Kisah Boko Rasul 2:22 - Porjanjian Boharu Torjomahan Baso Dilakng Soari-ari

²² Petrus molajuan pandirnyo, Watu ni'in boko somadikanku urakng Israel, dinga'an pomandiranku ni'in. Yesus doi' laman Nazaret diutus ulih Allah. Allah udah mombutian nantai obai Allah molabuhan somuo macapm mujisat di tongah-tongah kaitn somuo molalu'i Sio. Kaitn udah mongotohu'i nantai.

Kisah Boko Rasul 2:22 ပူးပေါင်းရင်းမြစ်များ

Matius 12:28

Apo, inyo bondar ia'an Aku monundukng roh jahat agatn kuaso Allah. Ongko, nantai rotinyo Koraja'an Allah udah datakng ko kaitn.

Matius 2:23

Sia' botula' ko laman inyo bodamo Nazaret ongko bodiapm di su'utn. Kojadian nantai tojadi oca' pomandiran Tuhatn Allah monjadi nyata. Timpu joman komai boko nabi monulis obai Rajo Inyo Dijanjian Allah paca'an disobut ‘Urakng Nazaret.’

Matius 9:8

Watu boko urakng moniant nantai, sia' gola' obai kuaso-Nyo. Sia' momuji Allah inyo moonji'i kuaso sama'an nantai ko monsio.

Lukas 11:20

Apo, inyo bondar nantai Aku monundukng roh jahat agatn kuaso Allah. Jadi, nantai boroti Koraja'an Allah udah datakng ko kaitn.”

Lukas 18:37

Sia' bopandir, “Yesus, Urakng Nazaret, tongahan lalu di si'itn.”

Lukas 24:18

Lalu siku' urakng doi' sia', inyo bodamo Kleopas, bopandir, “Somuo urakng inyo datakng ko kota Yerusalem pakai' morayaan Paskah udah tohu apo inyo tojadi di su'utan watu ni'in. Pasti ongkah Duatam inyo kinyo tohu?”

Yohanes 1:45

Filipus botomu agatn Natanael. Katonyo ko io, “Koi udah monomuan Sio inyo doi' joman komai udah Musa sobut di dalapm Buku Torat, Sio inyo udah boko nabi sobut'an dalapm boko buku sia' jam. Ia'an, Yesus ana' Yusuf. Sio doi' laman Nazaret.”

Yohanes 10:37

Soandainyo Aku co molabuhan boko pokoroja'an Bopai-Ku, kaitn jangan pocayo ko aku.

Yohanes 11:47

Jadi, boko urakng Farisi nantai bosamo agatn boko imam kopala' monggoyapi Majelis agama Yahudi pakai' bohoupm. Kato sia', “La'apo inyo gola' kito labuhan agatn Urakng nian? Obai, Sio bulah banya' mujisat.

Yohanes 12:17

Ado banya' urakng inyo bosamo Yesus timpu Sio mombulah Lazarus bobali' hidup doi' komatian huatan moningkau io koluar doi' dalapm pasaran. Boko urakng inyo moniant nantai torus momboritoan hal nantai ko boko urakng bukai.

Yohanes 15:24

Aku udah molabuhan boko pogota'an di antaro sia' inyo bolupm kalo dilabuhan urakng bukai. Soandainyo Aku co molabuhan nantai, jadi sia' co bodosa. Apo ni'in biar pan sia' udah moniant somuonyo nantai, sia' ija' bonci'an Aku huatan Bopai-Ku.

Yohanes 19:19

Pilatus udah monyiuh pakai' momasakng tulisan ni'in di dipucu' kayu salib nantai. Bunyinyo, “Ninam Yesus, urakng Nazaret, Rajo urakng Yahudi.”

Yohanes 3:2

Watu malapm, io datakng ko Yesus. Katonyo, “Guru, koi tohu obai Duatn ninam guru inyo diutus Allah. Obai, Duatn molabuhan boko mujisat nantai. Conyiant urakng inyo mampu molabuhan lou' sama'an nantai aman co ado potulukan doi' Allah.”

Yohanes 4:48

Kato Yesus ko io, “Kaitn bayo pocayo ko Aku aman kaitn moniant mujisat.”

Yohanes 5:36

Apo Aku ado buti inyo lobih kuat daripado pomandiran Yohanes. Allah Bopai udah moonji'i pokoroja'an ko aku. Aku molabuhan boko pokoroja'an nantai watu ni'in. Somuo porbuatan-Ku nantai mombutian obai Bopai udah moutus Aku.

Yohanes 6:14

Pas boko urakng nantai moniant mujisat inyo udah dipulah Yesus, sia' bopandir, “Pasti Sio ninam Nabi inyo koi tantian paca'an datakng ko dunia!”

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Yohanes 7:31

Apo, di antaro urakng banya' nantai ado banya' jam inyo pocayo ko Yesus. Kato sia', “Aman Kristus datakng nononyo, apo ulih bai Io bulah mujisat lobih doi' Urakng ni'in?”

Yohanes 9:33

Soandainyo Sio nantai co datakng doi' Allah, co mungkitn Sio ulih molabuhan mujisat la'apo pan.”

