Kisah Boko Rasul 20:1 - Porjanjian Boharu Torjomahan Baso Dilakng Soari-ari

¹ Lopas boko urakng di kota Efesus langunt am, Paulus mongumpulan boko urakng pocayo. Io monulukng oca' sia' pocayo ko Yesus agatn lobih yakitn, ongko bopadah pulakng. Lopas nantai, io botula' ko propinsi Makedonia.

Kisah Boko Rasul 20:1 ပူးပေါင်းရင်းမြစ်များ

2 Korintus 7:5

Pas watu koi datakng di propinsi Makedonia, koi co sampat torahat. Koi mohadapi pondorita'an di mono-mono. Di luar ado urakng inyo molawatn koi. Di dalapm hati koi ado jam kokuatiran.

Kisah Boko Rasul 19:21

Lopas nantai, obai bimbikan Roh Allah Paulus bulah hajat pakai' botula' ko Yerusalem. Dalapm pojalatan ko su'utn, io honda' molalu'i propinsi Makedonia huatan Akhaya oca' io ulih mondataki boko urakng pocayo di su'utn. Io pan honda' ko kota Roma. Katonyo, “Lopas jadi aku botula' ko Yerusalem, aku gola' mondataki Roma.”

1 Timotius 1:3

Watu aku botula' ko propinsi Makedonia, aku totap minto oca' kolai totap bodiapm di kota Efesus. Aku mongohonda'i sama'an nantai pakai' kolai monosihat'i boko urakng totontu oca' sia' tongga' mongajaran boko ajaran inyo monyosat'an.

1 Tesalonika 5:26

Sampaiancam salapm inyo ponuh kasih doi' koi ko somuo urakng inyo pocayo di santai.

1 Korintus 16:20

Salapm doi' somuo urakng pocayo di si'itn. Kohonda'nyo kaitn siku'-monyiku' hala nogur-nyapo.

1 Korintus 16:5

Aku ija' honda' datakng ko kaitn apo aku ado hajat paca'an molalu'i doerah Makedonia doholu.

Roma 16:16

Onju'cam salapm inyo ponuh kasih ko inyo bukai. Salapm ko kaitn doi' somuo jomaat Kristus.

Kisah Boko Rasul 20:37

Sia' somuo monangis kapikng mongolu'i huatan monciupm-ngomomah io, sobagai tando sia' bopisah huatan sia' mongidah io.

Kisah Boko Rasul 20:10

Apo Paulus turutn, morobahan diri ko pucu' bukakng bobia' muda' nantai, ongko mongolu'inyo. Biar pan sia' tohu bobia' muda' nantai udah mati, apo Paulus bopandir ko somuo urakng di santai, “Jangan sosa', obai io ija' hidup.”

Kisah Boko Rasul 16:9

Pado malapm arinyo, Paulus ado poniant'an. Io moniant siku' urakng doi' doerah Makedonia. Urakng nantai bodiritn kapikng momuhun ko Paulus. Katonyo, “Tulukng datakng ko Makedonia pakai' monulukng koi!”

Kisah Boko Rasul 11:26

Somanah sotohutn, sia' duo tinggal di su'utn. Sia' opat bokumpul bosamo agatn boko urakng inyo pocayo Yesus di su'utn. Sia' mongajar banya' urakng mongona'i Yesus Kristus. Di Antiokhia nam, boko urakng inyo pocayo Yesus mula'i disobut ‘Kristen’ pakai' potamo kalinyo.

2 Korintus 13:12

Kohonda'nyo kaitn hala nogur-nyapo agatn ponuh kasih ko siku'-monyiku'. Salapm doi' somuo urakng husus umputn Allah di si'itan.

Kisah Boko Rasul 16:12

Doi' su'utn, koi ko kota Filipi. Kota Filipi nantai tomansu' kota inyo pontikng di doerah Makedonia. Kota nantai jajahan urakng Roma. Koi tinggal di su'utn boboropo ari.

Kisah Boko Rasul 20:2

Io mondataki boko urakng pocayo di boko doerah di propinsi nantai. Io moonji'i banya' nosihat oca' sia' pocayo ko Yesus agatn lobih yakitn. Lopas nian, io botula' ko propinsi Akhaya, inyo jam disobut tanah Yunani.

Kisah Boko Rasul 20:3

Io monotap di su'utn somanah tigo bulatn. Lopas nantai, io bososiap pakai' bolayar ko propinsi Siria. Apo io mondinga' ado boko urakng Yahudi tongahan bohajat pakai' mombunuh io dalapm pojalatan nantai. Obai nantai, io momutusan pakai' bobali' ko Yerusalem molalu'i Makedonia.

Roma 15:19

Sio pan momakai bomacapm mujisat ongko kuaso Roh Allah. Ubo nianam caronyo aku momboritoan soluruh Kabar Boi' mongona'i Kristus doi' kota Yerusalem sampai ko doerah Ilirikum.