Kisah Boko Rasul 2:14 - Porjanjian Boharu Torjomahan Baso Dilakng Soari-ari

¹⁴ Lopas nian Petrus maju bosamo kosobolas rasul inyo bukai. Agatn saro borakng io bopandir ko somuo urakng banya' nantai, “Boko somadikan urakng Yahudi huatan somuo urakng inyo bodiapm di Yerusalem! Dinga'anbo pomandiranku ni'in. Aku paca'an monjolasan masud doi' somuo inyo tojadi ni'in.

Kisah Boko Rasul 2:14 ပူးပေါင်းရင်းမြစ်များ

Matius 2:1

Pas, Yesus lahir di Betlehem, di doerah Yudea, timpu Rajo Herodes momorintah doerah nantai. Lopas Yesus lahir, ado boko urakng majus datakng ko kota Yerusalem. Sia' datakng doi' nogori inyo jouh di doerah Timur.

Kisah Boko Rasul 1:26

Lopas nian sia' botonung. Sokalinyo damo Matias am inyo topilih dalapm potonungan nantai. Jadi, io diangkat monjadi rasul bonsamo kosobolas rasul inyo bukai.

Kisah Boko Rasul 13:16

Jadi, Paulus bodiritn ongko moonji'i kode agatn jarinyo obai io honda' bopandir. Katonyo, “Boko urakng Yahudi huatan boko urakng bukainyo urakng Yahudi udah pocayo ko Allah. Dinga'anbo!

Kisah Boko Rasul 2:22

Petrus molajuan pandirnyo, Watu ni'in boko somadikanku urakng Israel, dinga'an pomandiranku ni'in. Yesus doi' laman Nazaret diutus ulih Allah. Allah udah mombutian nantai obai Allah molabuhan somuo macapm mujisat di tongah-tongah kaitn somuo molalu'i Sio. Kaitn udah mongotohu'i nantai.

Kisah Boko Rasul 21:28

huatan mondorah, “Oi urakng Yahudi, tulukngbo! Ninam io inyo mongajar somuo urakng di mono-mono pakai' molawatn banso kito. Io mongajar urakng pakai' molawatn porintah huatan poraturan Allah inyo ditulis Musa dalapm buku Hukupm Torat. Io jam mongajar urakng pakai' co morogo'i Rumah Allah ni'in. Malahan timpu ni'in io udah bulah kotor socaro rohani tompat suci ni'in obai io mombaba' urakng bukai Yahudi ko si'itn.”

Kisah Boko Rasul 5:35

Katonyo, “Boko urakng sobansoku Israel! Cubo bopikir boboi' holu'ai kolaku'an kaitn ko boko rasul nantai.

Kisah Boko Rasul 7:2

Stefanus monimbasi, “Pombopaian boko poadikng-poanci'an dinga'anku bo! Bopai kito komai, Abrahapm bodiapm di doerah Mesopotamia, apo watu sio ija' di doerah Mesopotamia nantai, Allah inyo Maho Bosar udah moniant'an diri-Nyo ko sio.

Yakobus 2:5

Boko somadikan inyo ku kasihi! Dinga'anbo ni'in! Allah momilih boko urakng jaro di dunia pakai' monjadi urakng inyo bondar-bondar konal agatn Sio. Obai sia' pocayo ko Yesus, jadi sia' monjadi ahli waris Koraja'an Allah. Nantaiam kodampuan inyo Allah janjian ko somuo urakng inyo mongasihi Sio.