Kisah Boko Rasul 2:37 - Porjanjian Boharu Torjomahan Baso Dilakng Soari-ari

³⁷ Timpu urakng banya' mondinga' hal nantai, hati sia' sangant monyosal. Sia' botakutn ko Petrus ongko boko rasul bukai, “Boko somadikan, la'apo inyo gola' koi labuhan?”

Kisah Boko Rasul 2:37 ပူးပေါင်းရင်းမြစ်များ

Lukas 3:10

Ongko urakng banya' nantai botakutn ko Yohanes, “La'apo inyo gola' koi labuhan pakai' monunju'an obai koi udah botongga' bulah dosa?”

Lukas 3:12

Boko potugas ponagih pajak pomorintahan Romawi pan datakng ko Yohanes oca' sia' dibaptis. Sia' botakutn, “Guru, la'apo inyo gola' koi labuhan?”

Lukas 3:14

Ado jam projurit inyo botakutn, “Niant apo agatn koi? La'apo inyo gola' koi labuhan?” Yohanes monimbas, “Jangan momoso minto duit ko urakng bukai. Jangan bulah boko tuduhan inyo kinyo bondar, oca' mondapat kountukan diri siku'. Jadi cukupancam diri kaitn agatn upah kaitn.”

Yohanes 8:9

Lopas sia' mondinga' pomandiran Yesus nantai, sia' botula' doi' siatn nantai, siku'-monyiku', mula'i doi' inyo totuho. Ahirnyo, ija' Yesus agatn botina' nantai cam inyo tinggal di santai.

Kisah Boko Rasul 1:16

“Boko somadikanku, sobolupmnyo Yudas tomansu' dalapm kolompok koi boko rasul. Io molayati bonsamoan agatn koi. Apo io jam mombori'tohu caro oca' Yesus ulih ditangkap.” (Yudas mondapat'an duit pakai' molabuhan kojahatan nantai. Agatn duit nantai io momboli sobidakng tanah. Di pucu' tanah nantai io jatu' tokosungkapm, porutnyo tobolah sampai somuo isinyo koluar, ongko io mati. Somuo urakng di kota Yerusalem udah mondinga' mongona'i nantai. Jadi dalapm baso sia' tanah nantai disobut ‘Hakal-Dama’, rotinyo “Tanah Darah”.) Kato Petrus, “Apo, joman komai kojadian nantai udah totulis dalapm Buku Suci. Kojadian nantai tojadi sosuai agatn tulisan nantai. Joman komai Roh Allah momimpitn Rajo Daud monulis mongona'i hukupan inyo cucu' pakai' Yudas di Buku Mazmur. Bunyi ni'in tulisannyo: ‘Biaram rumah io monjadi puakng; Biaram co nyiant urakng inyo bodiapm di su'utn.’ Kato ni'in pan ditulis: ‘Biaram kodudu'an urakng nantai dikuti' ulih urakng bukai.’

Kisah Boko Rasul 22:10

Lopas nantai, aku botakutn, ‘La'apo inyo gola' aku labuhan, Tuhatn?’ Kato Tuhatn ko aku, ‘Bodiritncam ongko botula' ko kota Damsyik. Nono Aku paca'an moonji'i tugas ko kolai. Di kota Damsyik paca'an ado urakng inyo momadahan somuonyo ko kolai.’

Kisah Boko Rasul 5:33

Timpu boko pomimpitn Yahudi mondinga' nantai, oso ditujah hati sia' sampai honda' mombunuh boko rasul nantai.

Kisah Boko Rasul 7:54

Watu boko pomimpitn Yahudi mondinga' somuo nantai, sia' bokorit gigi kotakan godi.

Roma 7:9

Komainyo aku hidup kinyo bohukupm Torat. Apo, pas-udah aku tohu porintah nantai, kuaso dosa ulih bokorojo mombulah aku somongkitn molawatn Allah samo halnyo kuaso dosa nantai mula'i hidup