Kisah Boko Rasul 2:24 - Porjanjian Boharu Torjomahan Baso Dilakng Soari-ari

²⁴ Jadi, co mungkitn Yesus ija' totap mati. Obai nantaiam, Allah udah bulah Sio bobali' hidup huatan mombebasan Sio doi' ajab sonsaro komatian.

Kisah Boko Rasul 2:24 ပူးပေါင်းရင်းမြစ်များ

Matius 27:63

Kato sia', “Habakng, koi ingant watu Yesus ponipu nantai ija' hidup, Sio kalo bopandir, ‘Lopas tigo ari, Aku paca'an hidup agi'.’

Yohanes 10:18

Conyiant siku' urakng pan inyo ulih mombunuhKu. Apo Aku monyorahan hidup-Ku monurut kohonda'-Ku siku'. Aku ado kuaso pakai' moijitan urakng mombunuh-Ku. Aku pan ado kuaso pakai' hidup agi'. Nianam porintah inyo Aku torima' doi' Bopai-Ku.”

Yohanes 10:35

Kito tohu obai la'apo inyo totulis dalapm Buku Suci nantai culih dibalakan. Jadi, aman sia' inyo monorima' pomandiran Allah nantai disobut boko allah,

Yohanes 12:39

Obai nantai, sia' co pocayo. Obai, Yesaya pan udah bopandir dinga' ni'in:

Yohanes 20:9

(Obai somanah nantai, sia' bolupm mongoroti pomandiran inyo totulis dalapm Buku Suci obai Sio gola' hidup agi' doi' komatian.)

Kisah Boko Rasul 1:16

“Boko somadikanku, sobolupmnyo Yudas tomansu' dalapm kolompok koi boko rasul. Io molayati bonsamoan agatn koi. Apo io jam mombori'tohu caro oca' Yesus ulih ditangkap.” (Yudas mondapat'an duit pakai' molabuhan kojahatan nantai. Agatn duit nantai io momboli sobidakng tanah. Di pucu' tanah nantai io jatu' tokosungkapm, porutnyo tobolah sampai somuo isinyo koluar, ongko io mati. Somuo urakng di kota Yerusalem udah mondinga' mongona'i nantai. Jadi dalapm baso sia' tanah nantai disobut ‘Hakal-Dama’, rotinyo “Tanah Darah”.) Kato Petrus, “Apo, joman komai kojadian nantai udah totulis dalapm Buku Suci. Kojadian nantai tojadi sosuai agatn tulisan nantai. Joman komai Roh Allah momimpitn Rajo Daud monulis mongona'i hukupan inyo cucu' pakai' Yudas di Buku Mazmur. Bunyi ni'in tulisannyo: ‘Biaram rumah io monjadi puakng; Biaram co nyiant urakng inyo bodiapm di su'utn.’ Kato ni'in pan ditulis: ‘Biaram kodudu'an urakng nantai dikuti' ulih urakng bukai.’

Kisah Boko Rasul 13:30

Apo Allah bulah Sio hidup agi' doi' komatian.

Kisah Boko Rasul 13:37

Apo bangkai Yesus kinyo monjadi buru' di pasaran. Allah bulah Sio hidup agi'. Sama'an inyo totulis nantai.

Kisah Boko Rasul 17:31

Kito gola' moninggalan dosa obai Allah paca'an mohakipi somuo urakng agatn adil. Sio udah monontuan sombilo ponghakipan nantai paca'an tojadi. Sio jam udah momilih siku' Urakng pakai' monjadi Hakipm. Allah mombutian somuo nantai agatn caro mombulah Urakng nantai bobali' hidup doi' komatian.”

Kisah Boko Rasul 2:32

Boko somadikan, Yesus nanam Rajo nantai! Lopas Yesus mati, Allah bulah Sio hidup agi' doi' komatian. Koi somuo udah moniant Sio. Koi moniant agatn mato kopala' koi siku'.

Kisah Boko Rasul 3:26

Apo Allah moutus Yesus pakai' monjadi Hulutn-Nyo ko kito banso Yahudi tolobih doholu. Allah udah bulah Sio hidup agi' doi' komatian oca' kito diborokati. Ninam caronyo Allah momborokati kito, ia'an agatn monulukng kito oca' kito masikng-masikng botongga' bulah dosa ongko monaati Sio.”

Kisah Boko Rasul 4:10

Jadi oca' kaitn somuo tohu. Somuo urakng banso kito Yahudi gola' tohu jam! Urakng ni'in bodiritn sehat di hadapan kaitn sokarakng obai io nyamanam agatn kuaso Yesus Kristus doi' Nazaret. Kaitn udah monula' Sio sampai Sio dihukupm mati di kayu salib. Apo Allah udah bulah Sio hidup agi' doi' komatian.

Kisah Boko Rasul 5:30

Kaitn udah monula' Yesus huatan mohukupm mati Sio di kayu salib sama'an urakng jahat. Apo Allah inyo disombah angki-bayatn kito udah bulah Sio hidup agi' doi' komatian.

Roma 10:9

Obai, aman kolai mongaku' agatn mulut obai “Yesus nam Tuhatn” inyo bokuaso ongko pocayo dalapm hati kolai obai Allah mombulah Sio hidup agi' doi' komatian, jadi kolai tajahan disolamant'an.

Roma 14:9

Nanam sobabnyo Kristus udah mati ongko hidup agi', ia'an oca' Sio monjadi Tuhatn inyo bokuaso doi' urakng inyo udah mati ongko urakng inyo ija' hidup.

