Kisah Boko Rasul 2:4 - Porjanjian Boharu Torjomahan Baso Dilakng Soari-ari

⁴ Roh Allah moisi'i somuo sia', ongko bulah sia' masikng-masikng bopandir pakai boko baso inyo bukai mombuka'i doi' baso sia' siku'.

Kisah Boko Rasul 2:4 ပူးပေါင်းရင်းမြစ်များ

Matius 10:19

Timpu kaitn ditangkap, jangan gola' mongona'i pomandiran inyo paca'an kaitn pandiran pakai' mombela diri. Jangan gola' jam mongona'i caronyo kaitn gola' monyampaian pomandiran nantai. Obai watu nantai, Allah siku' paca'an moonji'i ko kaitn pomandiran.

Markus 16:17

Ni'in boko tando boko urakng inyo pocayo. Sia' paca'an ulih mombulah mujisat sama'an ni'in: Sia' paca'an monundukng roh jahat dalapm damo-Ku. Sia' paca'an bopandir agatn boko baso inyo kinyo kalo sia' polajari.

Lukas 1:15

Siaꞌ rindakng obai bobia' nantai paca'an monjadi urakng pontikng di hadapan Tuhatn Allah. Io co ulih minum anggur damo mominum tua' samo sokali. Kuaso Roh Allah paca'an hala momonuhi io ija' tangga'i dalapm porut indainyo.

Lukas 1:41

Timpu Elizabet mondingaꞌ salapm nantai, ana' inyo di dalapm porut Elizabet morunjakng. Roh Allah momonuhi Elizabet.

Lukas 1:67

Lopas nantai, Roh Allah momonuhi Zakharia, Bopai bobia' nantai. Obai nianam, Zakharia monyampaian posatn Allah mongonaꞌi la'apo inyo tajahan tojadi.

Lukas 12:12

Obai timpu nian jam, Roh Allah paca'an momadahi la'apo inyo gola' kaitn pandiran.”

Lukas 21:15

Obai Aku siku' tajahan moonji'i ko kaitn komampuan pakai' mongatoan pomandiran inyo topat, sampai boko musuh kaitn kinyo paca'an ulih monontakng ongko monikaki kaitn.

Lukas 4:1

Yesus moninggalan sungai Yordan tompat Sio dibaptis. Roh Allah ado di dalapm diri Sio, moirikan Sio ko padakng pasir.

Yohanes 14:26

Apo nononyo Bopai paca'an moutus Roh-Nyo ko kaitn dalapm damo-Ku. Roh Allah nantai ia'an Ponulukng. Sionam inyo paca'an momadahi somuo la'apo pan ko kaitn. Sio jam paca'an moingant'an kaitn paca'an somuo inyo Aku udah pandiran ko kaitn.

Yohanes 20:22

Lopas jadi Yesus bopandir bunyi nantai, Sio mohombusan kosih-Nyo ko sia' lalu bopandir, “Torima' cam Roh Allah!

Kisah Boko Rasul 1:5

Yohanes mombaptis urakng agatn ara'i. Apo co manah agi' Aku paca'an mombaptis kaitn agatn Roh Allah.”

Kisah Boko Rasul 1:8

Apo Roh Allah paca'an tinggal di dalapm kaitn. Watu nantai, kaitn paca'an monorima' kuaso. Kaitn paca'an momboritoan mongona'i Aku ko boko urakng bukai di kota Yerusalem huatan di sotiap doerah Yudea. Kaitn paca'an momboritoan mongona'i Aku jam di sotiap doerah Samaria. Kaitn paca'an momboritoan mongona'i Aku sampai ko boko tompat inyo palikng jouh di soluruh dunia.”

Kisah Boko Rasul 10:46

Sia' tohu Roh Allah ado di boko urakng nantai obai sia' tongahan bopandir momakai boko baso bukai. Sia' pan momuji Allah. Jadi, Petrus bopandir ko boko urakng Yahudi inyo tuyut io tontai. Katonyo,

Kisah Boko Rasul 10:47

“Sia' ni'in udah monorima' Roh Allah, samo sama'an kito jam. Jadi, pasti co nyiant alasan agi' urakng inyo morarakng sia' dibaptis agatn ara'i jam!”

Kisah Boko Rasul 11:15

Jadi, aku mula'i monyampaian Kabar Boi' ko sia' somuo. Watu nantai jam, sopongirap Roh Allah turutn momonuhi sia' somuo. Roh Allah ado bosamo sia', samo sama'an inyo kito alapi komai.