Kisah Boko Rasul 13:16

Jadi, Paulus bodiritn ongko moonji'i kode agatn jarinyo obai io honda' bopandir. Katonyo, “Boko urakng Yahudi huatan boko urakng bukainyo urakng Yahudi udah pocayo ko Allah. Dinga'anbo!

Kisah Boko Rasul 14:27

Jadi, watu sia' tuntukng di Antiokhia, sia' mongumpulan boko urakng pocayo ko Yesus. Sia' duo mongisahan somuo inyo udah Allah labuhan dalapm polayatan sia'. Hususnyo, sia' mongisahan mongona'i Allah inyo moonji'i caro oca' banya' urakng inyo bukainyo urakng Yahudi monjadi pocayo ko Yesus.

Kisah Boko Rasul 2:19

Aku pan tajahan bulah boko tando mujisat inyo luar biaso di langit huatan di bumi. Watu nantai paca'an ado darah, api ongko ansap tobal.

Kisah Boko Rasul 2:43

Watu nantai, boko rasul molabuhan bomacapm mujisat Obai nantai, somuo urakng di Yerusalem mooso hiratn.

Kisah Boko Rasul 21:28

huatan mondorah, “Oi urakng Yahudi, tulukngbo! Ninam io inyo mongajar somuo urakng di mono-mono pakai' molawatn banso kito. Io mongajar urakng pakai' molawatn porintah huatan poraturan Allah inyo ditulis Musa dalapm buku Hukupm Torat. Io jam mongajar urakng pakai' co morogo'i Rumah Allah ni'in. Malahan timpu ni'in io udah bulah kotor socaro rohani tompat suci ni'in obai io mombaba' urakng bukai Yahudi ko si'itn.”

Kisah Boko Rasul 22:8

Ongko aku botakutn, ‘Sopo Duatn, Tuhatn?’ Timbas-Nyo, ‘Aku ninam Yesus, urakng Nazaret, inyo kolai dorako'i nantai!’

Kisah Boko Rasul 24:5

Koi udah moniant obai urakng ni'in pongacau. Di soluruh dunia, io bulah korusuhan di antaro somuo urakng Yahudi. Io jam momimpitn kolompok urakng inyo jumpat ajaran Urakng Nazaret nantai.

Kisah Boko Rasul 26:26

Rajo Agripa pan udah tohu mongona'i boko hal ni'in. Obai nantai, aku ulih bopandir agatn torus torakng ko io. Aku yakitn obai io udah kalo mondinga' mongona'i boko hal ni'in. Pasti io tohu somuonyo obai boko hal ni'in tojadi di boko tompat inyo dikotohu'i urakng banya'.”

Kisah Boko Rasul 26:9

Komai aku pan bopikir obai aku gola' molawatn agatn koras somuo urakng inyo pocayo agatn Yesus doi' Nazaret.

Kisah Boko Rasul 3:12

Petrus moniant obai somuo sia' nantai hiratn. Ongko, io bopandir, “Boko somadikanku urakng Israel! Jangan kaitn hiratn obai kojadian ni'in. Jangan kaitn borotian koi duo. Jangan kaitn bopikir koi duo bisi koboi'an husus di hadapan Allah sampai urakng lumpuh ni'in nyamanam. Jangan kaitn bopikir koi duo bisi kuaso siku' pakai' monyamani urakng ni'in.

Kisah Boko Rasul 3:6

Apo Petrus bopandir, “Aku co nyiant duit omas ongko pira' pakai' monulukng kolai. Apo ado caro bukai aku ulih monulukng kolai: Agatn kuaso Yesus Kristus, doi' laman Nazaret, bojalatncam!”

Kisah Boko Rasul 4:10

Jadi oca' kaitn somuo tohu. Somuo urakng banso kito Yahudi gola' tohu jam! Urakng ni'in bodiritn sehat di hadapan kaitn sokarakng obai io nyamanam agatn kuaso Yesus Kristus doi' Nazaret. Kaitn udah monula' Sio sampai Sio dihukupm mati di kayu salib. Apo Allah udah bulah Sio hidup agi' doi' komatian.

Kisah Boko Rasul 5:35

Katonyo, “Boko urakng sobansoku Israel! Cubo bopikir boboi' holu'ai kolaku'an kaitn ko boko rasul nantai.

Kisah Boko Rasul 6:14

Obai koi udah mondinga' pomandirannyo. Io mongatoan aman Yesus doi' Nazaret tajahan mohancuran tompat ni'in. Io pan mongatoan Yesus paca'an morubah adat baso inyo disampaian Musa ko angki-bayatn kito.”

2 Korintus 12:12

Timpu aku bosamo agatn kaitn, aku mombutiannyo ko kaitn obai aku ninam rasul inyo bondar. Agatn sabar aku molabuhan somuo macapm mujisat, boko porbuatan luar biaso inyo monunju'an kuaso Tuhatn.

Ibrani 2:4

Malahan Allah mombutian Pomandiran nantai bondar obai Sio moonju' kuaso ko sia' pakai' molabuhan somuo macapm mujisat ongko obai sia' bodapat bomacapm komampuan husus inyo dionju' ulih Roh Allah sosuai agatn kohonda'-Nyo.