bayo bousaha monyonangan hati Allah mo! Soandainyo aku bousaha monyonangan monsio, nantai paca'an bulah aku co agi' monjadi hulutn umputn Rajo Inyo Dijanjian Allah.

Efesus 6:7

Labuhan somuo pokoroja'an kaitn agatn sonang hati, ubo kaitn bokorojo pakai' Tuhatn, bukainyo bayo monsio.

Filipi 3:18

Obai, ado banya' urakng inyo hidupnyo morusa' roti komatian Kristus di kayu salib. Aku udah opat am momadahi kaitn mongona'i nantai. Watu ni'in aku kapikng monangis, momadahi kaitn mongona'i nantai agi'.

Kolose 3:24

Ingantcam! Kaitn paca'an monorima' borokat doi' Tuhatn. Sobondarnyo, kaitn molayati Kristus. Sio nantai Tuhatn kaitn.

1 Tesalonika 1:9

Obai sia' inyo lobih doholu mongisahan ko koi mongona'i kaitn. Sia' udah tohu caro kaitn monorima' koi. Sia' mongisahan obai kaitn udah tongga'am monyombah boko duato ongko mula'i monyombah Allah. Ongko, kaitn molayati bayo ko Allah inyo hidup, Allah inyo bondar.

2 Timotius 1:4

Aku togonangan tangis kolai watu kito bopisah komai. Jadi, aku kotakng rindu honda' botomu kolai agi' oca' hatiku rindakng.

Yakobus 1:2

Boko somadikan, watu kaitn mohadapi bomacapm poncoba'an, kaitn pan gola' mooso sonang-nyaman.

1 Petrus 1:6

Sonangcam agatn hal nantai, biar pan somontaro watu ni'inan kaitn gola' monjadi salu' obai bomacapm-macapm poncoba'an.

2 Petrus 1:1

Surat ni'in doi' ku, Simon Petrus, urakng inyo molayati Yesus Kristus. Aku pan diutus sobagai rasul-Nyo. Surat ni'in ko boko urakng inyo pocayo ko Yesus Kristus samo sama'an koi. Sio udah moonji'i kito kosompatan nantai obai Sio hala molabuhan inyo bondar. Sio nam Allah ongko Ponyolamant kito.

Wahyu 7:15

Nantai sobabnyo sia' bodiritn di pohadapan tahta Allah, hala molayati Sio siakng-malapm di Rumah Allah. Sio inyo dudu' di tahta nantai paca'an monyoroto'i ongko molinduki sia'.