Kisah Boko Rasul 11:24

Nah, Barnabas nantai urakng inyo boi' hati. Io hala disoroto'i kuaso Roh Allah. Io kotakan pocayo agatn Yesus. Jadi, lopas polayatan Barnabas, banya' agi' urakng inyo monjadi pocayo ko Tuhatn Yesus.

Kisah Boko Rasul 13:52

Boko urakng inyo hoyu' pocayo agatn Yesus di Antiokhia totap hidup agatn rindakng-rigah. Roh Allah monguaso'i somuo sia'.

Kisah Boko Rasul 13:9

Apo Roh Allah ado monguaso'i Saulus inyo jam disobut Paulus. Io moncorona'i Elimas.

Kisah Boko Rasul 15:8

Allah mongotohu'i isi hati sotiap urakng. Allah co monyoropihi antaro kito urakng Yahudi agatn sia' inyo bukainyo urakng Yahudi. Sia' pocayo ko Yesus. Agatn caro nantai, Allah bulah hati sia' borosih ubo nian jam hati kito diborosihi. Komainyo Allah moonji'i Roh-Nyo ko kito. Allah pan udah moonji'i Roh-Nyo ko boko urakng inyo bukainyo urakng Yahudi inyo pocayo agatn Yesus. Nanam caronyo Allah monunju'an obai Sio monorima' sia', co nyiant caro bukai.

Kisah Boko Rasul 19:6

Ongko, Paulus molota'an jarinyo ko pucu' sia'. Roh Allah turutn ko pucu' sia'. Sia' mula'i bopandir dalapm bomacapm baso inyo dionji'i Roh Allah. Momadahan boko posatn-pontal doi' Allah.

Kisah Boko Rasul 2:11

doi' pulau Kreta, huatan boko urakng Arab. Kito inyo bokumpul kinyo bayo urakng Yahudi asli, apo urakng doi' banso bukai jam inyo udah mansu' agama Yahudi. Jadi aneh bondar, boko murid Yesus ulih bopandir pakai baso kito ni'in! Sia' bopandir mongona'i boko hal luar biaso inyo dilabuhan Allah.”

Kisah Boko Rasul 2:3

Lopas nian sia' moniant sosuatu inyo kotiat'annyo sama'an boko lidah ubo lidah api. Ongko moroit huatan ninggur ko sia' masikng-masikng.

Kisah Boko Rasul 4:31

Lopas jadi bodoa, tompat sia' bokumpul nantai boguyakng. Roh Allah monguaso'i sia' somuo, jadi sia' mongkitn borani momboritoan pomandiran Allah.

Kisah Boko Rasul 4:8

Lopas nian, Roh Allah monguaso'i Petrus. Kato io, “Boko Totuho pomimpitn banso huatan agama.

Kisah Boko Rasul 6:3

Jadi boko somadikan, pilihcam tujuh urakng doi' antaro kaitn. Kotujuh urakng nantai gola' dikonal sobagai urakng inyo pintar-corodi' agatn boi' hati. Roh Allah gola' ado pado sia' nantai jam. Koi paca'an monyorahan polayatan ni'in ko sia'. Sia' nanam inyo mombagian pomakatn sotiap arinyo.

Kisah Boko Rasul 6:5

Somuo urakng inyo hadir sotuju agatn usulan nantai. Sia' momilih Stefanus. (Io kotakan pocayo agatn Yesus. Roh Allah monguaso'i Stefanus jam). Sia' nantai jam momilih Filipus, Prokhorus, Nikanor, Timon, Parmenas, ongko Nikolaus. (Io doi' Antiokhia. Io bukainyo urakng Yahudi asli apo kalo tuyut agama Yahudi sobolupm io pocayo agatn Yesus.)

Kisah Boko Rasul 6:8

Nah, Stefanus, doi' kotujuh urakng inyo disiuh tontai, io dionji'i borokat agatn kuaso doi' Allah. Io ulih molabuhan boko mujisat dipohadapan boko urakng banya'.

Kisah Boko Rasul 7:55

Apo watu nantai Roh Allah ado pado Stefanus. Io monongadah ko langit, moniant cohayo doi' Allah. Io moniant Yesus tongahan bodiritn di tompat inyo palikng tohormat, ia'an di sopia' kanan Allah.

Kisah Boko Rasul 8:17

Jadi Petrus ongko Yohanes molota'an jarinyo ko pucu' sia'. Watu nantai, hoyu' sia' monorima' Roh Allah.

