Kisah Boko Rasul 2:27 - Porjanjian Boharu Torjomahan Baso Dilakng Soari-ari

²⁷ Aku mooso logo obai Duatn co paca'an mombiaran Aku totap mati. Duatn co paca'an mombiaran utusan Duatn inyo Suci sampai momburu' di pasaran obai Aku hala taat huatan sotia agatn Duatn.

Kisah Boko Rasul 2:27 ပူးပေါင်းရင်းမြစ်များ

Kisah Boko Rasul 2:31

Jadi, watu Daud monulis ‘Allah co tajahan mombiaran Aku totap mati’ huatan ‘Allah co paca'an mombiaran bangkai-Ku monjadi buru' di pasaran’, sobondarnyo Daud monulis pomandiran Rajo Inyo Dijanjian Allah nantai. Daud udah tohu Allah paca'an bulah Rajo nantai hidup agi' doi' komatian.

Wahyu 1:18

Aku ninam inyo Hidup. Aku udah mati, apo porotiancam, Aku hidup pakai' somanah-manahnyo. Aku monjujut kunci huatan bokuaso tohadap komatian ongko dunia urakng mati

Wahyu 20:13

Lalu lout monyorahan boko urakng mati inyo ado di dalapmnyo pakai' dihakipi. Ubo nian jam Maut ongko Koraja'an Maut monyorahan boko urakng mati inyo ado di dalapmnyo. Somuo sia' dihakipi sosuai agatn porbuatan sia' siku'-monyiku'.

1 Korintus 15:55

“Hai komatian, di mono komonangan kolai? Hai komatian, di mono kuaso kolai?”

Yohanes 11:39

Kato Yesus, “Pindahan batu nantai.” Apo, Marta, somadikan urakng inyo mati nantai, io monimbas, “Tuhatn, Lazarus udah mati somanah ompat ari. Pasti udah bou buru'am!”

Wahyu 3:7

“Tuliscam pandir ni'in ko molekat inyo monjago jomaat di Filadelfia: Pomandiran ni'in doi' Sio, Inyo Kudus, Inyo Bondar, inyo monjujut kunci Rajo Daud, ia'an kunci pakai' mansu' Koraja'an Allah. Aman Sio mombuka' lawakngnyo, conyiant ado siku' urakng pan inyo ulih monutupnyo. Aman Sio monutup lawakngnyo, conyiant ado siku' urakng pan inyo ulih mombuka'nyo.

1 Yohanes 2:20

Apo kaitn udah monorima' Roh Allah doi' Sio Inyo Kudus. Nantai obainyo kaitn somuo mongotohu'i inyo bondar.

Lukas 4:34

“Ih! Yesus urakng Nazaret, jangan Duatn mongoncaci' koi. Koi tohu Duatn inyo Suci doi' Allah! Duatn datakng pakai' mombonasoan koi?”

Lukas 1:35

Timbas Molekat nantai ko Maria: “Roh Allah tajahan datakng ko kolai. Kuaso Allah molinduki kolai. Obai nian, Ana' inyo kolai lahiran nantai disobut Kudus, Ana' Allah.

Markus 1:24

“Ih! Yesus, urakng doi' laman Nazaret, Duatn honda' bulah lapo agatn koi? Aku tohu Duatn Inyo Suci doi' Allah! Kata'an Duatn datakng pakai' mombonasoan koi ni'in bai?”

Matius 11:23

Huatan kaitn inyo di laman Kapernaum. Jangan bopikir kaitn paca'an dihormati huatan paca'an mansu' sorugo! Kaitn paca'an dibuakan ko noraka! Obai Aku udah bulah boko mujisat di tongah-tongah kaitn. Soumpamonyo, Aku molabuhan boko mujisat di kota Sodom, pasti boko urakng di su'utn botongga' bulah dosa. Ongko, kota nantai kinyo gola' dihancuran sama'an inyo udah tojadi timpu joman komai. Soumpamonyo ubo nian, kota nantai tontu ija' bodiritn sampai ari ni'in.

Kisah Boko Rasul 4:27

Oh, Tuhatn! Tulisan Rajo Daud nantai udah monjadi nyata. Di kota Yerusalem ni'in Gubernur Herodes, Gubernur Pontius Pilatus, boko urakng bukai Yahudi bosamo agatn boko urakng Yahudi udah bogabukng molawatn Yesus. Sio nantai Hulutn Duatn inyo kinyo bodosa, ia'an Rajo Inyo Duatn janjian.

Lukas 16:23

Urakng dampu nantai mansu' ko noraka. Io kotakng ajab sonsaro. Io monongadah ko pucu', moniant Abrahapm doi' jouh. Io pan moniant Lazarus di totai Abrahapm.

Lukas 24:44

Lopas nantai Sio bopandir ko sia', “Watu Aku ija' sosamo agatn kaitn komai, Aku udah momadahan ko kaitn obai somuo inyo totulis mongonaꞌi Aku gola' tojadi, doi' inyo totulis dalapm boko buku Musa, buku boko Nabi, sampai buku Mazmur.”

Kisah Boko Rasul 2:26

Obai nantai, hati-Ku rindakng, mulut-Ku momuji Duatn, malahan bukakng-tubuh-Ku pan mooso logo hidup boharap ko Duatn.

Kisah Boko Rasul 2:28

Duatn udah mombori'tohu ko Aku obai Aku paca'an hidup agi' doi' komatian. Aku paca'an hala rindakng obai Aku dapat hidup bosamo agatn Duatn.’