Kisah Boko Rasul 2:1 - Porjanjian Boharu Torjomahan Baso Dilakng Soari-ari

¹ Watu Ari Pentakosta, somuo urakng inyo pocayo agatn Yesus bokumpul. Sia' bokumpul di sobuah rumah.

Kisah Boko Rasul 2:1 ပူးပေါင်းရင်းမြစ်များ

Kisah Boko Rasul 1:5

Yohanes mombaptis urakng agatn ara'i. Apo co manah agi' Aku paca'an mombaptis kaitn agatn Roh Allah.”

Kisah Boko Rasul 1:8

Apo Roh Allah paca'an tinggal di dalapm kaitn. Watu nantai, kaitn paca'an monorima' kuaso. Kaitn paca'an momboritoan mongona'i Aku ko boko urakng bukai di kota Yerusalem huatan di sotiap doerah Yudea. Kaitn paca'an momboritoan mongona'i Aku jam di sotiap doerah Samaria. Kaitn paca'an momboritoan mongona'i Aku sampai ko boko tompat inyo palikng jouh di soluruh dunia.”

Kisah Boko Rasul 2:46

Sotiap ari sia' bokumpul di tongahlamanan Rumah Allah, pusat kogiatan koagamaan urakng Yahudi. Sia' bokumpul agatn sohati sopikiran. Sia' pan opat hala mohundakng pakai' makatn bosamo di boko rumah sia', huatan sia' morayaan Porjamuan Kudus jam. Sia' molabuhan somuo nantai agatn tulus hati huatan kotakan rindakng,

Kisah Boko Rasul 20:16

Doi' pulau Samos ko kota Miletus, koi kinyo singgah di kota Efesus. Paulus udah momutusan nantai. Io co honda' tolalu manah di propinsi Asia obai io honda' hagar tuntukng ko Yerusalem. Aman ulih, io honda' ado di su'utn pado ari rayo Pentakosta.

Kisah Boko Rasul 4:24

Watu boko urakng pocayo mondinga' nantai, sia' somuo bosatu dalapm doa ko Allah. Kato sia', “Au Tuhatn inyo Maho Kuaso, Duatn nam inyo monjadian langit, bumi, lout, huatan somuo isinyo.

Kisah Boko Rasul 4:31

Lopas jadi bodoa, tompat sia' bokumpul nantai boguyakng. Roh Allah monguaso'i sia' somuo, jadi sia' mongkitn borani momboritoan pomandiran Allah.

Kisah Boko Rasul 4:32

Agatn kuaso inyo luar biaso, boko rasul hala momboritoan mongona'i Tuhatn Yesus udah hidup agi' doi' komatian. Allah kotakan monunju'an kasih-Nyo ko somuo urakng inyo pocayo nantai. Sia' hala sohati sopikiran. Co nyiant doi' sia' inyo moanggap kodampuannyo nantai umputn io siku'. Somuo inyo umputn sia' digunoan pakai' kopontikan bosamo.

Kisah Boko Rasul 5:12

Boko rasul Yesus banya' bulah mujisat di antaro urakng banya'. Timpu nantai, somuo urakng inyo pocayo ko Yesus opat bokumpul di salah sobuti' polantaran Rumah Allah inyo bodamo ‘Polantaran Salomo’

Roma 15:6

Lalu, agatn satu hati ongko satu saro, kaitn bosamo-samo ulih momuji Allah, Bopai doi' Yesus Kristus, Tuhatn inyo bokuaso dipucu' kito.

1 Korintus 16:8

Apo, sobolupm aku botula' ko Makedonia, aku paca'an tinggal di si'itn di kota Efesus, sampai ari rayo Pentakosta.

Filipi 1:27

Lapo ja' inyo tojadi ko aku, inyo pontikng ia'an kaitn hidup sosuai agatn Kabar Boi' mongona'i Kristus. Agatn ubo nian, aman aku ulih datakng botomu agatn kaitn damo cuku datakng ongko bayo mondinga' mongona'i kaitn, jadi aku tajahan tohu obai kaitn totap kuat pocayo. Aku tajahan tohu kaitn bosatu hati ongko bojuakng bosamo pakai' kopocaya'an inyo sosuai agatn Kabar Boi' nantai.

Filipi 2:2

Obai somuo nantai, pulahcam hati ku lobih sonang agi' agatn molabuhan boko hal ni'in: Hidupcam di dalapm kosatuan. Hala mongasihi siku'-monyiku'. Kohonda'nyo pikiran ongko tujuan kaitn hala samo.