Kisah Boko Rasul 9:17

Jadi, Ananias botula' ko rumah Yudas nantai. Sopondatakngnyo di rumah Yudas, io mansu' ongko monomu'i Saulus. Io molota'an jarinyo ko Saulus kapikng bopandir, “Saulus, Somadikanku, Tuhatn Yesus moutus aku ko kolai. Sio niannam inyo kolai tiat dalapm pojalatan kolai ko si'itn. Sio moutus aku oca' kolai ulih moniant agi' huatan oca' kolai diponuhi Roh Allah.”

Roma 15:13

Boko somadikan! Allah inyo moonji'i harapan ko kito. Aku bodoa obai kaitn pocayo ko Kristus, jadi Allah tajahan bulah kaitn kotakan sonang-nyamanam ongko hidup agatn sonang-asau. Aku bodoa pakai' nantai oca' kuaso Roh Allah bulah kaitn mongkitn boharap ko Sio.

1 Korintus 12:10

Ko urakng bukainyo agi', Roh Allah moonji'i komampuan pakai' bulah mujisat. Ko urakng bukainyo agi', Roh Allah moonji'i komampuan pakai' monyampaian boko posatn-pontal doi' Allah. Ko urakng bukainyo agi', Roh Allah moonji'i komampuan pakai' monyongkayoan bomacapm-macapm roh. Ko urakng bukainyo agi', Roh Allah moonji'i komampuan pakai' bopandir dalapm baso roh. Ko urakng bukainyo agi', Roh Allah moonji'i komampuan pakai' monjolasan roti doi' pomandiran dalapm boko baso roh nantai.

1 Korintus 13:1

Sokironyo aku ulih bopandir dalapm bomacapm baso monsio damo boko baso molekat, apo aman aku co mongasihi urakng bukai, boroti komampuanku nantai kinyo boguno. Aku samo sama'an totawak inyo sombarakan ditombuh damo lonceng inyo bayo bulah tingal kolindakan mo.

1 Korintus 13:8

Kasih kinyo paca'an kalo botongga'. Apo nononyo, komampuan husus pakai' monyampaian posatn doi' Allah paca'an botongga'. Komampuan husus pakai' bopandir dalapm baso roh paca'an botongga'. Komampuan husus pakai' mongotohu'i boko hal doi' Roh Allah paca'an botongga'.

1 Korintus 14:18

Aku bosukur ko Allah obai aku bopandir pakai baso roh lobih boi' daripado somuo kaitn.

1 Korintus 14:5

Aku sonang aman kaitn somuo ulih bopandir pakai boko baso roh nantai. Apo lobih boi' agi' aman kaitn ulih monyampaian posatn-pontal doi' Allah. Obai, urakng inyo monyampaian posatn-pontal doi' Allah lobih boguno daripado bopandir pakai baso roh. Apo aman ado inyo monjolasan roti doi' pomandiran boko baso roh nantai, hoyu' pomandiran nantai boguno pakai' monguat'an urakng bukai inyo pocayo.

Efesus 3:19

Kasih-Nyo kotakng bosar sampai kinyo ado urakng inyo ulih momahami somuonyo. Apo aku totap bodoa oca' kaitn ulih mongonal kasih nantai. Agatn sama'an nantai, hati huatan pikiran kaitn paca'an monjadi mongkitn bisi agatn somuo hal inyo ado di dalapm diri Allah.

Efesus 5:18

Jangan kaitn mabu' obai anggur, obai urakng mabu' kinyo ulih monahan kohonda' bukakng-tubuhnyo. Apo kaitn gola' moikuti Roh Allah,

Efesus 6:18

Kaitn gola' hala waspada oca' sotiap watu kaitn ulih bodoa agatn dibimbikng Roh Allah. Pakaicam somuo macapm doa huatan pomuhunan ko Allah. Jangan botongga' bodoa pakai' somuo urakng inyo pocayo.

1 Petrus 1:12

Allah momadahannyo ko sia' obai polayatan sia' nantai bukainyo pakai' sia' siku', apo pakai' kaitn. Ia'an, watu ni'in Kabar Boi' mongona'i kosolamant'an nantai udah diboritoan ko kaitn. Nantai tojadi obai Roh Allah inyo diutus doi' sorugo monyoroto'i boko urakng nantai pakai' momboritoan Kabar Boi' nantai. Boko molekat pan honda' mongotohu'i mongona'i Kabar Kosolamant'an nantai.

2 Petrus 1:21

Obai, boko nabi co kalo monyampaian pomandiran obai kohonda' sia'. Sia' monyampaian Pomandiran Allah obai Roh Allah ado di dalapm diri sia'.