Kisah Boko Rasul 2:31 - Porjanjian Boharu Torjomahan Baso Dilakng Soari-ari

³¹ Jadi, watu Daud monulis ‘Allah co tajahan mombiaran Aku totap mati’ huatan ‘Allah co paca'an mombiaran bangkai-Ku monjadi buru' di pasaran’, sobondarnyo Daud monulis pomandiran Rajo Inyo Dijanjian Allah nantai. Daud udah tohu Allah paca'an bulah Rajo nantai hidup agi' doi' komatian.

Kisah Boko Rasul 2:31 ပူးပေါင်းရင်းမြစ်များ

Matius 11:23

Huatan kaitn inyo di laman Kapernaum. Jangan bopikir kaitn paca'an dihormati huatan paca'an mansu' sorugo! Kaitn paca'an dibuakan ko noraka! Obai Aku udah bulah boko mujisat di tongah-tongah kaitn. Soumpamonyo, Aku molabuhan boko mujisat di kota Sodom, pasti boko urakng di su'utn botongga' bulah dosa. Ongko, kota nantai kinyo gola' dihancuran sama'an inyo udah tojadi timpu joman komai. Soumpamonyo ubo nian, kota nantai tontu ija' bodiritn sampai ari ni'in.

Kisah Boko Rasul 13:35

Di buku Mazmur bukai, Daud monulis, ‘Duatn co paca'an mombiaran utusan Duatn inyo Suci sampai momburu' di pasaran obai Aku hala taat huatan sotia agatn Duatn.’

Kisah Boko Rasul 2:27

Aku mooso logo obai Duatn co paca'an mombiaran Aku totap mati. Duatn co paca'an mombiaran utusan Duatn inyo Suci sampai momburu' di pasaran obai Aku hala taat huatan sotia agatn Duatn.

1 Korintus 15:4

Lalu Sio dipasaram. Apo watu ari kotigo Sio dihidupan agi', sosuai agatn inyo tulisan di Buku Suci.

Galatia 3:8

Doi' komai, Allah ado hajat pakai' urakng bukainyo Yahudi. Aman sia' pocayo, jadi sia' dianggap bondar di hadapan Allah. Allah momboritoan Kabar Boi' nantai ko Abrahapm jouh-jouh ari sobolupmnyo. Kabar Boi' nantai totulis dalapm Buku Suci:, “Somuo banso paca'an diborokati molalu'i kolai.”