Roma 4:24

Pomandiran nantai ditulis pakai' kito jam. Obai, kito pan monjadi bondar di hadapan Allah obai kito pocayo ko Sio. Kito pocayo Sio inyo mombulah Yesus, Tuhatn kito, bobali' hidup agi' doi' komatian.

Roma 6:4

Dalapm baptisan nantai, kito mati huatan dipasar bosamo Kristus oca' kito pan mondapat'an kohidupan boharu, samo sama'an Allah Bopai mombulah Kristus bobali' hidup doi' komatian ulih kuaso-Nyo inyo mulia.

Roma 8:11

Roh Allah udah bulah Yesus Kristus hidup agi' doi' komatian. Ongko nantaiam Roh inyo diapm di dalapm diri kaitn jam. Jadi, biar pan tubuh kaitn tajahan mati, Roh Allah tajahan bulah tubuh kaitn hidup agi'.

Roma 8:34

Conyiant ado urakng inyo ulih mohukupm kito. Obai, Kristus Yesus udah dihukupm mati pakai' kito. Malahan lobih doi' nantai agi'! Kristus udah hidup agi' huatan dudu' di tompat inyo tohormat di sopia' kanan Allah. Sio nam inyo mombela kito!

1 Korintus 15:12

Jadi, koi momboritoan obai Yesus udah dihidupan agi' doi' komatian. Aman kaitn udah pocayo nantai, co mungkitn kaitn mongatoan obai urakng mati kinyo paca'an dihidupan agi' doi' komatian.

1 Korintus 15:15

Lobih doi' nantai, soandainyo urakng mati bondar-bondar kinyo dihidupan agi', jadi koi ia'an urakng inyo tumbukan mongona'i Allah. Obai, koi udah momandiran obai Allah inyo mombulah Kristus hidup agi', padohal Allah co molabuhan hal nantai.

1 Korintus 15:20

Apo sobondarnyo Allah udah bulah Kristus monjadi urakng potamo inyo dihidupan agi' doi' komatian.

1 Korintus 15:4

Lalu Sio dipasaram. Apo watu ari kotigo Sio dihidupan agi', sosuai agatn inyo tulisan di Buku Suci.

1 Korintus 6:14

Allah udah mombulah Tuhatn Yesus bobali' hidup doi' komatian. Allah jam paca'an mombulah kito bobali' hidup agi' doi' komatian agatn kuaso-Nyo.

2 Korintus 4:14

Obai, koi pocayo obai Allah inyo udah mombulah Tuhatn Yesus bobali' hidup, ubo nian jam paca'an bulah koi hidup agi' pakai' hidup kokal bosamo agatn Yesus. Allah paca'an mombaba' koi bosamo-samo agatn kaitn kopohadapan diri-Nyo.

Galatia 1:1

Ko inyo tohormat boko kolompok urakng inyo pocayo agatn Yesus di propinsi Galatia: Surat ni'in doi' aku, Paulus, huatan pan doi' somuo urakng pocayo inyo ado bosamo agatn aku. Aku monjadi rasul bukainyo obai dipilih monsio, pan kinyo diutus ulih monsio. Aku dipilih huatan diutus ulih Rajo Inyo Dijanjian Allah, pakai' momboritoan Kabar Boi' ulih Allah Bopai. Aku pan diutus ulih Allah Bopai inyo bulah Yesus bobali' hidup doi' komatian.

Efesus 1:20

inyo Sio gunoan pakai' mombulah Kristus bobali' hidup doi' komatian ongko mombulah Kristus dudu' di tompat inyo tohormat di sopia' kanan Sio di sorugo.

Kolose 2:12

Obai watu kaitn dibaptis dalapm damo Yesus, kohidupan kaitn inyo manah nantai udah mati, ubonyo kaitn dipasar bosamo-samo agatn Kristus. Apo kaitn pocayo obai kuaso Allah udah bulah Kristus bobali' hidup doi' komatian. Obai nantai, kaitn pan dionji'i kohidupan inyo boharu.

1 Tesalonika 1:10

Sia' pan mongisahan obai kaitn monanti watu Ana' Allah paca'an datakng agi' ko dunia ni'in doi' sorugo. Ia'an, Yesus inyo udah Allah hidupan agi' doi' komatian. Yesus nantaiam inyo monyolamant'an kito doi' hukupan Allah inyo paca'an datakng.

Ibrani 13:20

Aku bodoa ko Allah inyo moonji'i sonang-asau. Sio mombulah Tuhatn kito, Yesus, bobali' hidup doi' komatian. Agatn sama'an nantai, darah Yesus monsahan pojanjianinyo Allah pulah agatn monsio pakai' somanah-manahnyo. Yesus monjadi Gombala Agukng inyo mombimbikng kito, boko domba-Nyo.

Ibrani 2:14

Yesus monyobut'an boko urakng inyo pocayo ko Sio sobagai poana'an. Sia' ado bukakng-tubuh monsio inyo ulih mati, jadi Yesus monjadi monsio huatan moalapi koadaan samo sama'an sia'. Sio molabuhan nantai oca' watu Sio mati, Sio ulih mohancuran Rajo Sitatn. Rajo Sitatn bokuaso mombulah monsio mati.

1 Petrus 1:21

Ia'an, kaitn dapat monjadi pocayo ko Allah obai porbuatan Kristus nantai. Allah udah bulah Sio hidup agi' doi' antaro urakng mati lalu mombulah Sio monjadi mulia. Agatn ubo nantai, kaitn pocayo huatan boharap ko Allah.

Wahyu 1:18

Aku ninam inyo Hidup. Aku udah mati, apo porotiancam, Aku hidup pakai' somanah-manahnyo. Aku monjujut kunci huatan bokuaso tohadap komatian ongko dunia urakng mati