Kisah Boko Rasul 2:20 - Porjanjian Boharu Torjomahan Baso Dilakng Soari-ari

²⁰ Matoari paca'an monjadi golap. Bulatn paca'an monjadi mirah ubo darah. Boko hal nantai paca'an tojadi sobolupm Tuhatn datakng. Ari kodatakan Tuhatn nantai ari inyo pontikng huatan luar biaso.

Kisah Boko Rasul 2:20 ပူးပေါင်းရင်းမြစ်များ

2 Petrus 3:10

Tuhatn pasti datakng huatan kodatakan-Nyo nantai samo sama'an pongolit. Kinyo ado urakng inyo tohu arinyo. Pado ari nantai paca'an ado bunyi inyo hebat huatan co paca'an ado langit agi'. Somuo hal inyo ado di langit paca'an lobur tocucul. Bumi huatan somuo hal inyo ado di dalapmnyo paca'an hilakng lonyap jam.

Matius 24:29

“Kinyo manah lopas watu ajab sonsaro nantai, matoari paca'an monjadi golap. Bulatn kinyo paca'an borandai agi'. Boko bintakng paca'an jatu' doi' langit. Huatan boko ponguaso di langit paca'an boguyakng.

2 Petrus 3:7

Apo, Allah mongombolo langit ongko bumi inyo ado watu ni'in agatn Pomandiran-Nyo jam. Sio mongombolo somuonyo nantai sampai watu Sio mohukupmnyo agatn api, ongko mombonasoan boko urakng inyo kinyo taat ko Sio.

Lukas 21:25

“Nononyo paca'an ado boko tando di matoari, bulatn, boko bintakng di langit inyo monunju'an dunia ni'in tajahan boahir. Di bumi boko urakng monjadi kotakng gola', monjadi putus asa obai loutnyo tajahan boguruh bogura', tajahan bogolumbakng bosar.

Markus 13:24

“Lopas jadi ajab sonsaro nantai, matoari tajahan monjadi potakng. Bulatn kinyo borandai agi'.

Wahyu 16:8

Molekat koompat monumpahan mangku'nyo ko pucu' matoari. Lalu, matoari dionji'i kuaso pakai' moloburan monsio agatn api.

Wahyu 6:12

Lopasnyo, Ana' Domba nantai mombuka' segel koonam. Watu nian, aku moniant, ih, ado gompa bumi inyo bosar. Matoari monjadi hitapm hiru' sama'an pakai'an urakng tongahan bulikng. Bulatn monjadi mirah sama'an darah.

1 Korintus 5:5

Urakng nantai gola' disorahan ko Rajo Sitatn oca' bukakngnyo bonaso. Agatn ubo nian, watu Tuhatn bobali', jiwa urakng nantai paca'an disolamant'an.

Matius 27:45

Watu japm duo bolas tongah ari, soluruh doerah nantai potakng-kabut sampai japm tigo babahari.

Kisah Boko Rasul 2:19

Aku pan tajahan bulah boko tando mujisat inyo luar biaso di langit huatan di bumi. Watu nantai paca'an ado darah, api ongko ansap tobal.

Kisah Boko Rasul 2:21

Watu ari nantai, somuo urakng inyo mondorah mominto potulukan-Nyo, sia' paca'an disolamant'an.’