Kisah Boko Rasul 2:17 - Porjanjian Boharu Torjomahan Baso Dilakng Soari-ari

¹⁷ Allah bopandir, ‘Watu ahir joman, Aku paca'an moonji'i Roh-Ku ko somuo urakng. Ongko boko ana' kaitn, lolaki huatan botina' tajahan monyampaian posatn-Ku ko boko urakng. Boko bujakng muda' kaitn paca'an bodapat boko poniant'an, Boko urakng tuho kaitn paca'an bodapat boko mimpi husus.

Kisah Boko Rasul 2:17 ပူးပေါင်းရင်းမြစ်များ

Lukas 3:6

Ongko boko urakng tajahan moniant kosolamant'an inyo datakng doi' Allah.’ ”

Yohanes 17:2

Bopai udah moonji'i kuaso ko io di pucu' somuo urakng. Duatn molabuhan nantai oca' Io ulih moonji'i kohidupan kokal ko somuo urakng inyo pocayo ko io, ia'an somuo urakng inyo Duatn onju' ko io.

Yohanes 7:39

(Agatn pomandiran nantai, Yesus bomasud Roh Allah. Somuo urakng inyo pocayo ko Yesus paca'an monorima' Roh Allah. Apo watu nantai, Roh Allah bolupm ditorima' sia' obai Yesus bolupm dimuliaan.)

Kisah Boko Rasul 10:45

Ado boko urakng Yahudi inyo tuyut Petrus doi' kota Yope. Sia' moniant kojadian nantai. Kotakan hiratn sia' obai Roh Allah jam datakng ko boko urakng inyo bukai Yahudi.

Kisah Boko Rasul 11:27

Di kota Yerusalem ado boko nabi inyo monyampaian posatn Allah ko boko urakng inyo pocayo Yesus. Pado watu Barnabas ongko Saulus ado di Antiokhia, boboropo doi' nabi nantai datakng.

Kisah Boko Rasul 11:28

Salah siku' doi' sia' bodamo Agabus. Timpu, io bodiritn dalapm potomuan boko urakng pocayo. Roh Allah ado momonuhi io. Ongko io boposatn mongona'i lapar-barau inyo paca'an tojadi di soluruh doerah Israel. (Lapar-barau nantai bondar-bondar tojadi watu Klaudius nantai monjadi Kaisar negara Roma).

Kisah Boko Rasul 2:16

Sobondarnyo watu joman komai Allah udah mombori'tohuan molalu'i Nabi Yoel mongona'i poristiwa kodatakan Roh Allah ni'in. Nabi Yoel monulis,

Kisah Boko Rasul 2:18

Watu ahir joman nantai jam, Aku paca'an moonji'i Roh-Ku malahan ko boko hulutn-Ku, lolaki huatan botina'. Sia' paca'an monyampaian posatn-Ku ko boko urakng.

Kisah Boko Rasul 2:33

Lopas nantai, Sio udah noi' ko sorugo obai kuaso Allah. Yesus pan udah monorima' Roh Allah obai Roh Allah nantai udah dijanjian Bopai-Nyo. Jadi, watu ni'in Yesus moonji'i Roh Allah ko koi. Nanam kojadian inyo udah kaitn tiat huatan dinga' molalu'i boko urakng inyo bopandir agatn bomacapm baso di si'itn.

Kisah Boko Rasul 21:9

(Io bisi ompat urakng ana' botina' inyo bolupm kawitn. Tuhatn moonji'i komampuan ko koompat urakng botina' nantai pakai' monyampaian posatn-Nyo).

Roma 5:5

Aman kito boharap ko Sio sama'an nantai, jadi kito kinyo paca'an kocewa. Obai, hati kito udah dibisi'i Allah agatn kasih-Nyo. Allah molabuhan nantai agatn porontaroan Roh-Nyo inyo udah dionju' ko kito.

1 Korintus 12:10

Ko urakng bukainyo agi', Roh Allah moonji'i komampuan pakai' bulah mujisat. Ko urakng bukainyo agi', Roh Allah moonji'i komampuan pakai' monyampaian boko posatn-pontal doi' Allah. Ko urakng bukainyo agi', Roh Allah moonji'i komampuan pakai' monyongkayoan bomacapm-macapm roh. Ko urakng bukainyo agi', Roh Allah moonji'i komampuan pakai' bopandir dalapm baso roh. Ko urakng bukainyo agi', Roh Allah moonji'i komampuan pakai' monjolasan roti doi' pomandiran dalapm boko baso roh nantai.

1 Korintus 12:28

Allah momilih boko urakng dalapm kolompok urakng pocayo. Inyo potamo, boko rasul, ia'an boko urakng inyo dipilih pakai' momboritoan Kabar Boi'. Inyo koduo, boko nabi, ia'an boko urakng inyo monyampaian posatn doi' Allah. Inyo kotigo, boko urakng inyo dionji'i komampuan pakai' mongajar. Ongko, ado boko urakng inyo dionji'i komampuan pakai' bulah mujisat. Ado jam boko urakng inyo dionji'i komampuan pakai' monyamani, boko urakng inyo dionji'i komampuan pakai' monulukng urakng bukai, boko urakng inyo dionji'i komampuan pakai' momimpitn, ongko boko urakng inyo dionji'i komampuan pakai' bopandir dalapm boko baso roh.

Ibrani 1:2

Apo, watu ari-ari toahir ni'in Allah bopandir ko kito molalu'i Ana'-Nyo. Allah udah monotap'an Ana'-Nyo inyo bohak momuku'i somuo hal. Molalu'i Sio, Allah mombulah sogolintaran alapm.

Yakobus 5:3

Omas ongko pira' umputn kaitn paca'an botogar. Nianam mombutian obai kaitn tama'. Jadi, Allah paca'an mombonasoan kaitn, samo sama'an api inyo moloburan isi kaitn. Kaitn hala mongumpulan kodampuan pakai' hobu-lusonyo. Apo sobondarnyo joman ni'in nam ari toahir kaitn.

2 Petrus 3:3

Inyo palikng utamo gola' kaitn kotohu'i ia'an: Pado ahir joman, paca'an ado boko urakng inyo gala' mohayam kaitn. Sia' nantai dikuaso'i hawa napsu inyo jahat.