Kisah Boko Rasul 2:45 - Porjanjian Boharu Torjomahan Baso Dilakng Soari-ari

⁴⁵ Jadi opat ado doi' antaro sia' inyo monjual kodampuan umputnnyo. Hasil doi' ponjualan nantai, sia' pombagi-bagian ko boko urakng bukai inyo momontikan bantu'an.

Kisah Boko Rasul 2:45 ပူးပေါင်းရင်းမြစ်များ

1 Yohanes 3:17

Sopo pan inyo hidupnyo dampu, huatan io pan moniant somadikannyo jaro uyuh, apo io co honda' monulukng urakng nantai, ubo apo kasih Allah ado dalapm dirinyo!

Kisah Boko Rasul 4:34

Jadi, co nyiant siku' pan inyo kokurakan obai banya' doi' sia' inyo monjual lakaunyo damo rumahnyo. Hasilnyo dibaba'

Lukas 18:22

Mondingaꞌ nantai, Yesus bopandir ko io, “Ongkah ado sobuti' agi' inyo kurakng bolupm kolai labuhan. Pulakngcam, jual somuo umputn kolai. Ongko pombagi-bagian duitnyo ko boko urakng jaro. Aman dipulah samaꞌan nian, kolai tajahan bodapat kodampuan di sorugo. Lopas jadi kolai molabuhan somuo nantai, datakng jam agi' ko Aku, pakai' jadi murid-Ku.”

2 Korintus 9:9

Samo sama'an inyo totulis di dalapm Buku Suci: “Sio rokah agatn boko urakng jaro. Sio boi' hati somanah-manahnyo.”

Kisah Boko Rasul 11:29

Lopas jadi, mondinga' posatn nantai, somuo murid Yesus di Antiokhia momutusan pakai' monulukng boko somadikan nantai inyo tinggal di doerah Yudea. Sia' mongumpulan sumbakan. Sotiap urakng moonji'i sumbakan sobanya' mungkitn, sosuai agatn pongulihan siku'-monyiku'.

Matius 19:21

Kato Yesus ko io, “Aman kolai honda' monaati Allah agatn boi', pulakngcam, jual somuo umputn kolai. Lalu pombagi-bagian duitnyo ko boko urakng jaro. Agatn ubo nian, kolai paca'an bodapat kodampuan di sorugo. Lopas kolai molabuhan somuonyo nantai, datakngcam agi' ko si'itn, lalu tuyut Aku cam”

Lukas 19:8

Lopas nian di rumahnyo, Zakheus bodiritn ongko bopandir ko Yesus, “Tuhatn, Aku bojanji moonju' sobagi'an doi' bando barakngku ko boko urakng jaro. Sotiap urakng inyo kalo aku kolakari, aku bojanji mombayar agi' ompat kali lipat!”

Lukas 16:9

Dinga'anbo ni'in: Soharusnyo kaitn momakai kodampuan di dunia ni'in pakai' monulukng urakng bukai, oca' watu kodampuan nantai kinyo boguno agi', kaitn ditorima' dalapm sorugo.

2 Korintus 9:1

Sobondarnyo, aku co pontikng monulis ko kaitn mongona'i bantu'an inyo tongahan dikiripm ko boko urakng inyo pocayo di Yerusalem.

Kisah Boko Rasul 4:35

ongko disorahan ko koduo bolas rasul. Duit nantai sia' pombagian ko urakng inyo momontikannyo.